Fréttablaðið - 22.03.2011, Blaðsíða 6
22. mars 2011 ÞRIÐJUDAGUR6
FRÉTTASKÝRING: Ástandið í Mið-Austurlöndum
Góður ávöxtunarkostur – einnig í áskrift
*Árleg nafnávöxtun frá 15.01.2001 til 28.02.2011. Ávöxtun í fortíð er ekki
ávísun á ávöxtun í framtíð.
Áskriftarsjóður ríkisverðbréfa er verðbréfasjóður skv. lögum nr. 30/2003
um verðbréfasjóði og fjárfestingarsjóði. Rekstrarfélag verðbréfasjóða ÍV
hf. er rekstrarfélag sjóðsins. Útboðslýsingu og nánari upplýsingar er hægt
að nálgast á heimasíðu www.iv.is. Fjárfestar eru hvattir til að kynna sér
útboðslýsingu sjóðsins og þá sérstaklega umfjöllun um áhættuþætti.
@Hafðu samband við
ráðgjafa okkar í síma
460 4700 eða kynntu þér
málið á www.iv.is
Sýrland
Þúsundir Sýrlendinga tóku í gær þátt í kröfugöngu í borginni Deraa í Sýrlandi.
Göngumenn kröfðust aukins frelsis og mótmæltu stjórnvöldum. Upp úr sauð
þegar öryggislögregla skaut á fólk sem tók þátt í útför manns sem lést í mótmæla-
göngu á sunnudag. Í það minnsta fjórir hafa látist í átökum í landinu síðustu daga.
Jemen
Tugir eru sagðir hafa látið lífið í átökum milli mótmælenda og lögreglu í
Jemen síðustu daga. Þrír hátt settir foringjar í her landsins lýstu í gær yfir
stuðningi við mótmælendur og sögðu af sér í kjölfarið. Stjórnvöld hafa
fyrirskipað hernum að koma sér fyrir víða í höfuðborginni til að koma í
veg fyrir mótmæli.
Egyptaland
Um 77 prósent kjósenda í Egyptalandi samþykktu breytingar á stjórnar-
skrá landsins í þjóðaratkvæðagreiðslu sem fram fór á laugardag. Samþykkt var að takmarka setu forseta við
tvö fjögurra ára kjörtímabil og sett skilyrði sem frambjóðendur verða að uppfylla. Ríflega 18 milljónir kusu í
kosningunum, sem þýðir að kosningaþátttakan var um 41 prósent.
Ófriður í Mið-Austurlöndum
MÓTMÆLT Þúsundir mótmæltu
stjórnvöldum í borginni Sanaa í
Jemen í gær. NORDIPHOTOS/AFP
Ónýtir skriðdrekar og brynvarðir bílar sáust
víða á vegum í nágrenni borgarinnar Beng-
hasí í gær. Borgin er höfuðvígi uppreisnar-
manna gegn stjórn Moammars Gaddafí, ein-
ræðisherra Líbíu. Hart hefur verið barist í
nágrenni borgarinnar undanfarið.
Stjórnarher Líbíu hörfaði frá uppreisnar-
mönnum nærri Benghasí eftir að loftárásir
frá breskum og frönskum orrustuþotum eyði-
lögðu skriðdreka og önnur hertól sem þeir
höfðu notað til að sækja að vígi uppreisnar-
manna.
Í kjölfarið sóttu uppreisnarmenn fram í átt
að bænum Ajdabiya, en urðu frá að hverfa
eftir að hafa mætt harðri mótstöðu.
Nokkurt mannfall varð í bardögunum í gær,
en tölur um fallna og særða hafa ekki fengist
staðfestar.
Vestræn ríki sem gera nú loftárásir á Líbíu
í kjölfar ályktunar öryggisráðs Sameinuðu
þjóðanna skutu seint á sunnudag stýriflaug-
um á byggingu sem sagt er að hafi verið notuð
til að skipuleggja og stýra árásum stjórnar-
hers landsins á uppreisnarmenn. Byggingin
stóð á víggirtu svæði í Trípólí, höfuðborg
landsins. Á svæðinu er einnig höll Gaddafí
ásamt bedúínatjaldinu sem hann er sagður
búa í.
Markmiðið með árásunum var ekki að ráða
Gaddafí af dögum segir yfirmaður breska
hersins. Engar fregnir hafa borist af því hvort
Gaddafí var yfirhöfuð á svæðinu þegar árásin
var gerð. Engar fregnir hafa borist af mann-
falli í árásinni.
Hópur óbreyttra borgara hafði á föstudag
tekið sér stöðu utan við svæðið til að koma
í veg fyrir að hægt væri að gera árásir á
það án þess að valda miklu mannfalli meðal
óbreyttra borgara. Engar fregnir hafa borist
af því hvort margir óbreyttir borgarar hafi
verið á staðnum þegar árásin var gerð.
Þrátt fyrir að Gaddafí haldi reglulega til á
svæðinu segja talsmenn breskra og franskra
stjórnvalda að hann hafi ekki verið skotmark-
ið. Talsmaður franska varnarmálaráðuneyt-
isins sagði raunar að þó að bandalagsherirnir
vissu hvar Gaddafí væri yrði ekki ráðist gegn
honum persónulega.
Yfirmaður breska heraflans sagði slíka
árás ekki rúmast innan ramma ályktunar
öryggisráðs Sameinuðu þjóðanna. Áður hefur
þó komið fram að verði Gaddafí nærri þeim
stöðum sem gerðar verði árásir á sé líf hans í
hættu, eins og líf annarra í nágrenninu.
Staðfestar upplýsingar um mannfall hafa
ekki borist frá því loftárásir bandalagsríkja
hófust á laugardag. Upplýst var í gær að allar
flugvélar sem notaðar hafa verið til eftir lits
og árása hafi snúið óskaddaðar til baka.
Skriðdrekar brenna eftir árásir
bandamanna við Benghasí í Líbíu
Loftárásir Bandaríkjanna, Bretlands og Frakklands á skotmörk í Líbíu héldu áfram í gær. Uppreisnarmenn hófu gagnsókn gegn stjórn-
arhernum. Stýriflaugum var skotið á stjórnstöð hersins nærri höll Gaddafí. Markmiðið samt ekki sagt að ráða Gaddafí af dögum.
ÁFRAM BARIST Uppreisnarmenn sóttu að stjórnarher Líbíu við bæinn Ajdabiya í gær, en hörfuðu aftur eftir harða mótspyrnu stjórnarhersins. NORDICPHOTOS/AFP
Heimild: BBC
■ Tobruk
■ Derna
■ Bayda
■ Benghasi
■ Misrata
■ Ajdabiya
■ Brega
■ Mitiga
■ Trípolí
■ Zawiya
■ Zuwara
■ Sirte
■ Ras Lanuf
Loftárásir bandamanna
Í höndum stjórnarhersins
Í höndum uppreisnarmanna
Skærur
Staðan í Líbíu
LÍBÍA
Brjánn
Jónasson
brjann@frettabladid.is