Fréttablaðið - 21.12.2010, Page 37

ÞRIÐJUDAGUR 21. desember 2010
Brasilískt vax, þar sem öll skapa-
hár eru fjarlægð, er orðið ein vin-
sælasta vaxmeðferðin sem boðið er
upp á á snyrtistofum. Þetta kemur
fram hjá fjórum snyrtifræðing-
um sem Fréttablaðið hafði sam-
band við.
„Algengasta vaxið hjá okkur er
brasilískt og leggir,“ segir Stein-
unn Óladóttir snyrtifræðimeist-
ari hjá Cera snyrtihúsi á Stórhöfða.
Hún segir konur í meirihluta
þeirra sem sæki vaxmeðferðir en
þó séu alltaf einhverjir karlar inni
á milli, líka í brasilískt vax. Þá sé
fólkið sem sæki í vaxmeðferðir
á öllum aldri. „En er fólk ekkert
feimið í brasilíska vaxinu?“ „Nei,
þetta er eins og hver önnur með-
ferð, það er ekki hægt að vinna
þetta öðruvísi,“ segir Steinunn.
Á snyrtistofunni Helenu fögru á
Laugavegi 163 er svipaða sögu að
segja. Vinsælustu vaxmeðferðirn-
ar eru vax á augabrúnum, fótum,
undir höndum, bikiní og brasilískt
vax. „Brasilíska vaxinu fylgja
aukin þægindi, konur þurfa ekki
lengur að raka sig annan hvern
dag og svo er þetta orðið aðeins
sársaukaminna með komu gúmmí-
vaxins sem er eingöngu notað í
brasilískt vax,“ segir Brynhildur
Jakobsdóttir snyrtimeistari en
svipað vax er einnig notað á hinum
snyrtistofunum. Brynhildur segist
af og til fá fyrirspurnir frá körl-
um um brasilískt vax en ekki sé
boðið upp á þá meðferð fyrir karla
hjá Helenu fögru. Hins vegar hafi
aukist að karlmenn láti vaxa bak,
bringu og handleggi.
Á Snyrtistofu Nordica spa er
algengasta vaxið upp að hné, vax
upp í nára svo og brasilískt vax.
Bára Benediktsdóttir snyrtifræð-
ingur segir ungar konur aðallega
sækja í brasilíska vaxið en ann-
ars sæki mjög breiður aldurshóp-
ur í vaxmeðferðir. Karlar eru ekki
teknir í brasilískt vax á Nordica
en þeir sækja í auknum mæli eftir
vaxi á baki og bringu.
Aðalheiður Ósk Þorleifsdóttir,
snyrtimeistari hjá Mecca spa,
segir algengustu vaxmeðferðirn-
ar vera vax á augabrúnum en ann-
ars brasilískt og vax upp að hné og
undir höndum. „Konur eru sjaldn-
ast feimnar,“ segir hún. Mecca spa
hafa borist fyrirspurnir frá körlum
um brasilískt vax en býður ekki
upp á meðferðina fyrir karlmenn.
Algengasti aldur þeirra kvenna
sem sækja í brasilískt vax er frá
19 til 30 ára. „En við höfum fengið
konur alveg upp í sextugt,“ segir
Aðalheiður og bætir við að brasil-
íska vaxið sé komið til að vera.
solveig@frettabladid.is
Brasilískt eitt
vinsælasta vaxið
Brasilískt vax er ein algengasta vaxmeðferðin í dag. Konur eru í
meirihluta þeirra sem sækja slíka meðferð en ekki bjóða allar stofur
upp á slíkt vax fyrir karla. „Engin feimni meðal starfsfólks eða við-
skiptavina,“ segja snyrtifræðingar sem Fréttablaðið ræddi við.
Ungar konur sækja aðallega í brasilískt vax. Karlar fá ekki þjónustu alls staðar en
áhugi þeirra á slíku vaxi hefur aukist. NORDICPHOTOS/GETTY
Vatnsmelónur eru til ýmissa hluta
nytsamlegar. Með því að bera kjöt
vatnsmelónu í andlitið og láta það
liggja í fimmtán mínútur er lofað
hressilegra og unglegra útliti.
www.medindia.net/beauty
PEYSUR
25%
afsláttur
til jóla
PEYSUR
25%
afsláttur
til jóla
Kringlan/smáralind
FRÉTTIR VIÐSKIPTI ÍÞRÓTTIR LÍFIÐ UMRÆÐAN
MÁ BJÓÐA YKKUR MEIRI VÍSI?
Stærsti frétta- og afþreyingarvefur landsins.