Fréttablaðið - 08.04.2011, Side 56

8. apríl 2011 FÖSTUDAGUR40
sport@frettabladid.is
DEILDARMEISTARAR VALS OG BIKARMEISTARAR FRAM hefja í kvöld úrslitaeinvígi sitt
um Íslandsmeistaratitilinn í kvennahandboltanum en félögin mætast í úrslitum N1-deildar kvenna annað árið í
röð. Leikurinn fer fram í Vodafone-höllinni og hefst klukkan 20.15. Valsliðið er búið að vinna fjóra innbyrðisleiki
liðanna í vetur, eða alla nema bikarúrslitaleikinn, en Valsliðið vann úrslitaeinvígið 3-1 í fyrra.
Oddaleikurinn í tölum
KR-Keflavík 105-89 (55-42)
Stig KR: Brynjar Þór Björnsson 34,
Marcus Walker 27, Pavel Ermolinskij 18
(13 frák./7 stoðs.), Skarphéðinn Freyr
Ingason 11, Hreggviður Magnússon
7, Jón Orri Kristjánsson 3, Finnur Atli
Magnússon 2, Fannar Ólafsson 2 (12
frák.), Matthías Orri Sigurðarson 1.
Stig Keflavíkur: Thomas Sanders
26, Andrija Ciric 20, Hörður Axel
Vilhjálmsson 13 (7 stoðs.), Gunnar
Einarsson 12, Sigurður Gunnar
Þorsteinsson 10 (9 frák.), Magnús Þór
Gunnarsson 8.
KR vann einvígið 3-2 og mætir
Stjörnunni í úrslitaeinvíginu,.
Fyrsti leikurinn er í DHL-höllinni á
mánudagskvöldið.
KÖRFUBOLTI Brynjar Þór Björns-
son átti stórkostlegan leik fyrir
KR í gær. Skoraði 34 stig og
skoraði magnaðar þriggja stiga
körfur.
„Ég er hrikalega stoltur. Mig
hefur dreymt um að eiga alvöru
leik fyrir framan fullt hús síðan
ég var krakki. Maður ólst upp við
að horfa á Teit Örlygs og þessa
karla fara á kostum. Þetta var
líklega minn besti leikur frá upp-
hafi,“ sagði Brynjar brosmildur.
„Það var bara frábært að fara
með þetta í oddaleik og upplifa
svona leik með þessum áhorf-
endum. Þetta var engu lagi líkt,“
sagði Brynjar en hann sagði
aldrei hafa komið til greina að
brotna í þessum leik.
„Ég var sjálfur orðinn mjög
þreyttur en náði að samt að henda
boltanum ofan í. Við breyttum
aðeins í þessum leik. Fórum að
sækja meira á körfuna í stað þess
að skjóta bara þriggja stiga. Það
skilaði sínu heldur betur.“ - hbg
Brynjar Þór Björnsson hjá KR:
Líklega minn
besti leikur
BRYNJAR ÞÓR BJÖRNSSON Skoraði 34
stig á 32 mínútum. FRÉTTABLAÐIÐ/STEFÁN
KÖRFUBOLTI Oddaleikur KR og
Keflavíkur var algjör veisla.
Um 2.000 áhorfendur troðfylltu
DHL-höllina og sköpuðu hreint
út sagt magnaða stemningu.
Keflavík hafði tryggt sér
oddaleik með tveimur mögnuðum
framlengingarsigrum í röð en
KR hleypti þeim ekki í enn eina
endurkomuna í gær.
„Þetta var spurning í fyrsta
leikhluta en síðan kom þetta hjá
okkur. Við fórum vel yfir hlutina
fyrir þennan leik og gerðum
ákveðnar áherslubreytingar sem
skiluðu sínu. Við vissum sem var
að ef við leyfðum Gunna, Hössa
og Magga að skjóta bombum þá
kveikir það í liðinu. Við lokuðum
fyrir það í dag,“ sagði sveittur og
brosmildur þjálfari KR, Hrafn
Kristjánsson.
