Fréttablaðið - 22.03.2011, Blaðsíða 16

22. mars 2011 ÞRIÐJUDAGUR16
Tilkynningar um merkis atburði, stórafmæli
og útfarir má senda á netfangið
timamot@frettabladid.is.
Auglýsingar á að senda á
auglysingar@frettabladid.is
eða hringja í síma 512 5000.
timamot@frettabladid.is
„Ég var fimmtán ára þegar ég greind-
ist með ME-sjúkdóminn og fannst ég
þá alein í heiminum. Ég komst hvergi
í samband við aðra sjúklinga né upp-
lýsingar um sjúkdóminn, og hef síðan
alið draum um að stofna félag,“ segir
Dagfríður Ósk Gunnarsdóttir, 19 ára
framhaldsskólanemi sem einnig er for-
maður nýstofnaðs ME félags Íslands.
ME er skammstöfun á Myalgic
Encephalomyelitis. Myalgic stendur
fyrir vöðvaverki og Encephalomyelitis
fyrir bólgum í heila eða mænu. Í dag-
legu tali hefur sjúkdómurinn ranglega
verið nefndur síþreyta. Ákveðið hefur
verið að leggja nafnið niður þar sem
það dregur úr alvarleika sjúkdómsins.
„ME-sjúklingar eru félagslega ein-
angraðir vegna lítils skilnings á sjúk-
dómnum. Hann er að mörgu leyti fal-
inn því hann sést ekki utan á okkur
nema fólk umgangist okkur allan dag-
inn því þá sést að við erum ekki fær
um það sem öðrum þykir sjálfsagt í
daglegu lífi. Margir eru fljótir að gagn-
rýna okkur og dæmi eru um að fjöl-
skyldumeðlimir snúi baki við sjúkling-
um með þeim ásökunum að þeir liggi
bara í leti og ómennsku. Þá hefur heil-
brigðiskerfið sína fordóma gagnvart
sjúkdómnum,“ segir Dagfríður Ósk,
sem í embætti sínu vill vekja athygli
á sjúkdómnum og uppfræða almenn-
ing, en jafnframt skapa sameiginleg-
an vettvang til að vinna að hagsmuna-
málum félagsmanna.
„Á Íslandi er ekki vitað hversu
margir þjást af ME, en á heimsvísu eru
það 17 milljónir manna. Sumir veikjast
hægt og bítandi en sjálf veiktist ég eins
og af flensu í fyrstu og versnaði svo
þar til ég var lögð inn til rannsókna á
Barnaspítala Hringsins. Einkenni eru
yfirþyrmandi máttleysi, margvísleg-
ir verkir og sumir fá heilaþoku, en þá
bregst minni þeirra og einbeiting,“
segir Dagfríður Ósk um sjúkdóminn
sem enn finnst engin lækning við.
„Hérlendis bjóðast enn engar lausn-
ir, en í nágrannalöndunum eru nú
stofnaðar meðferðarstofnanir og próf-
uð ný lyf. Langflestir sjúklinganna
eru óvinnufærir og orðnir öryrkjar.
Við viljum því fyrst og fremst viður-
kenningu á sjúkdómnum og vera með-
höndluð sem alvarlega veikt fólk, því
það er ólýsanlega sárt að fá fárveikur
framan í sig að maður liggi í aumingja-
skap. Þá höfum við velflest verið send í
kvíðarannsóknir þar sem skrifa hefur
átt sjúkdóminn á andlega vanheilsu en
ekkert fundist sem styður það,“ segir
Dagfríður Ósk sem bindur miklar
vonir við niðurstöður fjölmargra rann-
sókna sem nú fara fram.
„Margt er á huldu, en nú er meðal
annars talið að sjúkdómurinn stafi
af vírus sem herjar á líkamann og
einnig hefur fundist ákveðin tenging
við Akureyrarveikina sem herjaði á
Akureyringa um miðjan sjötta áratug-
inn. Ég fékk það hlutskipti að fá þenn-
an sjúkdóm, ætla að gera það besta úr
stöðunni og berjast fyrir aðra líka,“
segir baráttujaxlinn Dagfríður Ósk.
Fimmtudaginn 7. apríl mun Andrea
Gylfadóttir með hljómsveitinni Marel
blúsband halda tónleika til styrktar
ME félagi Íslands á Spot í Kópavogi,
og Sóli Hólm mun skemmta gestum.
Félagið er opið öllum sem láta sig
málefnið varða. Nánari upplýsingar
á netfanginu mefelag@gmail.com og
á Facebook-síðu félagsins: ME félag
Íslands. thordis@frettabladid.is
DAGFRÍÐUR ÓSK GUNNARSDÓTTIR: STÓÐ AÐ STOFNUN ME FÉLAGS ÍSLANDS
HVORKI ÓMENNSKA NÉ LETI
BARÁTTUJAXL Dagfríður Ósk stundar fjarnám við Fjölbrautaskóla Snæfellinga og sækir tíma
einu sinni í viku. Hún segir sjúkdóminn valda því að hún þurfi að leggjast fyrir eftir skólasókn-
ina því áreiti fari illa í ME-sjúklinga. MYND/ÓLI STEINAR SÓLMUNDARSON
56 LENA OLIN sænska leikkonan Lena Olin er 56 ára„Viðbrögð sjálfrar mín og annarra eru mér oft hulin ráðgáta. Þannig læt ég það vera,
í von um að ég öðlist einn daginn meiri skilning á lífinu og samskiptum fólks.“
MERKISATBURÐIR
1452 Gutenberg-Biblían prentuð fyrst bóka.
1867 Borgarnes við Brákarpoll verður löggiltur verslunarstaður.
1873 Þrælahald er bannað í Púertó Ríkó.
