Fréttablaðið - 09.06.2011, Blaðsíða 2
9. júní 2011 FIMMTUDAGUR2
Haraldur, er þá hægt að anda
léttar?
„Já, það er ekkert að óttast.“
Haraldur Briem er sóttvarnalæknir.
Niðurstöður úr blóðsýnum hafa sýnt fram
á að starfsmenn og og íbúar í nágrenni
við sorpbrennslustöðina Funa hafa
ekki orðið fyrir heilsutjóni af völdum
díóxínmengunar eins og óttast var.
STJÓRNSÝSLA „Það er óþolandi að
bæjarfulltrúi geti að sínum geð-
þótta kallað út starfsmenn bæjar-
ins á laugardegi til að rífa niður
skilti frá samkeppnisaðilum,“
segir Tryggvi Sveinbjörnsson, eig-
andi FAB Travel á Akureyri.
Þrjú kynningarskilti sem sett
voru upp fyrir FAB Travel laug-
ardaginn 28. maí voru í tvígang
rifin niður. Þann dag kom fyrsta
skemmtiferðaskip sumarsins til
Akureyrar. Tryggvi hefur rekið
rútufyrirtæki en er að víkka
út starfsemina í alhliða ferða-
þjónustu. Á Strandgötu 49 verð-
ur meðal annars veitingasala og
verslun með minjagripi og fatnað.
Skammt frá er Ferðamannaversl-
unin Víkingur sem er í eigu Sig-
urðar Guðmundssonar, bæjarfull-
trúa Bæjarlistans.
„Það komu einhverjir strákling-
ar í víkingabúningum og hentu
skiltunum niður. Þeir sögðu að
eigandi Víkings hefði sagt þeim
að gera þetta,“ segir Tryggvi sem
kveður skiltin þrjú hafa verið sett
strax upp aftur.
„Þá kom maður í mótorhjóla-
galla sem myndaði skiltin og felldi
þau svo niður. Hann sagðist vera
frá Akureyrabæ. Það væri ekki
leyfilegt að vera með þessi skilti.
Um klukkustund síðar mætti hann
aftur og var þá með hótunarbréf
frá bænum þar sem sagði að ef
þetta yrði gert aftur yrði beitt
allt að milljón króna dagsektum,“
segir Tryggvi.
Að sögn Tryggva mætti bæjar-
starfsmaðurinn á staðinn þennan
laugardag að undirlagi Sigurð-
ar Guðmundssonar. „Mér finnst
ámælisvert að bæjarfulltrúi geti
ráðskast með starfsmenn bæjar-
ins og kallað út lið til að argast út
í þessi skilti. Það eru viðlíka skilti
sem hafa engin leyfi úti um allan
bæ.“
Í kjölfar þessa atviks sótti
Tryggvi um leyfi fyrir skiltum og
fékk leyfið með tilteknum skilmál-
um. „Við megum setja upp skilti til
að kynna ferðir sem við bjóðum en
ekki þá starfsemi sem fram fer í
húsinu sjálfu. Þetta er nánast eins
og einelti á þetta nýja fyrirtæki og
dæmin eru fleiri.“
Sigurður Guðmundsson stað-
festir að hann hafi lagt niður skilt-
in frá Tryggva og einnig kvartað
til Akureyrarbæjar. „Ég benti þeim
á að kynna sér reglugerð bæjarins
um skilti. Mér þykir náttúrulega
ekki eðlilegt þegar aðili í sambæri-
legum rekstri er með ólöglega upp-
sett skilti 150 metra frá sínu húsi
en aðeins þrjá metra frá minni lóð,“
segir Sigurður sem hafnar því að
hafa beitt áhrifum sínum sem bæj-
arfulltrúi á óeðlilegan hátt. „Það
gerði ég að sjálfsögðu ekki. Það er
hverjum manni frjálst að hringja í
hvern þann sem honum sýnist.“
Skemmtiferðaskipið Grand
Princess kemur til Akureyrar í
dag. gar@frettabladid.is
Deilt á bæjarfulltrúa
í stríði um götuskilti
Eigandi ferðaþjónustu á Akureyri segir bæjarfulltrúa sem á ferðamannaverslun
hafa misnotað áhrif sín til að fá bæjarstarfsmann til að fjarlægja götuskilti.
