Sameiningin - 01.01.1930, Blaðsíða 26

24
Viima.
Til er tvennskonar vinna, andleg og líkamleg. Sumir hugsa,
að þaÖ sé engin vinna að vera prestur eða kaupmaður; þeir hafi
víst ekki mikiÖ til að verÖa þreyttir af, sem hafi ekkert annað að
gera en standa við búðarborðið, eöa sitja inni á skrifstofu við
lestur og skrift, en öll áreynsla er vinna, hvort hún er andleg eða
líkamleg.
Sumir hyggja líka að þeir séu orðnir meiri menn, ef þeir
hætta að vinna grófa vinnu. Þeir menn eru dálítið svipaðir
Faríseum, sem héldu, að þeir saurguSust af syndinni, ef þeir
reyndu til að hjálpa föllnum bróður. Eins finst sumum það
vanvirða að bera út ösku, moka fjós, eða að höggva brenni. Þeir
aðgæta það ekki, að þessi hugsunarháttur er vanvirSa. Það
getur ekki verið vanvirða að nokkurri nytsamri kunnáttu. Að
geta lagt haga hönd á sem flest nytsöm verk, er hverjum manni
sómi.
Hjá Gyðingum í fornöld var það skylda, að allir drengir
lærðu handverk. 1 því efni voru þeir oss fremri. E'kki ætti
nokkurt barn í nokkru landi aS vera svo uppalið, að það ekki
lærði að vinna. Með því á eg við bæði líkamlega og andlega
vinnu. Hin líkamlega ætti að vera talin óhjákvæmilegt skilyrði
j^roskans. Margir verja seinni hluta æfinnar til andlegra starfa.
Andinn lifir þá, að nokkru leyti á líkamanum. Gróði er það fyr-
ir hvern þann mann, að hann hafi náS góðum líkamlegum þroska
í æsku, en það er því sem næst ómögulegt nema að sá unglingur
hafi unnið líkamlega vinnu.
Það er einnig sannleikur, að líkamleg vinna þroskar sálina
jafnframt líkamanum. Ekki hefi eg nokkurn tíma kynst einu
einasta verki svo einföldu, að ekki þurfi að læra það. Surnar
hreyfingar í nútíðar verksmðijum eru svo óbrotnar og margæfS-
ar, að þær krefjast ekki neinnar hugsunar, en það er ekki tilfellið
með neitt nýtt verk. Undantekningarlaust þarfnast það athugun-
ar. Oft er athugunin, sem þörf er' á, svo mikil og margbrotin, að
úr því verður veigamikil og heilbrigð mentun. Eg hefi það fyrir
satt, aS hver drengur, sem hefir alist upp við nytsemdarstörf á
heimili sínu, honum kent að vinna vel, vinna margvísleg störf, og
vinna svo, að hann hafi oft fundið til hæfilegrar líkamlegrar
þreytu, hafi með þessu lagt góðan grundvöll undir nytsamt æfi-
starf. Abraham Lincoln vann harða skógarvinnu og margt annað
líkamlega erfitt í æsku, og var það eitt atriðið, sem gerði hann
hæfan til aS vera forseta Bandaríkjanna á erfiðasta tímabili í
sögu þess lands. Páll postuli lærði tjaldgerð í ungdæmi sínu,