Fréttablaðið - 19.04.2011, Blaðsíða 26

19. APRÍL 2011 ÞRIÐJUDAGUR4 ● kaffi
●HANDFREYDD MJÓLK Í SUNNUDAGSKAFFIÐ Mörgum finnst gott að dekra við sig með rjúk-
andi cappuccino eða latte á góðum degi. Margar heimsóknir á kaffihús geta þó komið við pyngjuna og þá
er gott að geta hellt upp á heima. Þeir sem ekki eiga espresso-vél þurfa heldur ekki að láta sér nægja uppá-
helling heldur geta þeytt mjólk í þykka froðu með einföldum aðferðum.
Mjólkin er hituð í potti þar til fer að rjúka en á ekki að sjóða. Kjörhitastig til að freyða mjólk er í kringum
60 gráður. Hægt er að nota rafhlöðudrifna mjólkurþeytara sem fást víða og þurfa ekki að kosta mikið.
Mjólkin er þá þeytt í bollanum. Froðan verður reyndar ekki mjög þykk en vel brúkleg hvunndags. Einnig er
hægt að freyða mjólkina með þar til gerðum könnum með pumpu. Þá er heitri mjólkinni hellt í könnuna og
strokkað í eina mínútu, jafnvel lengur, þar til mjólkin freyðir vel. Töfrasproti er líka vel brúklegur til að freyða
mjólk, sérstaklega ef fleiri eru í kaffi. Heitri mjólkinni er hellt í hátt ílát og töfrasprotanum dýft á kaf áður en
hann er settur af stað, passa að hafa hann ekki á hæstu stillingu, og hreyfa hann upp og niður. Eftir um það
bil eina mínútu fer mjólkin að freyða vel. Svo eru auðvitað til sjálfvirkir mjólkurþeytarar sem þú stingur ein-
faldlega í samband, ýtir á takka og færð þykkfreydda mjólk eftir nokkrar sekúndur. Mjög þægilegt ef þú ert
ekki fyrir neitt vesen.
● VINSÆL OG EINFÖLD
AÐFERÐ Pressukannan hefur
verið mjög vinsæl í gegnum tíð-
ina. Hún er einnig kölluð
frönsk pressa og er oft
notuð á fínni veitinga-
húsum til að hella upp á
til að viðskipta-
vinir sjái að kaffið
sé ný-
brugg-
að.
Að-
ferðin
er
einföld.
Kaffið
er sett í
könnuna, heitu
vatni hellt yfir
og hrært í. Lokið er
síðan sett á en beðið með
að þrýsta því niður í nokkrar
mínútur. Miðað er við að setja
eina kaffiskeið á móti hverjum
tveimur bollum, en kaffið þarf
að vera grófmalað.
● KOSTIR OG GALLAR
KOFFÍNS Koffín er frá nátt-
úrunnar hendi í kaffi, kakói,
tei og gúarana og matvælum
unnum úr þeim. Koffín hefur
ýmis áhrif. Sé þess neytt innan
hóflegra marka verkar það fyrst
og fremst örvandi á líkamann
í gegnum miðtaugakerfið. Það
veldur útvíkkun æða og örari
hjartslætti og eykur blóðflæði
til allra líffæra. Þar að auki hefur
koffín áhrif á öndun, örvar melt-
ingu og eykur þvagmyndun.
Í of miklu magni getur koffín
haft óæskileg áhrif. Það getur
valdið höfuðverk, svima, skjálfta,
svefnleysi, hjartsláttartruflunum
og kvíðatilfinningu.
www.visindavefur.is
● KAFFIDRYKKJA Fyrstu
heimildir um kaffidrykkju og
kaffiplöntur eru frá fimmtándu
öld, en þær greina frá því
að kaffi hafi verið ræktað og
drukkið í Sufi-klaustrum skammt
undan hafnarborginni Mokha
í Jemen. Talið er að kaffið hafi
verið ristað þar og lagað með
svipuðum hætti og tíðkast nú
almennt. Á næstu áratugum
breiddist þessi siður til ann-
arra ríkja í Mið-Austurlöndum
og þaðan með sæförum til Hol-
lands, Ítalíu og annarra Evrópu-
landa.