Keflavík byrjaði leikinn betur
en KR tók öll völd á vellinum
í öðrum leikhluta og leiddi
með 13 stigum í hálfleik. Stóru
mennirnir hjá Keflavík – Sigurður
Gunnar og Jón Nordal – lentu í
villuvandræðum í öðrum leikhluta
og það nýtti KR sér í botn.
Thomas Sanders bar lengstum
uppi leik Keflavíkur og Keflavík
vantaði sárlega meira framlag frá
Íslendingunum sínum. Sanders
varð sér síðan til skammar undir
lok leiksins er hann henti Brynjari
upp í stúku og stjakaði svo við
öðrum dómara leiksins. Á sama
tíma fór Brynjar Þór Björnsson
algjörlega á kostum sem og
Marcus Walker. Pavel var seigur
og Fannar flottur í vörninni.
Skarphéðinn Ingason kom einnig
flottur inn í lið KR.
KR ákvað að slaka aðeins á
þriggja stiga sýningunni í þessum
leik. Leikmenn liðsins fóru
grimmari í teiginn og það skilaði
sínu.
„Við gerðu m á k veðna r
áherslubreytingar. Komum með
Skarphéðin í liðið og höfðum Pavel
í fjarkanum á móti svæðisvörninni.
Þegar við fundum Pavel á
miðjusvæðinu þá gerðust góðir
hlutir hjá okkur,“ sagði Hrafn. KR
hélt lengstum um 20 stiga forskoti
en endurkomukóngarnir í Keflavík
gerðu lokaáhlaup, minnkuðu
muninn í 12 stig en nær komust
þeir ekki.
„Maður er alltaf hræddur á
móti Keflavík. Samt þegar vörnin
og takturinn er hjá okkur eins og
í þessum leik þá fer það ekki svo
fljótt. Við vorum yfirvegaðir og
flottir og fórum aldrei á taugum
þrátt fyrir tvö töp,“ sagði Hrafn
kátur.
Guðjón Skúlason, þjálfari
Keflavíkur, var eðlilega mjög
svekktur. „Þetta er hrikalega
sárt. Við gerðum ekki það sem við
ætluðum að gera því miður. Vörn
og sókn var slök og það munaði
um það að missa stóru mennina
í villuvandræði. Ég vil ekki kenna
dómurunum um en ég var samt
ekki ánægður með þá. Þeir mega
skoða sinn hluta í þessum leik,“
sagði Guðjón.
„Aðalorsökin er samt sú að við
vorum ekki nógu miklir naglar að
þessu sinni. Það var væntanlega
smá þreyta í mínu liði en maður á
ekki að hugsa um það í svona leik.
Við vorum ekki nægir naglar og
kláruðum þetta ekki.“
henry@frettabladid.is
KR SIGLDI KEFLVÍKINGA Í KAF
KR-ingar léku á als oddi er þeir tryggðu sig inn í lokaúrslit Iceland Express-deildar karla með öruggum og
sannfærandi sigri, 105-89, gegn Keflavík í gær. KR mætir Stjörnunni í lokaeinvíginu.
MIÐJAN VAR MÆTT Í GÆR DHL-höllin var troðfull í gærkvöldi og strákarnir í Miðjunni
létu vel í sér heyra allan leikinn. FRÉTTABLAÐIÐ/STEFÁN
EINN Á LÚÐURINN Jón Norðdal Hafsteinsson, fyrirliði Keflavíkur, sést koma illa út úr baráttunni við KR-ingana Pavel Ermolinskij
og Brynjar Þór Björnsson í leiknum í gær en Keflvíkingar réðu ekki við Brynjar og Pavel í gær. FRÉTTABLAÐIÐ/STEFÁN
UPPGJÖR MEISTARA!
VALUR - FRAM
Vodafone-höllin | Kl. 20.15
Frítt fyrir 15 ára og yngri!
Í kvöld | Leikur 1
Skemmtiatriði | Grill og gos fyrir leik
N1-leikur í hálfleik | Vegleg verðlaun
Heiðursgestir Vals og Fram
SKYLDUMÆTING!
FRAM - VALUR
Framhús | Kl. 16.00
Frítt fyrir 15 ára og yngri!
Sunnudagur 10.apríl | Leikur 2