Bæjarfulltrúinn hafnar ásökunum. Skiltin séu einfaldlega andstæð reglum.
AÐGERÐIR Á AKUREYRI Bjarni Thorarensen frá Akureyrarbæ kom til að fjarlægja
skilti Fab Travel þegar skemmtiferðaskipið MSC Poesia kom til bæjarins. Sigtryggur
Gunnarsson frá Fab Travel fylgdist með. Bjarni segir lausaskilti utan lóðar bönnuð.
Skemmtiferðaskiptið Grand Princess kemur til Akureyrar í dag. MYND/FAB TRAVEL
Mér finnst ámælisvert
að bæjarfulltrúi geti
ráðskast með starfsmenn
bæjarins.
TRYGGVI SVEINBJÖRNSSON
EIGANDI FAB TRAVEL Á AKUREYRI
EVRÓPUMÁL Forsætisnefnd Alþing-
is hefur samþykkt reglur um
úthlutun styrkja til að stuðla að
umræðu og fræðslu um ESB.
Félög og samtök sem hafa að
markmiði sínu að fjalla um ESB
og hugsanlega aðild Íslands, geta
sótt um styrkina. Heimssýn og Já
Ísland eru dæmi um slík félög.
Samkvæmt reglunum skal við
úthlutun „gætt jafnræðis milli
ólíkra sjónarmiða til Evrópusam-
bandsins. Gæta skal sérstaklega
að því að fjárveitingar til and-
stæðra fylkinga (já- og nei-hreyf-
inga) séu sem jafnastar“, segir
þar. - kóþ
Alþingi styrkir ESB-fræðslu:
Já og Nei fái
jafnmikið fé
BÍLAR Rafbílar þurfa ekki endi-
lega að vera litlir og kraftlausir,
að sögn forsvarsmanna Northern
Lights Energy (NLE), sem kynntu
rafknúna jeppa til sögunnar í tón-
listarhúsinu Hörpu í gær.
Að því er fram kemur í tilkynn-
ingu frá NLE er innflutningur
jeppanna liður í áætlun fyrirtæk-
isins um rafbílavæðingu Íslands.
Þar segir að fyrirtækið hafi verið í
samningaviðræðum við fjölda raf-
bílaframleiðenda og fyrsti afrakst-
urinn séu jepparnir sem kynnt-
ir voru í gær. AMP er eitt fárra
fyrirtækja sem hafa einbeitt sér
að framleiðslu drifbúnaðar fyrir
rafknúna jeppa.
Jepparnir eru af tveimur gerð-
um og framleiddir af AMP Elect-
ric Vehicles. Afl þeirra samsvarar
220 hestöflum og hægt að aka um
150 kílómetra á einni hleðslu. - sh
Liður í rafbílavæðingu Íslands að selja landsmönnum stærri rafbíla:
Kynntu rafknúna jeppa í Hörpu
RENNILEGIR Bílarnir voru kynntir í Hörpu í gær. Nokkrir fulltrúar framleiðandans AMP
eru staddir hér á landi af því tilefni. FRÉTTABLAÐIÐ/STEFÁN
SINGAPORE Alþjóðasamtök áætl-
unarflugfélaga, IATA, hafa kynnt
áætlun um nýja aðferð við örygg-
isleit á flugvöllum sem á að vera
þægilegri fyrir farþega og flug-
félög.
Samkvæmt áætluninni eiga far-
þegar að bera vegabréf með raf-
rænum lífkennum, en með því á
að vera hægt að meta hvort far-
þegar geti mögulega verið hættu-
legir. Farþegum verður skipað í
þrjá öryggisflokka og eiga þeir
að ganga í gegnum skanna í sam-
ræmi við flokkunina. Í flokknum
„known travelers“ eru þeir sem
þegar hafa skráð sig og sem yfir-
völd hafa kannað bakgrunninn
hjá. „Normal screening“ er fyrir
flesta farþega en „elevated risk“
er flokkur þeirra sem lítið er
vitað um og verða að sæta meiri
skoðun.
Framkvæmdastjóri IATA, Giov-
anni Bisignani, segir að núverandi
eftirlitskerfi hafi verið búið til
fyrir 40 árum til þess að afhjúpa
flugræningja með vopn úr málmi.
