Fréttablaðið - 22.03.2011, Qupperneq 26

22. MARS 2011 ÞRIÐJUDAGUR6 ● svþ ● verslun og þjónusta
Hún hefur ekki aðeins
hugsjónir, hún byggir líf sitt
og starf á þeim. Margrét Pála
Ólafsdóttir, fræðslustjóri
Hjallastefnunnar, trúir á
samtakamáttinn.
„Samfélagið er að líða meira í
dag fyrir neikvæð viðhorf og nei-
kvæðar skoðanir í sjálfu sér en
efnahagsbreytingarnar, sem ég
vil kalla svo. Við sem stöndum að
Samtökum verslunar og þjónustu
viljum hvetja alla þjóðina til þess
að taka höndum saman og spila
saman. Við þurfum að gera allt
sem í okkar valdi stendur til þess
að stuðla að jákvæðri uppbyggingu
í þjóðfélaginu,“ segir Margrét Pála
Ólafsdóttir, fræðslustjóri Hjalla-
stefnunnar, og velur hvert orð af
kostgæfni.
„Við þurfum að gefa íslensk-
um hugmyndum og lausnum svig-
rúm til að blómstra svo atvinnulíf-
ið geti skapað ný störf. Við þurfum
að veita hvert öðru jákvæða athygli
og samhjálp, aðeins þannig vinnum
við okkur í gegnum vandann. Ís-
lensk þjóð hefur áður sýnt að hún
getur það og hún getur það enn.“
Mennta- og uppeldismál eru
Margréti Pálu hugleikin, enda er
hún frumkvöðull á því sviði. Bæði
er hún stofnandi Hjallastefnunn-
ar svokölluðu og rekur nú sjálf-
stætt starfandi skóla bæði á leik-
og grunnskólasviði í þeim anda.
„Samtök sjálfstætt starfandi skóla
vinna á grunni samtakamáttarins
og við kjósum að vinna með öðrum
sem eru í þjónustugeiranum. Þegar
fólk stillir saman strengi sína má
vinna hreinustu kraftaverk en slík-
um er ekki hægt að ná þegar hver
höndin er upp á móti annarri. Þá
erum við komin að dýpstu vanda-
málum sögunnar.“
Margrét Pála hefur talað fyrir
því á undanförnum mánuðum að
stöðugur niðurskurður sé ekki
lausnin í menntakerfinu. „Við
þurfum á uppskurði að halda. Við
höfum tækifæri núna, einmitt
vegna efnahagsbreytinganna, að
endurskoða allar okkar hugmyndir
og gera róttækar breytingar sem
geta orðið samfélaginu dýrmæt-
ari en stöðugur niðurskurður með
sömu gömlu aðferðunum. Þetta
getum við gert bæði á mennta- og
heilbrigðissviði, opinber rekstur
er dýr og við getum leitað nýrra
leiða og einkaframtakið er ein leið
til þess. “
Fræðslustjórinn nefnir að sjálf-
stætt starfandi leik- og grunn-
skólar fái minna framlag frá hinu
opinbera til þess að vinna sín verk-
efni, þannig að það sé ódýrari leið
fyrir samfélagið í heild. „Við veit-
um samt sambærilega þjónustu
bæði fyrir nemendur og fjölskyld-
ur en þarna gefst einstaklingum og
hópum færi á að þróa nýjar hug-
myndir og jafnvel hrinda í fram-
kvæmd. Það er sem sagt allra
hagur að leita nýrra leiða.“
RÓTTÆKAR
HUGMYNDIR
og breytingar
nauðsynlegar
„Við sem stöndum að Samtökum verslunar og þjónustu viljum hvetja alla þjóðina til þess að taka höndum saman og spila
saman,“ segir Margrét Pála. MYND/GVA
Datamarket er tæplega árs gam-
alt fyrirtæki sem sérhæfir sig í
að aðstoða fólk að finna og túlka
tölfræðigögn á tölvutæku formi.
Gögnin eru öll aðgengileg á einum
stað, www.datamarket.com, eða á
gagnatorg.capacent.is fyrir ís-
lenskan markað.
„Þetta er eins konar leitarvél
þar sem hægt er að slá inn leitar-
orð sem skilar tölfræðiupplýsing-
um frá aðilum eins og Hagstof-
unni, Seðlabankanum, Capacent,
Vinnumálastofnun og fleirum,
allt á einum stað,“ segir Hjálmar
Gíslason, stofnandi Datamarket.
„Þessar upplýsingar er svo hægt
að setja upp í töfluform og vinna
áfram í Excel eða sambærilegum
forritum.“
Allar tölfræðiupplýsingar
opinberra aðila eru aðgengilegar
Datamarket-notendum að kostnað-
arlausu, en upplýsingar einkafyr-
irtækja, eins og til dæmis Capa-
cent, er greitt fyrir.
Upplýsingunum er ætlað að
nýtast stjórnendum, millistjór-
nendum og öðrum þeim sem sjá
um ákvarðanatöku er snýr að upp-
byggingu og stefnumótun fyrir-
tækja.
Allar upplýsingar
á einum stað
Hjálmar Gíslason stofnaði Datamarket þar sem hægt er að nálgast bæði innlendar
tölfræðiupplýsingar sem erlendar frá aðilum eins og Sameinuðu Þjóðunum, Euros-
tat, og fleirum. MYND/VALLI
Á pósthúsum finnur þú úrval smávöru, allt frá íslensku
sælgæti fyrir vini og vandamenn í útlöndum, yfir í
gjafavöru, ritföng og ýmiss konar umbúðir fyrir pakkann.

Kláraðu pakkann á pósthúsinu þínu!
Spilaðu með
Póstinum