Fréttablaðið - 09.06.2011, Blaðsíða 8
9. júní 2011 FIMMTUDAGUR8
Samkomulag við fjármálaráðherra
Póstatkvæðagreiðsla er hafin
Hafin er póstatkvæðagreiðsla um nýtt Samkomulag Starfsgreinasambands Íslands
við fjármálaráðherra f.h. ríkissjóðs.
Atkvæðisrétt eiga allir félagsmenn aðildarfélaga SGS sem vinna eftir þessum samningi og
greiddu félagsgjöld til einhvers aðildarfélaganna í apríl/maí 2011.
Kjörgögn og kynningarefni hefur verið sent út samkvæmt kjörskrá.
Fái einnhver sem telur sig eiga atkvæðisrétt ekki send kjörgögn, getur viðkomandi snúið sér
til skrifstofu síns stéttarfélags, og fengið sig færðan á kjörskrá og greitt atkvæði, enda leggi
viðkomandi fram launaseðil sem sanni afdregin félagsgjöld í apríl/maí 2011.
Tekið er við kjörskrárkærum samkvæmt framansögðu til kl. 12.00 miðvikudaginn 22. júní en þá
lýkur atkvæðagreiðslu um samninginn.
Reykjavík, 6. júní 2011.
Kjörstjórn
Starfsgreinasambands Íslands
SJÁVARÚTVEGUR Hafrannsóknastofn-
unin leggur til að þorskkvóti verði
aukinn úr 160 þúsund tonnum í 177
þúsund tonn á næsta fiskveiðiári.
Stofnunin kynnti í gær tillögur
sínar um hámarksafla um þrjátíu
fiskistofna á næsta fiskveiðiári.
Jóhann Sigurjónsson, forstjóri
Hafró, segir aðgerðir undanfar-
inna ára, í þá átt að fjölga í þorsk-
stofninum og nýta hann betur,
hafa skilað árangri. Stofninn fari
stækkandi og fiskarnir séu þyngri.
Þá segir hann allar líkur á því að
hægt verði að veiða allt að 250 þús-
und tonn af þorski árið 2016 verði
20 prósenta aflareglunni, sem
Hafró mælir með, fylgt næstu
fimm árin.
Aflareglan felur í sér að leyfa
skuli veiðar á 20 prósentum af
viðmiðunarstofni en raunar valda
ýmsar viðbótarheimildir og til-
færslur milli ára því að veiðar geta
vikið frá viðmiðinu. Þorskaflinn á
nýafstöðnu fiskveiðiári varð þann-
ig á endanum 169 þúsund tonn í
stað 160 þúsund tonna.
Hafró leggur til að aflamark ýsu
verði 37 þúsund tonn á næsta fisk-
veiðiári samanborið við 45 þúsund
tonn á yfirstandandi ári. Ýsustofn-
inn hefur minnkað mikið á undan-
förnum árum sem rekja má til
minni áhrifa risaárgangsins frá
2003. Jóhann segir miklar líkur
á því að stofninn fari niður fyrir
sögulegt lágmark á næstu árum
þegar árgangar síðustu ára, sem
hafa verið litlir, koma inn í hrygn-
ingarstofninn. Þá leggur stofnun-
in til að tekin verði upp aflaregla
fyrir ýsu rétt eins og gert hefur
verið í þorski.
Þá er útlit fyrir góða loðnuvertíð
en mælingar Hafró benda til ver-
tíðar upp á um 700 þúsund tonn en
aflamark á yfirstandandi ári var
390 þúsund tonn. Hafró gefur hins
vegar ekki út endanlegt aflamark í
loðnu fyrr en í haust þegar frekari
mælingar liggja fyrir.
Í öðrum helstu nytjastofn-
um leggur stofnunin til að leyfð-
ur ufsaafli verði 45 þúsund tonn
en í fyrra taldi stofnunin óhætt
að veiða 40 þúsund tonn. Þá er
gerð tillaga um 40 þúsund tonna
hámarksafla á gullkarfa saman-
borið við 30 þúsund tonn í fyrra.