Nú þyrfti að hverfa frá kerfi þar
sem leitað væri að hlutum og
finna í staðinn hættulega einstak-
linga. - ibs
Alþjóðasamtök áætlunarflugfélaga vilja stytta biðraðir farþega:
Flokkaðir með tilliti til öryggis
EFTIRLIT Taka á upp nýjar aðferðir við
öryggisleit. FRÉTTABLAÐIÐ/AP
DÝRALÍF Allar þrjár landselsurt-
urnar í Fjölskyldu- og húsdýra-
garðinum hafa kæpt og því fylgja
þrír kópar þeim í selalauginni í
garðinum og á bökkum hennar.
Landselsurtur kæpa snemm-
sumars en úthafsselsurtur á
haustin.
Að sögn yfirdýrahirðis garðs-
ins er móðurástin áberandi hjá
urtum, sem láta vel að kópum
sínum og gefa þeim orkuríka
mjólk fyrstu fjórar til sex vik-
urnar. Að því loknu bíti þær þá
af sér og láta þá um að bjarga sér
sjálfir. Þá getur það tekið kópana
um mánuð að taka fasta fæðu. - sh
Allar landselsurtur hafa kæpt:
Kópar svamla í
Laugardalnum
MÓÐURÁST Kóparnir eru á spena í fjórar
til sex vikur en eftir það þurfa þeir að
bjarga sér sjálfir.
SAMGÖNGUR Niðurstöður próf-
ana á tvinnvagninum sem Strætó
hafði til reynsluaksturs í maí
benda til þess að slíkir vagnar
séu álitlegur kostur við endurnýj-
un vagnaflota Strætó.
Eldsneytiseyðsla tvinnvagnsins
er um það bil 30 til 46 prósentum
minni en hjá núverandi vögnum.
Að auki er útblástur koldíoxíðs
nýjustu vagna Strætó um það bil
44 prósentum meiri en útblástur
tvinnvagnsins. Þetta kemur fram
í tilkynningu frá Strætó bs.
Strætó myndi spara 551.000
lítra af eldsneyti á ári með því að
tvinnvæða allan flotann. - sv
Tvinnvagn Strætó reynist vel:
Eyðir um 40%
minna af olíu
KJARAMÁL Ríkissáttasemjari sá
ekki ástæðu til að kalla samn-
ingamenn Flugvirkjafélags
Íslands og Icelandair saman til
funda í gær. Kjaradeila þeirra í
millum er því í hnút.
Vinnustöðvun flugvirkja tók
gildi í gær og raskaði það öllu
flugi Icelandair. Það sama verður
upp á teningnum í dag og á morg-
un að óbreyttu.
Maríus Sigurjónsson, varafor-
maður félags flugvirkja, segir
ekkert eitt atriði skýra að ekki
næst saman. „Þetta er flóknara
en svo. Við leggjum áherslu á
réttindamál og þetta snýst ekki
um launin.“ - shá
Vinnustöðvun raskar flugi:
Engir fundir í
kjaradeilunni
AÐ STÖRFUM Flugvirkjar eru fámenn
stétt en með þeim standa og falla flug-
samgöngur. NORDICPHOTOS/AFP
FJÁRMÁL Heildarfjárhæð áfallina
skatta í vanskilum í lok mars árið
2011 nam 127,1 milljarði króna.
Þetta kom fram í svari fjármála-
ráðherra við fyrirspurn Sigmunds
Davíðs Gunnlaugssonar, þing-
manns Framsóknarflokksins.
Vanskil af tekjuskatti einstak-
linga nam 26, 3 milljörðum en
lögaðila 38,5 milljörðum. Ógreidd-
ur virðisaukaskattur var 45,2
milljarðar. Á árinu 2009 námu
afskriftir áfallina skatta samtals
9,9 milljörðum og 9,4 milljörðum í
fyrra. - shá
Lögaðilar skulda mest:
127 milljarðar í
skattaskuldum
SPURNING DAGSINS
Starfsmannadagur
Sjóvá
Í dag mun starfsfólk Sjóvá halda starfsmanna-
fund og móta starfsemina enn frekar til fram-
tíðar ásamt því að efla þjónustu við viðskiptavini.
Sumarstarfsmenn munu annast símavörslu og
sinna almennri þjónustu klukkan 12:00–16:30.