Fréttablaðið - 24.02.2011, Blaðsíða 8

24. febrúar 2011 FIMMTUDAGUR8
LÖGREGLUMÁL Lögreglan á höfuð-
borgarsvæðinu hefur upplýst tvö
rán sem voru framin í Reykja-
vík, annað í Vesturbænum um
síðustu helgi en hitt í Grafarvogi
um þarsíðustu helgi.
Fimm menn voru handteknir
og hafa þeir allir játað sök. Fjór-
ir þeirra komu við sögu í báðum
ránunum en sá fimmti í öðru
þeirra. Ránin voru keimlík, því
í báðum tilvikum fóru mennirnir
grímuklæddir inn á skyndibita-
stað, ógnuðu starfsfólki og höfðu
síðan eitthvert smáræði af pen-
ingum á brott með sér. Fimm-
menningarnir eru á aldrinum 16
til 34 ára.
Þá var karlmaður á þrítugs-
aldri handtekinn í verslun á höfuð-
borgarsvæðinu síðdegis í fyrra-
dag. Þar hafði hann stolið nokkrum
tölvuleikjum. Þeim hafði þjófurinn
stungið í tösku sem hann hafði með-
ferðis. Hún var sérstaklega útbúin
þannig að ekki var hægt að nema
þjófavörn þegar farið var framhjá
skynjara í öryggishliði, sem nú eru
í flestum verslunum.
Loks voru fjögur ungmenni hand-
tekin fyrir þjófnaði í fyrirtæki í
Kópavogi í fyrradag. Þar höfðu þau
stolið tölvu. Í fórum þeirra reyndust
vera fleiri illa fengnir munir. Um er
að ræða tvo pilta og tvær stúlkur á
aldrinum 17 til 19 ára. - jss
Lögreglan á höfuðborgarsvæðinu í önnum eftir rán og þjófnaðarbrot:
Tvö rán upplýst og fimm teknir
LÖGREGLAN Hefur haft í nógu að snúast
vegna þjófnaðarmála og gripdeilda.
Komdu í VIST og hafðu samskipta- og upplýsinga-
tæknimál fyrirtækisins á einum og öruggum stað.
VIST byggir á grunnpakka sem inniheldur m.a.
heimasvæði, tölvupóst, öryggisvarnir og afritun
– á föstu mánaðargjaldi fyrir hvern starfsmann.
[VIST]
UT-lausnir fyrir
þitt fyrirtæki
Það er
800 4000 – siminn.isAfritun Öryggi Rekstrarþjónusta Hýsing Tímasparnaður
Oddi – umhverfisvottuð prentsmiðja. Höfðabakka 7, 110 Reykjavík, sími 515 5000, www.oddi.is
AF VÖRUM Á
MYNDABÓKAVEF25
afsláttur í
febrúar
Fermingakort A6, r
með 25% afslætti 119kr
Verð er gefið upp með vsk. og miðast við afhendingu hjá Odda Höfðabakka 7.
Afsláttur gildir ekki með öðrum tilboðum.
www.oddi.is
Fastus ehf. | Síðumúla 16 | 108 Reykjavík | Sími 580 3900 | www.fastus.is
Sjálfvirk hjartastuðtæk
örugg og einföld
í notkun með
íslensku tali.
Getur þú bjargað
DÓMSMÁL Ríkissaksóknari hefur
ákært fyrir Héraðsdómi Reykja-
víkur karlmann um fertugt fyrir
að kasta kjötdiski úr postulíni í
andlit konu. Diskurinn brotnaði
með þeim afleiðingum að hún
opið sár á hægri augabrún og
skurð á efri og neðri vör.
Atvikið átti sér stað að kvöldi
föstudagsins 20. ágúst 2010.
