Fréttablaðið - 22.03.2011, Blaðsíða 4

22. mars 2011 ÞRIÐJUDAGUR4
Þráinn Bertelsson var kjörinn á Alþingi fyrir Hreyfinguna
vorið 2009. Hann sagði sig úr Hreyfingunni í ágúst sama ár og
starfaði utan flokka þar til hann gekk til liðs við þingflokk Vinstri
grænna í september 2010.
Jón Magnússon tók sæti á Alþingi fyrir
hönd Frjálslynda flokksins árið 2007 en
sagði sig úr flokknum í byrjun febrúar
2009 og gekk til liðs við Sjálfstæðisflokkinn
síðar í sama mánuði. Jón hafði áður verið
varaþingmaður Sjálfstæðisflokksins og for-
maður Sambands ungra sjálfstæðismanna.
Kristinn H. Gunnarsson sagði skilið
við þrjá þingflokka á
átján ára þingmanns-
ferli. Hann var fyrst kjörinn þingmaður
Alþýðubandalagsins árið 1991 en eftir að
sá flokkur ákvað að ganga til samstarfs við
Alþýðuflokk og Kvennalista um stofnun
Samfylkingarinnar haustið 1998 sagði
Kristinn sig úr flokknum og stóð utan þing-
flokka um tveggja mánaða skeið en gekk
þá til liðs við þingflokk Framsóknarflokksins. Hann náði síðan
kjöri fyrir Framsókn í kosningunum 1999 og 2003 en sagði sig
úr þingflokki Framsóknar og gekk til liðs við Frjálslynda flokkinn
í febrúar 2007 og náði kjöri fyrir þann flokk í kosningum þá um
vorið. Hann sagði sig hins vegar úr þingflokknum í febrúar 2009
og var utan þingflokka þar til þingferli hans lauk þá um vorið.
Valdimar Leó Friðriksson varð þingmaður Samfylkingarinnar
á miðju kjörtímabili árið 2005 en sagði sig
úr flokknum í nóvember 2006, gekk til liðs
við Frjálslynda flokkinn þar til þingferli hans
lauk vorið 2007.
Karl V. Matthíasson var þingmaður Sam-
fylkingarinnar frá árinu 2007 en sagði sig
úr flokknum og gekk til liðs við Frjálslynda
flokkinn í mars 2009,
eftir að honum hafði
verið hafnað í prófkjöri Samfylkingarinnar
vegna þingkosninga vorið 2009.
Jóhanna Sigurðardóttir var kosin á þing
fyrir Alþýðuflokkinn árið 1978 en sagði sig
úr flokknum haustið 1994 eftir langvarandi
átök við Jón Baldvin Hannibalsson, þáver-
andi formann og var utan þingflokka fram
að kosningunum 1995 en náði þá kjöri sem leiðtogi nýs flokks,
Þjóðvaka. Þjóðvaki var eitt þeirra stjórnmálaafla sem síðan urðu
að Samfylkingunni sem Jóhanna hefur setið á þingi fyrir frá því
hann bauð fyrst fram í þingkosningunum 1999.
Gunnar Örlygsson varð þingmaður fyrir Frjálslynda flokkinn
vorið 2003 en gekk til liðs við Sjálfstæðisflokkinn í maí árið
2005 og sat í þingflokki sjálfstæðismanna þar til hann lét af
þingmennsku vorið 2007.
Steingrímur J. Sigfússon, var kjörinn á þing fyrir Alþýðu-
bandalagið árið 1983. Í þeirri uppstokkun sem varð á vinstri
væng stjórnmálanna í aðdraganda að stofnun Samfylkingarinnar
sumarið og haustið 1998 sagði Steingrímur sig úr þingflokki
Alþýðubandalagsins og var óháður þingmaður veturinn á eftir en
náði kjöri sem leiðtogi nýr flokks, Vinstri grænna, í kosningunum
1999.
