Fréttablaðið - 03.05.2011, Síða 46

3. maí 2011 ÞRIÐJUDAGUR34
MORGUNMATURINN
„Hér úti í Bretlandi finnst mér
gott að fá mér hefðbundinn
enskan morgunmat en heima á
Íslandi er það hafragrauturinn
hennar mömmu sem er bestur.“
Tinna Bergs fyrirsæta.
„Þetta er orðið að vandamáli fyrir
löngu,“ segir fyrrverandi sjón-
varpskonan Inga Lind Karlsdótt-
ir en hún er byrjuð að undirbúa
heimildarmynd um of feit börn á
Íslandi. Að sögn Ingu er undirbún-
ingur myndarinnar þó skammt á
veg kominn. „En ef Guð lofar þá
gæti þetta gengið, þetta er nokkuð
sem mig langar til að gera og ég er
byrjuð að vinna í þessu,“ útskýrir
Inga en henni til halds og trausts
verður að öllum líkindum Einar
Árnason tökumaður.
Umræðan um of feit börn hefur
orðið háværari undanfarin ár og
þá sérstaklega í Bandaríkjunum
og Bretlandi. Nýlegar rannsókn-
ir hér á landi benda til þess að
vandamálið fari sífellt vaxandi hjá
fólkinu sem á að erfa landið og er
talið að um fimmtungur íslenskra
barna á aldrinum sjö til níu ára sé
of þungur. Er þar um kennt of lít-
illi hreyfingu og óhollum mat en
athyglinni hefur þá aðallega verið
beint að skólamáltíðunum. Inga
Lind kveðst ekki reiðubúin til að
skella skuldinni alfarið á þær. „Ég
ætla líka að skoða hvað við erum
að gefa börnunum okkar að borða
heima fyrir.“ Hún segir þetta vera
stórt mál fyrir allt samfélagið,
þetta varði alla. „Og hingað til
virðist of lítið hafa verið gert af
hálfu hins opinbera, ekki fyrr en
nú, að verið er að opna móttöku
fyrir of feit börn á barnaspítalan-
um og ég vonast til að geta fylgt
þeirri opnun eftir í myndinni.“
Fyrir utan sjónvarpsferil sinn
hefur Inga verið dugmikil í opin-
berri umræðu, hún hlaut meðal
annars kosningu til stjórnlaga-
þingsins en ákvað að þiggja ekki
sæti í sjálfu stjórnlagaráðinu og
þá hefur hún setið í stjórn Hjalla-
stefnunnar á Íslandi. Hún segir
ekkert eitt hafa orðið til þess að
hún ákvað að athuga jarðveg-
inn fyrir heimildarmynd eins og
þessari. „Þetta verkefni á barna-
spítalanum vakti áhuga minn og
mig langar til að gefa fólki tæki-
færi til að fá að fræðast um vand-
ann. Þetta er bara eitt vandamálið
í þjóðfélaginu þar sem við getum
gert betur og vonandi breytt ein-
hverju.“
freyrgigja@frettabladid.is
INGA LIND: HEILBRIGÐI SKIPTIR SAMFÉLAGIÐ MIKLU MÁLI
GERIR HEIMILDARMYND UM
OF FEIT BÖRN Á ÍSLANDI
„Þetta hvetur okkur til dáða að drífa
í því að koma þessari aðstöðu upp.
Við höfum verið að undirbúa alþjóð-
lega söfnunarsíðu sem er unnin af
meðlimum Besta flokksins í sjálf-
boðavinnu, án nokkurra fjárfram-
laga og algerlega óháð borginni. Og
þar hyggjumst safna fé fyrir svona
aðstöðu og þekkingu til að fanga og
hlúa að svona dýrum,“ segir Jón
Gnarr, borgarstjóri í Reykjavík.
