Fréttablaðið - 02.04.2011, Page 96

2. apríl 2011 LAUGARDAGUR64
sport@frettabladid.is
KÖRFUBOLTI Keflvíkingar höfðu
engan áhuga á að fara í sumarfrí
og unnu frábæran sigur í þriðja
leiknum gegn KR í undanúrslitum
um Íslandsmeistaratitilinn í Ice-
land Express-deild karla, 135-139,
í framlengdum leik í Vesturbæn-
um í gærkvöldi. Fjórði leikurinn
er á mánudagskvöld.
Leikurinn var hraður, jafn og
spennandi og fengu fjölmargir
áhorfendur svo sannarlega mikið
fyrir peninginn í gærkvöldi. Allt
annað var að sjá til Keflvíkinga en
í undanförnum leikjum og börðust
þeir af krafti í alla bolta. Marcus
Walker fann sig ekki í fyrri hálf-
leik hjá KR en hann komst ekki á
blað. Staðan í hálfleik var 49-53
fyrir gestina.
Lokamínútur leiksins voru æsi-
spennandi. Þegar skammt var
eftir af leiknum virtust Keflvík-
ingar vera að sigla sigrinum í
hús en eins og körfuboltaáhuga-
menn ættu að vera búnir að læra
þá gefst KR aldrei upp. Þegar sjö
sekúndur voru eftir af leiknum
hafði Keflavík þriggja stiga for-
ystu. Brynjar Þór Björnsson setti
þá niður svakalegan þrist fyrir
heimamenn þegar tvær sekúndur
voru eftir og tryggði KR-ingum
framlengingu, 106-106. Sigurð-
ur Gunnar Þorsteinsson var ekki
langt frá því að tryggja Keflvík-
ingum sigurinn úr síðustu sókn
leiksins en niður vildi boltinn
ekki.
KR-ingar voru komnir í villu-
vandræði fyrir framlenginguna
og höfðu meðal annars misst
Fannar Ólafsson af velli með
fimm villur. Keflvíkingar gengu
á lagið í framlengingunni og inn-
byrtu sigur í frábærum körfu-
boltaleik sem verður áhorfendum
leiksins vafalaust lengi í minnum
hafður.
Andrija Ciric átti magnaðan
leik fyrir Keflavík í gær því hann
skoraði alls 42 stig og hefur lík-
lega aldrei leikið betur hér á
landi. Hjá KR var Marcus Walker
atkvæðamestur með 29 stig þrátt
fyrir að hafa ekki sett niður stig í
fyrri hálfleik. Pavel Ermolinskij
náði þrefaldri tvennu þegar hann
skoraði 12 stig, tók 15 fráköst og
gaf 17 stoðsendingar.
Guðjón Skúlason var afar
kátur í leikslok. „Eftir að hafa
misst leikinn í framlengingu þá
er þetta afar sætt og ég er stoltur
af liðinu. Við stigum upp sem lið
og sýndum að við erum í þessu af
alvöru. Við vorum ekki tilbúnir
að fara í sumarfrí. Við eigum
meira inni og við förum með
mikið sjálfstraust inn í fjórða
leikinn.“
Hreggviður Magnússon átti
frábæran leik fyrr KR og skoraði
alls 28 stig. Hann var vonsvikinn
í leikslok. „Ég hefði frekar kosið
að skora núll stig og vinna. Sókn-
arleikurinn hjá okkur var góður
en varnarlega vorum við daprir.
Við fengum alltof margar villur
og dómararnir voru kannski að
flauta meira á okkur. Við mætum
tvíefldir til Keflavíkur.“ - jjk
KR-Keflavík 135-139 (49-53, 106-106) Staðan: 2-1
Stig KR: Marcus Walker 29, Hreggviður Magnússon 28 (21 mín.), Brynjar Þór Björns-
son 25 (7 frák./5 stoðs.), Finnur Atli Magnússon 14, Pavel Ermolinskij 12 (15 frák./17
stoðs.), Fannar Ólafsson 12, Jón Orri Kristjánsson 5, Skarphéðinn Freyr Ingason 5,
Ólafur Már Ægisson 3, Ágúst Angantýsson 2.
Stig Keflavíkur: Andrija Ciric 42, Thomas Sanders 22 (7 frák./9 stoðs.), Magnús Þór
Gunnarsson 21, Sigurður Gunnar Þorsteinsson 20 (11 frák.), Hörður Axel Vilhjálmsson
14 (9 stoðs.), Gunnar Einarsson 12, Þröstur Leó Jóhannsson 4, Jón Nordal Hafsteins-
son 4.
Staðan í einvíginu er 2-1 fyrir KR og næsti leikur er í Keflavík á mánudagskvöldið.