Ögmundur Jónasson varð þingmaður 1995 sem fulltrúi
Alþýðubandalagsins og óháðra. Hann yfirgaf þingflokk Alþýðu-
bandalagsins um svipað leyti og Steingrímur J. Sigfússon og
Hjörleifur Guttormsson, og var utan flokka fram að kosning-
unum vorið 1999 þegar hann leiddi lista hins nýja flokks Vinstri
grænna í Reykjavík.
SKIPTU UM FLOKK
VEÐURSPÁ
Alicante
Basel
Berlín
Billund
Frankfurt
Friedrichshafen
Gautaborg
Kaupmannahöfn
Las Palmas
London
Mallorca
New York
Orlando
Ósló
París
San Francisco
Stokkhólmur
HEIMURINN
Vindhraði er í m/s.
Hitastig eru í °C.
Gildistími korta er um hádegi.
15°
12°
14°
11°
16°
15°
9°
9°
20°
15°
17°
12°
29°
3°
15°
14°
7°
Á MORGUN
3-8 m/s.
FIMMTUDAGUR
Fremur hægur vindur,
en hvassara syðst.
-4
-4
-2
-2
0
1
0
2
-2
-4
4
5
7
9
8
7
9
8
13
4
12
5
0
0
-4 -4
-1
2
2
-2 -3
-3
RÓLEGHEIT Horfur
á fínu og rólegu
veðri næstu dag-
ana, en það dregur
smám saman úr
vindi og einnig úr-
komu til morguns.
Hæg austanátt
á fi mmtudag og
úrkomulítið og lítur
út fyrir heldur hlýn-
andi veður undir
lok vinnuvikunnar.
Elísabet
Margeirsdóttir
veður-
fréttamaður
GENGIÐ 21.03.2011
GJALDMIÐLAR KAUP SALA
HEIMILD: Seðlabanki Íslands
216,2147
GENGISVÍSITALA KRÓNUNNAR
113,91 114,45
185,34 186,24
161,32 162,22
21,631 21,757
20,467 20,587
18,185 18,291
1,4011 1,4093
180,87 181,95
Bandaríkjadalur
Sterlingspund
Evra
Dönsk króna
Norsk króna
Sænsk króna
Japanskt jen
SDR
AUGLÝSINGADEILDIR FRÉTTABLAÐSINS – AUGLÝSINGASTJÓRI: Jón Laufdal jonl@frettabladid.is ALMENNAR SÍMI 512-5401: Hendrik Sigurðsson hendrik@frettabladid.is, Guðmundur Steinsson gudmundurs@365.is, Laila Awad laila@365.is, Örn Geirsson orn.geirsson@365.is, Hjördís Zoëga hjordis@frettabladid.is
ALLT SÍMI 512-5402: Jóna María Hafsteinsdóttir jmh@365.is, Þórdís Hermannsdóttir thordish@365.is SÉRBLÖÐ SÍMI 512-5016: Sigríður Hallgrímsdóttir sigridurh@frettabladid.is, Hlynur Þór Steingrímsson hlynurs@365.is, Benedikt Freyr Jónsson benediktj@365.is RAÐAUGLÝSINGAR /FASTEIGNIR SÍMI 512-5403:
Hrannar Helgason hrannar@365.is, Viðar Ingi Pétursson vip@365.is ÞJÓNUSTUAUGLÝSINGAR SÍMI 512-5407: Sigurlaug Aðalsteinsdóttir sigurlaug@365.is, Arna Rut Kristinsdóttir arnarut@365.is, Guðný Gunnlaugsdóttir gunny@365.is KYNNINGARSTJÓRI: Einar Skúlason einar.skulason@365.is
sex saman í p
akka
ÍS
L
E
N
S
K
A
S
IA
.I
S
M
S
A
4
58
61
0
4/
09
Margt varð til þess að Atli Gísla-
son og Lilja Mósesdóttir ákváðu
fyrir helgi að segja sig úr þing-
flokki VG. Þau telja flokkinn hafa
vikið frá stefnuskrá sinni í mörg-
um veigamiklum málum og foryst-
una ástunda óboðleg vinnubrögð.