Tillögur Hafró um aflamark ann-
arra stofna eru flestar í takti við
tillögur ársins í fyrra. Þó er veru-
lega dregið úr aflamarki íslenskrar
sumargotssíldar en mikil óvissa er
um þróun stofnsins vegna sýkingar
sem hefur hrjáð hann.
„Auðvitað fagna ég því að verið
sé að bæta við í þorskinum en
ég harma það aftur á móti að við
séum með svo arfavitlausa afla-
reglu að það skuli ekki vera hægt
að bregðast við góðu ástandi með
meiri aukningu. Okkur finnst
þetta alltof lág aflaregla,“ segir
Sævar Gunnarsson, formaður Sjó-
mannasambandsins, og bætir við
að tillögur Hafró í karfa og loðnu
séu einnig fagnaðarefni. Annað
hafi ekki komið á óvart.
Friðrik J. Arngrímsson, fram-
kvæmdastjóri LÍÚ, segir mjög
jákvætt að þorskstofninn hafi
vaxið mikið á undanförnum árum
sem gefi tilefni til aukinnar veiði.
„Á sama tíma er hins vegar algjör-
lega óþolandi að núna þegar upp-
byggingin er að takast eigi að taka
stóran hluta hennar af þeim sem
færðu fórnir til að byggja stofninn
upp,“ segir Friðrik með vísan til
þess ef fyrirhugaðar breytingar á
stjórn fiskveiða ganga eftir.
magnusl@frettabladid.is
Þorskkvóti aukinn merkjan-
lega vegna stækkandi stofns
Hafrannsóknastofnun kynnti í gær tillögur að aflamarki nytjastofna við Ísland. Aflamark þorsks eykst úr
160 í 177 þúsund tonn. Aflamark ýsu minnkar milli ára. Þá er útlit fyrir bestu loðnuvertíð til langs tíma.
Tillögur Hafrannsóknastofnunarinnar um hámarksafla
Tegund Tillaga í þús. tonna Tillaga 2010 Ákvörðun 2010
Þorskur 177,0 160,0 160,0
Ýsa 37,0 45,0 50,0
Ufsi 45,0 40,0 50,0
Gullkarfi 40,0 30,0 37,5
Steinbítur 7,5 8,5 12,0
Langa 8,8 7,5 7,5
Keila 6,9 6,0 6,0
FANGELSISMÁL Í byrjun síðasta
mánaðar nam hlutfall erlendra
fanga í íslenskum fangelsum
19 prósentum. Hinn 13. maí var
hlutfallið svo komið í 22 prósent.
Hlutfallið var því nærri fimmt-
ungi í mánuðinum.
Þetta kom fram í svari
Ögmundar Jónassonar innanrík-
isráðherra við fyrirspurn Sig-
mundar Davíðs Gunnlaugssonar,
formanns Framsóknarflokksins,
á Alþingi í gær.
Þá kom fram í svarinu að árið
2001 hefðu átta prósent fanga
í íslenskum fangelsum verið
erlendir ríkisborgarar.
Ögmundur sagði í svari sínu að
1. maí síðastliðinn hefðu verið 30
fangar í íslenskum fangelsum.
Þar af hefðu verið ellefu sem ekki
voru búsettir hér á landi. 13. maí
voru svo fangar í íslenskum fang-
elsum orðnir 35, þar af 15 sem
ekki voru búsettir hér.
Í svari Ögmundar kom fram
að erlendum föngum sem voru
dæmdir í óskilorðsbundið fang-
elsi hefði fjölgað frá árinu 2001
til ársins 2008, en síðan þá hefði
fjöldinn verið nokkuð stöðugur.
Fjöldi erlendra fanga gæti hins
vegar breyst á stuttum tíma og
sagði Ögmundur því geta skipt
máli hvaða dagsetningar væru
hafðar til viðmiðunar.