BIRNA VALGARÐSDÓTTIR , fyrirliði Keflavíkurliðsins í Iceland Express-deild kvenna í körfubolta, verður í dag fyrst til að
taka þátt í tíu úrslitaeinvígum um Íslandsmeistaratitilinn í kvennakörfunni. Birna var fyrst með í lokaúrslitum vorið 1999 og hefur
fimm sinnum orðið Íslandsmeistari. Fyrsti leikur Keflavíkur og Njarðvíkur fer fram klukkan 16.00 í Keflavík en það lið sem vinnur
fyrr þrjá leiki verður Íslandsmeistari í Iceland Express-deild kvenna.
Helga Margrét Þorsteinsdóttir frjálsíþróttakona
Hvers virði er að klífa Everest
með lokuð augun?
Flestir íþróttamenn vita hversu mikilvægt og hvetjandi það er að setja sér
markmið. Ef þú veist ekki hvert þú stefnir þá endar þú örugglega einhvers
staðar annars staðar.
Ég legg mjög mikið upp úr markmiðssetningu og hef gert í nokkur ár. Það
var þó ekki fyrr en síðasta haust sem ég gerði mér grein fyrir því að það er í
raun ekki áfangastaðurinn sjálfur sem
skiptir mestu máli heldur vegferðin að
áfangastaðnum.
Ég áleit að til þess að uppskera
þyrfti ég fyrst að taka út góðan
skammt af vanlíðan og þjáningu. Lífið
myndi svo loksins hefjast þegar ég
væri búin að ná markmiðinu. Það nær
enginn árangri í vanlíðan.
Lykillinn að árangri er að líða vel,
vera sáttur og njóta líðandi stundar.
Auðvitað þarf maður að færa ýmsar
fórnir en það á heldur ekki að vera
auðvelt að ná markmiði sínu. Maður
ætti að njóta þess að leggja sig allan
fram í æfingar dagsins en ekki álíta
þær einhverja kvöð sem maður „verði“ að klára ætli maður sér að ná mark-
miðum sínum. Þá er markmiðið ekki lengur vegvísirinn heldur íþyngjandi
byrði.
Í mínum huga skiptir upplifunin mestu máli. Að gefa sér tíma til að
staldra við, líta í kringum sig og upplifa öll litlu kraftaverkin sem munu skila
manni alla leið á toppinn.
Ekki flýta sér of mikið, taka eitt skref í einu og leyfa hlutunum að hafa
sinn gang. Ég hef a.m.k. engan áhuga á því að líta til baka þegar ferlinum
lýkur og uppgötva þá að ég gleymdi alveg að njóta þess sem felst í því að
vera afreksíþróttamaður, einfaldlega vegna þess að ég var of upptekin af því
að hugsa um endamarkið.
Ég ætla miklu frekar að njóta vegferðarinnar og safna dýrmætum minn-
ingum – ég ætla að hafa augun opin á meðan ég klíf Everest, og hafa
myndavélina á lofti!
FÓTBOLTI Framherjinn sterki Hannes
Þorsteinn Sigurðsson skrifaði í gær
undir samning við uppeldisfélag
sitt, FH. Samningurinn er út þessa
leiktíð.
Hannes hefur undanfarin ár verið
í atvinnumennsku en framtíð hans
hefur verið í óvissu síðustu mánuði.
„Það er gríðarlegur léttir að vera
búinn að klára mín mál og gott að
vera kominn heim,“ sagði Hannes,
sem hefur verið talsvert meiddur
síðustu vikur en er kominn á fullt.
„Ég á nokkuð í land og þarf einn-
ig að losa mig við einhver kíló. Það
kemur allt saman,“ sagði Hannes
sem fór með FH-liðinu í æfingaferð
erlendis í dag. - hbg
Hannes Þorsteinn Sigurðsson samdi við FH í gær:
Þarf að missa nokkur kíló
HRESSIR Hannes handsalar hér samning-
inn við Jón Rúnar Halldórsson, formann
knattspyrnudeildar. FRÉTTABLAÐIÐ/GVA
SVERFUR TIL STÁLS
STJARNAN - FRAMFYLKIR - VALUR
Mýrin | Kl. 14.00Fylkishöll | Kl. 16.00
KEFLVÍKINGAR ENN Á LÍFI
Keflavík slapp undan sópnum og tryggði sér fjórða leikinn í einvíginu á móti
KR eftir dramatískan 139-135 sigur í framlengdum leik í DHL-höllinni í gær.
Andrija Ciric skoraði 31 af 42 stigum sínum í seinni hálfleik og framlengingu.
BAR KEFLAVÍKURLIÐIÐ Á HERÐUM SÉR Andrija Ciric átti frábæran leik í DHL-höll-
inni í gærkvöldi, sérstaklega í seinni hálfleik og framlengingunni. Hér skorar hann
tvö af 42 stigum sínum. FRÉTTABLAÐIÐ/DANÍEL
10 stig á 43 sekúndum
Brynjar Þór Björnsson náði að koma KR-liðinu
í framlengingu með því að skora fjórar körfur
og 10 stig á síðustu 43 sekúndunum í fjórða
leikhluta og á meðan fór staðan úr 96-103
fyrir í Keflavík í 106-106.