Atli og Lilja opinberuðu ákvörð-
un um úrsögn í gær en höfðu gert
upp hug sinn fyrir helgi. Á sunnu-
dag upplýstu þau samstarfsmenn í
þingflokknum um ákvörðunina en
segjast hvorki hafa lagt að þeim
né búist við að þeir fylgdu þeim.
Í tilkynningu og á fundi með
blaðamönnum í gær tíunduðu Atli
og Lilja þau mál sem steytt hefur
á í starfinu í þingflokknum.
Nefndu þau efnahagsstefnu rík-
isstjórnarinnar, fjárlög, AGS, Ice-
save, ESB, Magma, skuldavanda
heimilanna og stjórnmálakúltúr-
inn.
Þau fundu ofangreindum málum
allt til foráttu.
Efnahagsstefnuna segja þau
miða að því að verja fjármagns-
kerfið og fjármagnseigendur á
kostnað almennings og velferðar-
kerfisins, afgreiðslu fjárlaga hafa
verið dæmigerða fyrir ólýðræð-
isleg vinnubrögð og forysta VG
sé orðin að eins konar málsvara
AGS á Íslandi þótt flokkurinn hafi
verið einarður andstæðingur AGS
áður en hann fór í ríkisstjórn.
Saga Icesave-málsins er sögð
samfelld sorgarsaga og það kall-
að klúður. Lilja er andvíg nýjustu
samningunum en Atli greiddi
þeim atkvæði sitt.
Bæði eru andvíg aðildarum-
sókninni að ESB. Sagði Atli meðal
annars um það mál að gengið hefði
verið fram hjá Jóni Bjarnasyni
sem með réttu ætti að hafa for-
ræði yfir málefnum sjávarútvegs
og landbúnaðar í umsóknarferl-
inu. „Umsóknin er í öngstræti,“
sagði Atli.
Þau harma að ekkert hafi verið
gert til að koma í veg fyrir áfram-
haldandi einkavæðingu HS orku
og segja að tregða meirihluta
stjórnarflokkanna við að taka á
skuldavanda heimilanna hafi tafið
endurreisn efnahagslífsins.
Stjórnmálakúltúrinn segja þau
ómögulegan, foringjaræðið sé
algjört og stjórnarþingmenn laga-
afgreiðslumenn. Við þetta ætla
þau ekki að búa lengur.
bjorn@frettabladid.is
Vonlaus ríkisstjórn
Ríkisstjórnin starfar ekki í anda norrænna velferðarstjórna heldur dregur taum
fjármagnsins að mati Atla Gíslasonar og Lilju Mósesdóttur sem hafa kvatt VG.
FARIN Lilja Mósesdóttir var kjörin á þing fyrir VG 2009 en Atli 2007. Hann var varaþingmaður kjörtímabilið á undan. Bæði gegndu
formennsku í nefndum þingsins þangað til í gær, Lilja í viðskiptanefnd og Atli í sjávarútvegs- og landbúnaðarnefnd. Þingflokkur
VG vék þeim í gær úr öllum nefndum sem þau sátu í fyrir hönd flokksins. RÉTTABLAÐIÐ/STEFÁN
„Ég var sett í skammarkrókinn
sumarið 2009 vegna andstöðu við
Icesave og hef verið þar síðan,“ segir
Lilja Mósesdóttir. Forysta VG hafi
einangrað hana. Lilja er hagfræðingur
og kveðst hafa vonast til að þekking
hennar yrði að gagni í störfum VG.
Hún hafi raunar farið í pólitík svo
að þekking hennar mætti verða að
gagni. „Það hefur lítið sem ekkert
tillit verið tekið til minna sjónarmiða,“
segir hún.
Lilja hefur íhugað úrsögn úr þing-
flokknum síðan milli jóla og nýárs.