1888 Enska úrvalsdeildin í fótbolta stofnuð.
1924 Ríkisstjórn Jóns Magnússonar, sú þriðja undir forsæti
hans, tekur við völdum.
1963 Bítlarnir gefa út fyrstu breiðskífu sína Please Please Me.
1972 Í ljós kemur að Geirfugladrangur, vestan af Eldey, hefur
hrunið og sokkið í sæ.
Elskuleg móðir okkar, tengdamóðir,
amma og langamma,
Helga Sigbjörnsdóttir,
áður Bólstaðarhlíð 45,
andaðist á Hjúkrunarheimilinu Skógarbæ
föstudaginn 18. mars. Útförin fer fram frá
Fossvogskirkju föstudaginn 25. mars kl. 13.00.
Sigbjörn Guðjónsson Matthildur Hermannsdóttir
Kristín Guðjónsdóttir Kjartan Sigurðsson
Jórunn Anna Guðjónsdóttir Gunnar Gunnarsson
Elín Guðjónsdóttir Tore Sellgren
barnabörn og barnabarnabörn.
Ástkær bróðir okkar,
Guðbjartur Kjartansson
fangavörður,
Furugrund 40, Kópavogi,
lést þann 20. mars 2011 á hjartadeild Landspítalans við
Hringbraut.
Bryndís Kjartansdóttir Karl Arason
Ágústa Kjartansdóttir Ólafur F. Ólafsson
Halldór V. Kjartansson
Svanhvít Kjartansdóttir Einar S. Sigurðsson
Bára Kjartansdóttir
Elskulegur faðir okkar, tengdafaðir,
afi og langafi,
Magnús Þór Helgason,
Kirkjuvegi 1, Keflavík,
verður jarðsunginn frá Keflavíkurkirkju fimmtudaginn
24. mars kl. 16.00.
Einar Magnússon Ingibjörg Bjarnadóttir
Grétar Magnússon Margrét Borgþórsdóttir
Guðríður Magnúsdóttir Magnús Karlsson
barnabörn og barnabarnabörn.
Innilegar þakkir til ykkar allra, sem
sýnduð okkur hlýhug og samúð við
andlát og útför eiginmanns míns, föður
okkar, tengdaföður, afa og langafa,
Jóhanns G. Möller,
fv. skrifstofustjóra
Naustahlein 20, Garðabæ.
Elísabet Á. Möller
Árni Möller Signý Pálsdóttir
Helga Möller
Jóhann Möller
Eiður Möller
Maggý Helga Jóhannnsd. Möller Jón Sigurður Friðriksson
Gunnar Ormslev
Elísabet Ormslev
Jóhann Georg Jónsson
Hafrún Kristjánsdóttir
Ástkær móðir okkar, tengdamóðir,
amma og langamma,
Ruth Tryggvason,
lést á Fjórðungssjúkrahúsinu á Ísafirði miðvikudaginn
16. mars. Útför hennar fer fram frá Ísafjarðarkirkju
laugardaginn 26. mars klukkan 14.00. Blóm og kransar
eru vinsamlegast afþakkaðir en þeim sem vilja minnast
hennar er bent á minningarsjóð Úlfs Gunnarssonar á
Fjórðungssjúkrahúsinu á Ísafirði.
Tryggvi Björn Aðalbjarnarson Svava Oddný Ásgeirsdóttir
Árni Aðalbjarnarson Rósa Þorsteinsdóttir
María Margrét Aðalbjarnardóttir Pétur Birgisson
barnabörn og barnabarnabörn.
Elskulegur bróðir okkar,
Gunnar Sigurðsson
frá Eyvindarhólum,
lést laugardaginn 12. mars á Landspítala í Fossvogi.
Útförin hefur farið fram í kyrrþey að ósk hins látna.
Fyrir hönd aðstandenda,
systkini hins látna.
Ástkær eiginmaður minn,
Karl Filbert,
lést í Danmörku 3. mars sl. Útförin hefur farið fram.
Frida Lyck
Ástkær eiginmaður minn, faðir okkar,
tengdafaðir og afi,
séra Jón Bjarman,
andaðist fimmtudaginn 17. mars. Jarðarförin fer
fram frá Hallgrímskirkju fimmtudaginn 24. mars,
kl. 15.00. Þeir sem vilja minnast hans eru beðnir að
láta Hjúkrunarheimilið Sunnuhlíð í Kópavogi eða
Hjálparstarf kirkjunnar njóta þess.
Hanna (Jóhanna Katrín) Pálsdóttir
Páll Jónsson
Anna Pála Vignisdóttir Páll Loftsson
Jóhanna Katrín Pálsdóttir Jón Karl Stefánsson
Jón Bragi Pálsson Helga Jónsdóttir
Leifur Pálsson