Hvítabjörn gekk á land á Horn-
ströndum í gærmorgun en dýrið var
fellt í Hornvík síðla dags. Eins og
margoft hefur komið fram í fjöl-
miðlum var það eitt af kosninga-
loforðum Besta flokksins fyrir
síðustu sveitarstjórnarkosning-
ar að hafa hvítabjörn í Húsdýra-
garðinum. Jón sagðist í samtali
við Fréttablaðið vonast til þess
að umhverfisráðuneytið væri und-
irbúið undir heimsóknina á annan
hátt en að drepa dýrið. Honum varð
hins vegar ekki að ósk sinni. „Á
Svalbarða, þar sem hvítabirnir eru
algeng sjón, forðast menn að drepa
hann heldur reyna frekar að hrekja
hann á brott.“
Jón bendir á að hvítabjörninn sé
talinn til íslenskra spen-
dýra og því sé það
vel þess virði að efla
almenna meðvitund
um dýrið og stöðu
þess í
dýraríkinu. „Og þau umhverfis áhrif
sem ógna tilveru hvítabjarnarins,
breyttu veðurfari og mengun – sem
sagt mennirnir með okkar daglega
vafstri,“ útskýrir borgarstjóri sem
hefur augljóslega mikið dálæti á
ísbjörnum. „Þetta er eitt harðger-
ðasta og stórfenglegasta dýr jarðar
og það væri okkur til mikils sóma
ef við værum með eitthvert gott
kerfi sem tæki fagmannlega á þessu
dýrum. Enda eru margir sem telja
að með vaxandi ágangi á heimkynni
þeirra muni þessum heimsóknum
fjölga.“ - fgg
Hvítabjörninn hvetur Jón til dáða
„Núna er verið að skoða tæknilegar
aðfinnslur og sviðsmyndina, hvaða litir
og hvaða myndir eigi að birtast á meðan
við spilum en fyrsta æfingin gekk vel og
við negldum hana bara,“ segir Hreim-
ur Örn Heimisson, einn meðlima Vina
Sjonna. Þeir eru búnir að taka sína fyrstu
æfingu í höllinni í Düsseldorf og líst
ákaflega vel á alla umgjörð. Félagarnir
voru í gráum vestum og gallabuxum en
hægt er að sjá myndband frá æfingunni á
vefsíðu esctoday.com.
Hópurinn kom til Düsseldorf á sjálfan
verkalýðsdaginn og þótt Eurovision sé
oftar en ekki kölluð glyshátíð þá er mikið
rokk og ról í kringum íslenska hópinn.
„Við vorum nokkrir sem vorum að spila
til klukkan þrjú og fjögur aðfaranótt
sunnudagsins,“ útskýrir Hreimur en
hópurinn átti að vera mættur í Efstaleit-
ið klukkan fimm þann morgun. „Bene-
dikt var að spila með Todmobile og ég og
Pálmi vorum með Pöpunum á Players.“
Í dag er síðan skipulagður frídagur
og þá hyggjast nokkrir eyða þeim tíma í
golf á nærliggjandi velli. „Við ætlum að
fá okkur bjór og steik í kvöld [gærkvöld]
og slaka aðeins á.“ Hópurinn er vel
græjaður og fékk svokallaðan Jam Hub
að láni frá Tónastöðinni. „Þetta gerir
okkur kleift að æfa í fullkomnu sándi
uppi á hótelherbergi,“ segir Hreimur en
sjálf generalprufan verður á föstudag-
inn. „Hérna er allt eins og það á að vera
og Þjóðverjinn stendur svo sannarlega
undir nafni.“
Vinirnir negldu fyrstu æfinguna
GEKK VEL Fyrsta æfing hópsins í Düsseldorf gekk vel fyrir sig og
þeir félagar eru ánægðir með umgjörðina í Þýskalandi.
FRÉTTABLAÐIÐ/DANÍEL
EKKI SÁ ÚTVALDI Ísbjörnin á Horn-
ströndum sem steig á land í gærmorgun
er ekki hinn útvaldi hvítabjörn Besta
flokksins enda var hann felldur í
Hornvík. Heimsóknin hvetur Jón Gnarr
og hans félaga til dáða.
Í HEIMILDARMYNDAGÍRINN Inga Lind Karlsdóttir, fyrrverandi sjónvarpskona, hyggst gera heimildarmynd um of feit börn á Íslandi.
Hún segir undirbúning þó skammt á veg kominn. FRÉTTABLAÐIÐ/DANÍEL
Aðalfundur GFF 2011
verður haldinn í Norræna húsinu þriðjudaginn 10. maí
og hefst kl. 16.30.
Venjuleg aðalfundarstörf
Allir áhugamenn um gróðurvernd
og umhverfismál eru velkomnir
BÍTIÐ
MEÐ HEIMI OG KOLLU
ALLA VIRKA DAGA KL. 6.50
Verð kr. 19.900 -
Netverð á mann, flugsæti til Barcelona 5. maí.
Aðeins 12 sæti í boði og mjög takmörkuð gisting.
Fyrstur kemur - fyrstur fær!
Heimsferðir bjóða ótrúlegt tilboð á allra síðustu flugsætunum í helgarferð til Barcelona.
Gríptu þetta frábæra tækifæri og smelltu þér í einstaka helgarferð á frábærum kjörum!
Frá kr. 19.900
Barcelona
Frábær helgarferð
5 – 9. maí Ótrúlegt tilboð!
Verð kr. 44.900 -
Netverð á mann, flugsæti báðar leiðir. Útflug 5. maí og heimflug 9. maí.
Verð kr. 79.900 -
Verð á mann m.v. gistingu í tvíbýli á Hotel Ayre Gran Via **** með morgunverði.