„Ég vonaðist til að forystan myndi
teygja sig í átt til okkar. Mér finnst ég
hafa sýnt mikið langlundargerð og
var tilbúin til málamiðlana en ekkert
gerðist.“
Lilja segir að fyrir utan það sem
þau tíunduðu í yfirlýsingu hafi
einkum tvennt orðið til þess að hún
tók ákvörðun um úrsögn fyrir helgi.
„Annars vegar var það yfirlýsing seðla-
bankastjóra um að sennilega þyrfti
að framlengja samninginn við AGS og
svo yfirlýsing Helga Hjörvar og Árna
Páls Árnasonar um að ekki væri ráð-
legt að hækka skatta á þá sem væru
með langt yfir milljón í tekjur. Mér
finnst það ekki vera í anda jafnaðar-
mannaflokka á Norðurlöndum og við
erum enn langt frá Norðurlandaþjóð-
unum þótt við höfum hækkað skatta
töluvert. Við lofuðum fyrir síðustu
kosningar að láta breiðustu bökin
bera þyngstu byrðarnar.“
Að auki nefnir Lilja að í janúar hafi
hún farið fram á að þingflokkur VG
skipaði vinnuhóp til að móta nýja
efnahagsstefnu sem myndi fela í sér
að AGS hyrfi héðan í ágúst. „Þá kom
í ljós að ég og formaður flokksins
erum algjörlega ósammála. Hann
mat stöðuna miklu betri en ég en nú
hefur komið á daginn að hagvöxtur
er talsvert undir því sem gert var ráð
fyrir.“
Lilja og Atli ætla að starfa saman
utan þingflokka þangað til annað
verður ákveðið. Hvorugt kvaðst í gær
á leið í annan flokk.
Lilja í skammarkróknum
vegna Icesave frá 2009
Stjórn Vinstri grænna í Vest-
mannaeyjum skorar á Atla Gísla-
son að segja af sér þingmennsku
svo að varamaður hans geti tekið
sæti á Alþingi.
Í yfirlýsingu sem stjórnin
sendi frá sér í gærkvöld segir að
ákvörðun Atla um að segja sig úr
þingflokki VG hafi valdið miklum
vonbrigðum en Atli er þingmaður
flokksins í Suðurkjördæmi.
„Með úrsögninni telur stjórnin
að Atli sitji ekki lengur á Alþingi
í umboði kjósenda VG í kjördæm-
inu,“ segir í yfirlýsingunni.
Stjórnin ítrekar fullan stuðn-
ing sinn við ríkisstjórn Vinstri
grænna og Samfylkingarinnar.
Stjórn VG í Eyjum:
Atli segi af sér
þingmennsku
STJÓRNARLIÐAR YFIRGEFA ÞINGFLOKK
Formenn Sjálfstæðisflokks og
Framsóknarflokks segja ríkis-
stjórnina standa höllum fæti og
rétt væri að efna til kosninga.
Sigmundur Davíð Gunnlaugs-
son, formaður Framsóknar-
flokksins, sagði í fréttum Stöðvar
2 að óvissan væri mikil og lengi
hafi verið uppi „pattstaða“ í
íslenskum stjórnmálum.
„Ríkisstjórnin hefur ekki verið
í aðstöðu til þess að framkvæma
það sem þarf að framkvæma. Ég
held að þetta sé enn ein ábending-
in um að það þurfi að breyta til
og kjósa aftur,“ segir Sigmundur.
Bjarni Benediktsson, formaður
Sjálfstæðisflokksins, sagði við
Vísi að brotthvarf þingmannanna
væri frekari staðfesting á óein-
ingu í stjórnarsamstarfinu. „Ég
hef oft sagt að nú þurfi menn að
einbeita sér að þjóðarhag og það
gerum við með því að einbeita
okkur að fáum verkefnum og
flýta kosningum,“ segir Bjarni. - þj
Sigmundur Davíð og Bjarni:
Réttast að efna
til kosninga