Ákæruvaldið ákærir manninn
fyrir sérstaklega hættulega lík-
amsárás og krefst þess að hann
verði dæmdur til refsingar og til
greiðslu alls sakarkostnaðar. - jss
Ríkissaksóknari ákærir mann:
Braut disk á
andliti konu
NÝJA-SJÁLAND, AP Nokkrum hundr-
uðum manna hefur verið bjargað á
lífi úr rústum húsa í Christchurch
á Nýja-Sjálandi en um 300 manns
var enn saknað í gær, daginn eftir
að 6,3 stiga jarðskjálfti reið þar
yfir. Að minnsta kosti 75 manns
eru látnir.
Hundruð hermanna, lögreglu-
manna og hjálparstarfsmanna
hafa leitað í rústunum í örvænt-
ingarfullu kapphlaupi við tím-
ann, sem stundum hefur skilað
óvæntum árangri.
Mikill fögnuður braust þannig
út í gær þegar björgunarmenn
náðu Ann Bodkin út úr rústum
háhýsis eftir mikið erfiði, því hún
lá grafin innan um steypuklumpa
og snúin málmstykki. Eiginmaður
hennar hafði beðið milli vonar og
ótta meðan unnið var að björgun
hennar.
Svo hittist á að um leið og hún
var laus úr rústunum brutust geisl-
ar sólarinnar út úr skýjunum, en
þungbúið hafði verið fram að því.
Varð þá Bob Parker, borgarstjóra
í Christchurch, að orði: „Þeir náðu
Ann út úr byggingunni og Guð
kveikti ljósin.“
Verr fór annars staðar í borg-
inni þar sem fimmtán ára tví-
burar, Lizzy og Kent, biðu fyrir
utan Canterbury-sjónvarpsstöð-
ina, sjö hæða byggingu þar sem
móðir þeirra vann við morgun-
þátt. Húsið hrundi í jarðskjálftan-
um en þau reyndu hvað þau gátu að
halda í vonina meðan björgunar-
fólk kannaði aðstæður.
Þá kom lögreglukona út úr rúst-
unum, kraup fyrir framan tví-
burana og sagði enga von lengur
til þess að neinn fyndist á lífi í
rústunum.
Fimmtán starfsmenn sjónvarps-
stöðvarinnar voru í húsinu og þar
voru einnig tíu japanskir skipti-
nemar ásamt kennurum í tungu-
málaskóla sem einnig var til húsa
í byggingunni.
Heilu hverfi borgarinnar eru í
rúst eftir jarðskjálftann. Að kvöldi
þriðjudags var ákveðið að leggja
á útgöngubann yfir nóttina, bæði
til þess að tryggja að fólk færi sér
ekki að voða á hættulegum stöð-
um og til þess að koma í veg fyrir
þjófnaði.
Nokkrir hafa verið handteknir
fyrir innbrot og þjófnaði.
Hætta þótti á að ein hæsta bygg-
ing borgarinnar, hið 27 hæða Hotel
Grand Chancellor, myndi hrynja
og var ákveðið að rýma hótel-
ið og næstu tvær húsaraðirnar í
kringum það. gudsteinn@frettabladid.is
Hundruð manna
enn í rústum húsa
Jarðskjálftinn á Nýja-Sjálandi hefur kostað að minnsta kosti 75 manns lífið
en björgunarfólki tókst í gær að bjarga hundruðum manna úr rústunum við
mikinn fögnuð ættingja og vina. Heilu hverfi borgarinnar eru gjöreyðilögð.
GERÓNÝTT HEIMILI Hjónin Murray og Kelly James fyrir utan heimili sitt í Christchurch
daginn eftir jarðskjálftann. NORDICPHOTOS/AFP
1. Hver er meðalævilengd íslenskra
karla?
2. Hvað heitir sendiherra
Ungverjalands á Íslandi?
3. Hvar leikur þungarokkssveitin
HAM á morgun?
SVÖR
1. 79,7 ár. 2. Lajos Bozi. 3. Á NASA.
VEISTU SVARIÐ?