Fréttablaðið - 12.04.2011, Qupperneq 16

12. apríl 2011 ÞRIÐJUDAGUR16
timamot@frettabladid.is
MERKISATBURÐIR
1540 Prentun Nýja testamentisins í þýðingu Odds Gottskálksson-
ar lýkur. Bókin er sú fyrsta sem var prentuð á íslensku.
1919 Átján manns láta lífið í snjóflóðum við Siglufjörð. Eitt flóðið
eyðileggur síldarverksmiðju sem talin var ein sú fullkomasta
sem þá þekktist.
1945 Franklin D. Roosevelt Bandaríkjaforseti deyr.
1952 Gúmmíbjörgunarbátur kemur fyrst við sögu í sjóslysi hér við
land þegar Veiga sekkur við Vestmannaeyjar. Sex bjargast
en tveir farast.
1961 Júrí Gagarín fer fyrstur manna út í geim í geimfarinu Vostok
3KA-2.
AFMÆLI
SIGRÍÐUR
BACHMANN
ljósmyndari er
65 ára.
VIKTOR
ARNAR
INGÓLFSSON
rithöfundur er
57 ára.
FRIÐRIK
FRIÐRIKSSON
leikari er 39
ára.
Árið 1940 gengu í gildi lög um gagnfræðanám
á Íslandi og 1947 var samþykkt þingsályktun-
artillaga um betra námsframboð á lands-
byggðinni. Þá var ákveðið að stofna mennta-
skóla á Laugarvatni, en skólinn starfaði sem
útibú fyrir Menntaskólann í Reykjavík fyrstu
árin. Það var síðan sex árum síðar, 12. apríl
1953, að Menntaskólinn á Laugarvatni var
settur sem sjálfstætt starfandi skóli.
Við stofnun skólans færði Jónas frá
Hriflu menntaskólanum að gjöf Hvítbláinn,
útfararfána Einars Benediktssonar. Hafði
kista Einars verið sveipuð bláhvíta fánanum
sem hann hafði barist fyrir að yrði þjóðfáni
Íslendinga, en við lát Einars fékk Jónas fánann
til varðveislu ásamt leyfi til að ráðstafa honum
vel. Enn í dag telst fáninn vera ein merkasta
eign skólans, en talið er að Jónas hafi viljað
vekja áhuga æskunnar á verkum þjóðskálds-
ins. Dr. Sveinn Þórðarson, fyrsti skólameistari
menntaskólans, ákvað að Hvítbláinn skyldi
verða merki skólans og ljóðið Til fánans
söngur hans, auk þess sem hann kom á þeirri
hefð að 31. október ár hvert skyldu verk þjóð-
skáldsins vera kynnt fyrir nemendum skólans.
Heimild: Wikipedia.org
ÞETTA GERÐIST: 12. APRÍL 1953
Menntaskólinn á Laugarvatni settur
55
„Ég skrapp á Kanarí til þess eins að
verða brún og bjútífúl fyrir afmælis-
veisluna og vonast til að brúnkan hald-
ist fram á morgundaginn, en þá er allt
í lagi að hún hverfi,“ segir lífsglöð og
skellihlæjandi afmælisstúlka dagsins,
Sigríður Þorvaldsdóttir leikkona.
„Ég hef aldrei haft hugmynd um
hversu gömul ég er og ekki til í dæm-
inu að mér finnist aldur skipta máli,
en nú veit ég að sjötugasti afmælis-
dagurinn er runninn upp og finnst það
ofsalega flott og dásamleg tilfinning,“
segir Sigríður sem fæddist á Leifsgötu
í Reykjavík 12. apríl 1941. Foreldrar
hennar voru Þorvaldur Steingrímsson
fiðluleikari og Ingibjörg Halldórsdóttir
hárgreiðslumeistari, en Sigríður á sér
yngri systur og bróður.
„Við systurnar vorum ætíð eins
og prinsessur, því mamma saumaði
á okkur dýrindis kjóla og var alltaf
að punta okkur. Saman fórum við að
hlusta á pabba spila á fiðlu, saxófón eða
klarínett með sinfóníunni eða á Borg-
inni, og allar minningar ógleymanlega
yndislegar sem tengjast uppvextinum,“
segir Sigríður sem missti föður sinn í
fyrra en móðir hennar lést fyrir aldur
fram úr krabbameini, þá 46 ára.
„Það var sár missir því við mamma
vorum svo miklar trúnaðarvinkon-
ur. Eins er sem betur fer á milli mín
og dætra minna. Við erum allar mjög
samrýndar og miklar vinkonur,“ segir
Sigríður sem þrátt fyrir skin og skúrir
hefur alltaf haft jákvæða sýn á lífsins
gang. Eftir heilablóðfall fyrir hartnær
tveimur áratugum missti hún minni á
sumum sviðum og þurfti að læra að
tala upp á nýtt.
„Lífið hefur verið mér meiri hátt-
ar, allan tímann. Ég varð aldrei vör
við heilablóðfallið því það gerðist
meðan ég svaf og svo var búið að laga
mig þegar ég vaknaði þremur dögum
síðar. Þá stóð ég upp með jákvæðn-
ina að vopni, tilbúin að læra íslensku
og ensku upp á nýtt, og sem var bara
skemmtilegt í minningunni,“ segir Sig-
ríður og hlær dátt.
Aðeins fimmtán ára hóf Sigríður
hárgreiðslunám hjá móður sinni, en
leiklistarbakterían lét hana ekki í friði
og hún laumaði sér í inntökupróf þrátt
fyrir að hafa ekki aldur til.
