Fréttablaðið - 19.04.2011, Blaðsíða 8

19. apríl 2011 ÞRIÐJUDAGUR8
REYKJAVÍKURBORG „Að öllu saman-
lögðu og virtu er þetta vanhugsað
gönuhlaup sem best og réttast er að
afturkalla alveg eða í það minnsta
fresta því í ár,“ segir í ályktun
aðalfundar Húseigendafélagsins
um svokallaða fimmtán metra
reglu í sorphirðu sem borgaryfir-
völd í Reykjavík eru að innleiða.
„Verði þessi ósköp og endaleysa
keyrð í gegn með óhjákvæmilegu
klúðri og vandræðaástandi og
verði fimmtán metra reglan ekki
talin hafa stoð í lögum þá er illu
verr af stað farið en heima setið.
Er skorað á borgaryfirvöld að taka
sönsum og auka hvorki vanda sinn
né borgarbúa frekar en orðið er
með fyrirhyggjuskorti, hörku og
óbilgirni í þessu viðkvæma mál,“
segir Húseigendafélagið.
„Þetta breytta fyrirkomulag og
þær viðbótarálögur sem af því
leiðir þykir glórulaust og erfitt
eða ómögulegt í framkvæmd. Það
þykir óréttlátt og fer í bága við
réttar-, skatta- og sanngirnisvit-
und fólks. Með því er farið á nýjar
brautir og vikið frá grundvallar-
reglum um jöfnuð og jafnræði við
skiptingu kostnaðar vegna sam-
félaglegrar þjónustu óháð stað-
setningu. Það er vafasamt að þetta
fyrirkomulag og aukagjaldtaka
hafi fullnægjandi lagastoð,“ segir
Húseigendafélagið, sem sér fyrir
að framkvæmdin verði tómt klúður
með fjúkandi sorpi og sorpílátum í
reiðileysi. „Það yrði ljótur blettur
á höfuðborginni og borgarbragn-
um. Borgin á betra skilið og íbúar
hennar og gestir líka.“ - gar
Húseigendafélagið segir fimmtán metra regluna í sorphirðu í Reykjavík glórulausa:
Efast um lögmæti 15 metra reglu
RUSLATUNNA Húseigendafélagið segir
skattasérfræðing álíta að óheimilt sé
að innheimta sérstakt gjald vegna fjar-
lægðar tunnu frá götu. FRÉTTABLAÐIÐ/VALLI
1. Hvaða flokkur er talinn sigur-
vegari finnsku þingkosninganna?
2. Hvers lenskir eru rabbína-
nemarnir tveir sem leita að gyð-
ingum hér á landi þessa dagana?
3. Hversu gömul er hljómsveitin
Greifarnir?
SVÖR:
1. Flokkurinn Sannir Finnar. 2. Banda-
rískir. 3. 25 ára.
Nýjungar frá Milda
NÝTT
Milda til þeytingar og matargerðar
inniheldur einungis 26% fitu. Bragð og
áferð eins og besti rjómi en bara fituminni.
Veldu léttari kost í þína matargerð, veldu Milda.
Reykjavík - Reykjanesbæ
Akureyri - Húsavík
Vestmannaeyjum - Flúðum
Margar stærðir
og gerðir
Breidd: 1 metri
Verð pr. lengdarmeter
1.795
Breidd: 66 cm
Verð pr. lengdarmeter
1.495
FRÉTTIR VIÐSKIPTI ÍÞRÓTTIR LÍFIÐ UMRÆÐAN
MEIRI FRÓÐLEIKUR
Meiri Vísir.
HEILBRIGÐISMÁL Formaður Lækna-
félags Íslands segir vanta á bilinu
60 til 80 lækna inn í fjöldatölur
yfir lækna sem starfa á Íslandi.
Samkvæmt nýjustu tölum frá
Landlæknisembættinu störfuðu
1.146 læknar hér á landi á síð-
asta ári og fækkaði þeim um 21
frá árinu á undan.
Birna Jónsdóttir, formaður
Læknafélagsins, segir land-
læknisembættið einnig taka
með lækna sem starfa eingöngu
erlendis, en séu þó með lögheim-
ili hér á landi.
„Fyrir fimm árum voru varla
t i l l æ k n a r
sem störfuðu
erlend is en
voru með lög-
heimili hér,“
segir hún.
Sé miðað við
samnorrænar
áætlanir frá
árinu 2005 áttu
að vera starf-
andi um 1.200
læknar hér á
landi árið 2011. Birna segir nú
ljóst að þær áætlanir hafi ekki
tekist.
„Við finnum sárlega fyrir
því að það vantar lækna. Bæði
almenna lækna til að manna
vaktir á spítölum og sérfræðinga.
Þá sér í lagi heimilislækna.“
Fréttablaðið birti greinar í
marsmánuði um fjölda íslenskra
lækna sem dvelja erlendis, sem
eru um þriðjungur af heildar-
fjöldanum.
