Fréttablaðið - 12.04.2011, Qupperneq 33

ÞRIÐJUDAGUR 12. apríl 2011 17
Jon Elster, Robert K. Merton-prófessor
í félagsvísindum við Columbia-háskóla
í New York, heldur opinn fyrirlestur í
Hátíðarsal Háskóla Íslands í dag klukk-
an 16 undir heitinu „Hvernig er best að
halda stjórnlagaþing?“
Fyrirlesturinn er haldinn á vegum
EDDU – öndvegisseturs í samstarfi við
franska sendiráðið á Íslandi og innanrík-
isráðuneyti Íslands.
Jon Elster er í hópi fremstu félagsheim-
spekinga heims. Hann varði doktorsrit-
gerð sína við Sorbonne-háskóla í París,
þar sem hann vann undir leiðsögn Ray-
monds Aron. Hann er prófessor í félags-
vísindum við Columbia-háskóla og heið-
ursprófessor við Collège de France í
París. Hann hefur meðal annars hlotið
Jean Nicod-verðlaunin. Framlag hans er
á fjölmörgum sviðum félagsvísindarann-
sókna og hugmyndasögu. Elster hefur
fjallað sérstaklega um stjórnarskrárfestu
og pólitísk og lagaleg úrræði á umbreyt-
ingaskeiðum eftir stjórnkerfisbreytingar
til dæmis í kjölfar byltinga, borgarastyrj-
alda eða annarra samfélagsáfalla. - fsb
Hvernig er best að
halda stjórnlagaþing?
Á háskólatónleikum miðvikudag-
inn 13. apríl flytja Sönglúðrar lýð-
veldisins nýja og nýlega tónlist
eftir Áskel Másson. Kvintettinn
skipa trompetleikararnir Eiríkur
Örn Pálsson og Einar St. Jónsson,
Emil Friðfinnsson sem leikur á
horn, Sigurður Þorbergsson sem
leikur á básúnu og Tim Buzbee á
túbu. Einnig leikur Frank Aarnink
á víbrafón.
Tónleikarnir hefjast klukk-
an 12.30 og verða í Hátíðarsal
Háskóla Íslands í aðalbyggingu.
Á afmælisári skólans er enginn
aðgangseyrir að tónleikum og allir
eru velkomnir.
Sönglúðrar
lýðveldisins í HÍ
Sönglúðrar lýðveldisins flytja nýja tónlist
eftir Áskel Másson á háskólatónleikum á
miðvikudag.
Vegna mikillar aðsóknar hefur
leikfélag Menntaskólans í Kópa-
vogi bætt við aukasýningu á söng-
leiknum Mamma mia í dag klukk-
an 17.
Miðapantanir eru í síma 775
2883 og er síminn opinn frá 15.00
til 20.00. Miðaverð er 1.500 krón-
ur. Þetta eru allra síðustu forvöð
að sjá sýninguna því uppselt er á
lokasýninguna annað kvöld.
Kolbrún Björt Sigfúsdóttir er
leikstjóri sýningarinnar, Eva Rós
Guðmundsdóttir er danshöfundur
og Nína Jóhanna Madsen er tón-
listarstjóri.
Aukasýning á
Mamma mia
Aukasýning á söngleiknum Mamma
mia í Kópavogi í dag.
BM Vallá ehf
Breiðhöfða 3
110 Reykjavík
Sími: 412 5050
Fax: 412 5001
sala@bmvalla.is
bmvalla.is
Sumarið nálgast
Má bjóða þér landslagsráðgjöf?
Komdu og fáðu hugmyndir!
Hjá BM Vallá finnurðu úrval af
hellum og hleðslusteinum til
að fegra garðinn og umhverfið.
Einnig ýmiskonar garðeiningar
eins og bekki, blómaker, brýr,
sorptunnuskýli og fleira.

Komdu í heimsókn til okkar
á Breiðhöfðann. Þar geturðu
gengið um garðinn okkar í
Fornalundi og fundið margar
spennandi hugmyndir, lausnir
og útfærslur sem þú getur lagað
að garðinum þínum á auðveldan
hátt.

Við bjóðum fría ráðgjöf
landslagsarkitekts.
Hafðu samband við söludeild BM Vallá og við aðstoðum þig við útfærslu hugmynda og efnisval.
PI
PA
R
\
TB
W
A
•
S
ÍA
•
1
10
8
59
Þórunn Erlu- Valdimarsdóttir og
Megas hlutu á dögunum verðlaun-
in Rauðu hrafnsfjöðrina fyrir bók-
ina Dagur kvennanna – ástarsaga.
Lestrarfélagið Krummi stendur
að baki verðlaunum sem eru árlega
veitt rithöfundum fyrir forvitni-
legar kynlífslýsingar. Þau voru
fyrst veitt Eiríki Norðdahl fyrir
Eitur fyrir byrjendur 2007. Elísa-
bet Jökulsdóttir varð hlutskörpust
fyrir Heilræði lásasmiðsins 2008.
Hermann Stefánsson hreppti verð-
launin 2008 fyrir Algleymi og 2009
fékk Steinar Bragi Guðmundsson
hana fyrir Himinninn yfir Þing-
völlum.
Bergsveinn Birgisson, Sigurður
Guðmundsson, Arnaldur Indriða-
son og Kári Tulinius voru einnig
tilnefndir í ár.
Forvitnilegar
kynlífssenur
VERÐLAUNAHAFAR Þórunn og Megas
hampa Rauðu hrafnsfjöðrinni í ár.