„Þá sótti ég æfingar hjá Ævari Kvar-
an og komst í gegnum inntökuprófið,
en spurð um aldur sagðist ég vera hár-
greiðsludama. Já, sagði þá Guðlaugur
Rósinkrans og reiknaði út með sjálfum
sér að ég væri þá orðin nógu gömul.
Þegar upp komst um réttan aldur minn
var haldinn fundur en úr því ég var
komin inn var ákveðið að leyfa mér
að halda áfram,“ segir Sigríður sem
eftir útskrift á átjánda ári hélt utan til
Kaliforníu í frekara leiklistarnám og
starfaði þar í leikhúsum á þriðja ár við
góðan orðstír.
„En ég saknaði mömmu og pabba og
var alltaf að biðja þau að koma út til
mín svo á endanum flutti öll fjölskyld-
an vestur um haf þegar pabbi fékk
samning í Dallas í Texas og ég réði
mig þar í leikhús þar sem ég lék stór
hlutverk um tveggja ára skeið,“ rifjar
Sigríður upp, en við heimkomu 23 ára
skrifaði hún undir samning við Þjóð-
leikhúsið þar sem hún hefur starfað
allan sinn starfsaldur síðan. „Þjóðleik-
húsið á mig og ég á Þjóðleikhúsið; það
er partur af mér. Fyrir heilablóðfall
var ég ávallt í aðalhlutverkum en eftir
að ég hafði lært að tala á ný tók ég að
mér minni hlutverk sem var alveg jafn
skemmtilegt. Maður endurmetur lífið
eftir svona reynslu og síðan hef ég
bara gert það sem mig langar og notið
lífsins, en ég hef alltaf verið óhrædd
við að elta eigin drauma,“ segir Sig-
ríður sem á dæturnar Þórunni leik-
konu, Dísellu óperusöngkonu og Ingi-
björgu flugfreyju og laganema, og alls
sjö barnabörn.
„Besta afmælisgjöfin verður að
taka á móti vinum sem ég hef boðið
til veislu í Þjóðleikhúskjallaranum
og ég vonast til að geta fengið fólkið
til að dansa, því ég vil hafa þetta létt
og skemmtilegt. Það er í mínum anda
og vonandi hef ég alltaf verið þannig
sjálf.“
thordis@frettabladid.is
SIGRÍÐUR ÞORVALDSDÓTTIR LEIKKONA: FAGNAR 70 ÁRA AFMÆLI SÍNU Í DAG
Brún og bjútífúl fyrir afmælið
SJÖTUG FEGURÐARDÍS Sigríður var valin Ungfrú Ísland 1958 og komst í 15 manna úrslit í
alheimskeppninni á Langasandi. Hún starfaði síðar með Kvennalistanum og var varaþingkona
1983-87. FRÉTTABLAÐIÐ/GVA
Ástkær móðir okkar, tengdamóðir
og amma,
Sólveig Pétursdóttir
lést á krabbameinsdeild Landspítalans þann 6. apríl
síðastliðinn. Útför hennar fer fram frá Digraneskirkju
fimmtudaginn 14. apríl kl. 15.00. Fjölskylda Sólveigar
sendir sérstakar þakkir til starfsfólks krabbameins-
deildar 11-E á Landspítala Hringbraut fyrir einstaka
umönnun og hlýju.
Ingunn Péturs Óðinn Sörli Ágústsson
Helga Rúna Péturs Valdimar Agnar Valdimarsson
Gabríel Pétur Óðinsson og Tinna Björt Valdimarsdóttir
Bróðir okkar,
Gunnar Guðmundsson
andaðist í Danmörku föstudaginn 1. apríl. Bálför
hefur farið fram í kyrrþey að ósk hins látna.
Systkini hins látna,
Steinunn, Anna,
Kolbrún, Valgeir,
Hilmar, Hrefna,
Kristján, Eyþór
og fjölskyldur.
Elskulegur eiginmaður minn,
faðir, tengdafaðir og afi,
Reynir Ólafsson
Burknabergi 2, Hafnarfirði,
lést 9. apríl. Útförin fer fram frá Háteigskirkju
föstudaginn 15. apríl kl. 15.00. Blóm vinsamlegast
afþökkuð, en þeim sem vilja minnast hans er bent á
Krabbameinsfélagið. Sérstakar þakkir til læknanna
Jakobs Jóhannssonar og Elfars Úlfarssonar, starfsfólks
deildar 11-E á Landspítalanum og starfsfólks
líknardeildar LSH.
Sigríður Stefánsdóttir
Stefán Reynisson Oxana Skakoun
Gylfi Reynisson
María Sigríður Stefánsdóttir
Innilegar þakkir til allra er sýndu
okkur samúð og hlýhug við andlát
og útför elskulegrar móður okkar,
tengdamóður, ömmu og langömmu,
Úrsúlu Magnússon
Garðbraut 85, Garði.
Sérstakar þakkir til starfsfólks Hjúkrunarheimilisins
Garðvangs, fyrir einstaka umönnun og hlýtt viðmót.
Friðrik Ívarsson Anna Dóra Garðarsdóttir
Guðjón Ívarsson Erla Elísdóttir
Magnea Ívarsdóttir Jón Rósmann Ólafsson
Óskar Ívarsson
barnabörn og barnabarnabörn.
LEIKARINN ANDY GARCIA er 55 ára
„Sagt er að konur þrái að sjá mig berrassaðan, en það er engin linsa nógu
löng til slíkrar myndatöku.“
Faðir okkar, tengdafaðir, afi og langafi,
Árni Árnason
húsasmíðameistari og bóndi
frá Höskuldarnesi,
dvalarheimilinu Hlíð, Akureyri,
lést föstudaginn 8. apríl.

Fjölskylda hins látna.
CLAIRE DANES
leikkona er 32
ára í dag