Tekið er til greina að þó nokkur
fjöldi þeirra sé búsettur erlend-
is vegna náms og muni þá koma
heim að því loknu, en Birna segir
það hafa verið að dragast saman
á síðustu árum.
Nauðsynlegt sé að fá ungu
læknana til baka hingað til lands
að námi loknu til þess að sinna
þörfum landsmanna.
- sv
Formaður Læknafélagsins segir vanta upp á tölur Landlæknis um fjölda lækna:
Segir lækna vanta sárlega hérlendis
BIRNA
JÓNSDÓTTIR
509 Alls voru 509 íslenskir læknar
búsettir erlendis í janúar
2011. Samkvæmt tölum
Landlæknis eru 1.146 starf-
andi læknar hér á landi.
EVRÓPUMÁL Evrópusambandið hefur
hug á því að endurskoða samning-
inn um Evrópska efnahagssvæðið,
með hliðsjón af því hvernig sam-
starf EFTA-ríkjanna við ESB hefur
þróast undanfarin fimmtán ár.
Þetta kemur fram í samþykkt
ráðherraráðs ESB í desember
síðast liðnum, þar sem hvatt er til
þess að farið verði út í slíka endur-
skoðun.
Meðal annars eigi að kanna hvort
„hagsmunum ESB er vel borgið
innan núverandi samkomulags“ eða
hvort betra væri að semja um víð-
tækara samstarf. Kanna eigi hvort
uppfæra þurfi samninginn eða ein-
falda hann með einhverjum hætti.
Norska stjórnin er nú þegar
byrjuð að fara ítarlega yfir reynsl-
una af framkvæmd samnings-
ins, meðal annars með tilliti til
þess hvort skynsamlegt sé að gera
nýjan samning eða einfalda hann
til muna. Fjölmenn rannsóknar-
nefnd hefur starfað í meira en ár
með víðtækt umboð til að rannsaka
áhrif samningsins á öllum sviðum
samfélagsins í Noregi. Niðurstöður
þeirrar nefndar eru væntanlegar á
þessu ári.
Sambærilegt ferli er einnig
komið í gang í Liechtenstein.
Fyrir utan sjálfan EES-samning-
inn eru Norðmenn með ellefu tví-
hliða samninga í gildi við Evrópu-
sambandið, og vilja skoða hvort
betra væri að sameina þessa samn-
inga í einn samning eða fækka
þeim í það minnsta. Ísland er ein-
ungis með einn slíkan tvíhliða
samning við ESB fyrir utan EES-
samninginn, nefnilega Schengen-
samkomulagið.
Eiríkur Bergmann Einarsson
stjórnmálafræðingur segir þetta
ferli hafa farið af stað eftir að Jens
Stoltenberg, forsætisráðherra
Noregs, gekk á fund José Manu-
els Barroso, forseta framkvæmda-
stjórnar Evrópusambandsins, fyrir
nokkru. Stoltenberg hafi þá skýrt
Barroso frá starfi norsku nefndar-
innar, og í framhaldi af því hafi
komist skriður á málin hjá ESB.
Samkvæmt heimildum Frétta-
blaðsins í Brussel er Evrópusam-
bandið enn að skoða hvort hefja
eigi endurskoðun af þessu tagi.
Ákvörðunar af hálfu ESB er varla
að vænta fyrr en á næsta ári, en
verði niðurstaðan sú að hefja eigi
endurskoðun þá verður það ekki
gert án samstarfs allra hlutað-
eigandi ríkja og hagsmunaaðila.
„Það sem er merkilegt í þessu
er að Norðmenn virðast vera að
skipta um afstöðu í þessu máli að
ákveðnu leyti,“ segir Eiríkur Berg-
mann Einars son, sem hefur unnið
að verkefnum fyrir norsku nefnd-
ina. „Við Íslendingar lögðum fyrir
nokkrum árum mikla áherslu á
að uppfæra EES-samninginn. Það
var metnaðarmál hjá Halldóri
Ásgrímssyni, en þá lögðust Norð-
menn alveg gegn því. Það yrði bara
til þess að alveg myndi rakna upp
úr EES-samstarfinu, sögðu þeir. Nú
hafa þeir snúið við blaðinu og vilja
skoða EES-samninginn, en þá vill
svo til að Íslendingar hafa kannski
engan sérstakan áhuga á því.“
gudsteinn@frettabladid.is
Evrópska efnahags-
svæðið endurskoðað
Evrópusambandið er að kanna hvort rétt sé að hefja allsherjarendurskoðun á
samningnum um Evrópska efnahagssvæðið. Norðmenn eru fyrir sitt leyti nú
þegar langt komnir með ítarlega rannsókn á reynslunni af samningnum.
JENS STOLTENBERG OG JOSÉ MANUEL BARROSO Skriður komst á málin hjá Evrópu-
sambandinu eftir að forsætisráðherra Noregs skýrði forseta framkvæmdastjórnar
Evrópusambandsins frá starfi norsku nefndarinnar. NORDICPHOTOS/AFP
VEISTU SVARIÐ?