Sigmundur Davíð sagði gagn-
legt að fá fram upplýsingar um
að erlendum föngum hefði farið
fjölgandi frá árinu 2001. „Árinu
sem Íslendingar urðu aðilar að
Schengen,“ sagði hann.
Erlendum föngum hefur fjölgað frá árinu 2001:
Fimmtungur fanga
erlendir ríkisborgarar
ÖGMUNDUR
JÓNASSON
SIGMUNDUR DAVÍÐ
GUNNLAUGSSON
HAFRANNSÓKNASTOFNUNIN Jóhann Sigurjónsson, forstjóri Hafró, kynnti tillögur
stofnunarinnar á blaðamannafundi í gær. FRÉTTABLAÐIÐ/PJETUR
1. Hvað eru dómarar í landsdómi
margir?
2. Hvað heitir kvikmynd Ridley
Scott sem taka á upp hér á landi í
sumar?
3. Hvað heitir væntanlegur
leikur frá CCP sem kemur út fyrir
Playstation 3 leikjatölvur?
SVÖRIN
FJÖLMIÐLAR Bill Keller, aðalrit-
stjóri bandaríska stórblaðsins The
New York Times, hefur ákveðið
að segja starfi
sínu lausu nú
í september.
Keller, sem
verður 62 ára í
ár, mun áfram
skrifa í blaðið.
Netmiðill-
inn Columbia
Journalism
Review segir
í umfjöllun
sinni um feril Kellers uppsögn-
ina í takt við stríð Bandaríkjanna
gegn hryðjuverkum og aftökuna
á hryðjuverkaleiðtoganum Osama
bin Laden fyrir mánuði. Hann var
einn fréttastjóra blaðsins 11. sept-
ember 2001 þegar farþegaflugvél-
um var flogið á Tvíburaturnana
í New York og stýrði umfjöllun
blaðsins um hryðjuverkasamtök-
in. - jab
Aðalritstjóri NYT hættir senn:
Ætlar að skrifa
áfram í blaðið
BILL KELLER
VIÐSKIPTI Múrbúðin hefur opnað
nýja grófvörudeild í verslun sinni
að Bakkabraut við Kópavogshöfn.
Þar verður, að því er segir í
fréttatilkynningu, meðal annars
hægt að kaupa timbur, gifsplöt-
ur, milliveggjastoðir, einangr-
un og fleira. Múrbúðin er sögð
hasla sér völl á samkeppnissviði
sem hingað til hafi verið einokað
af tveimur aðilum. Búðin segist
leggja upp „með sama hætti og
alltaf hefur einkennt Múrbúðina,
með því að bjóða lágt verð fyrir
alla, alltaf“. - þj
Byggingamarkaður:
Múrbúðin opn-
ar grófvörudeild
DANMÖRK Árið 2009 voru 234 þús-
und Danir fátækir samkvæmt
skilgreiningu Efnahags- og fram-
farastofnunar Evrópu um fátækt.
Fjöldi þeirra Dana sem lifa
undir fátæktarmörkum hefur
aukist um 55 prósent á sjö árum.
Árið 2001 var hlutfall fátækra
í Danmörku það lægsta í Evrópu.
Nú er Danmörk í 11. sæti.
Ef námsmenn eru reiknaðir
með er fjöldi fátækra í Dan-
mörku 346 þúsund. Engin opin-
ber fátæktarmörk eru í landinu.
- ibs
Fátæktin eykst í Danmörku:
Yfir 200 þúsund
lifa í fátækt
1. Þeir eru fimmtán. 2. Prometheus.
3. Dust 514.
UMHVERFISMÁL Vísbendingar eru
um að aðgerðir stofnana á vegum
umhverfisráðuneytisins til að
draga úr utanvegaakstri hafi borið
árangur, að því er segir í frétt á vef
ráðuneytisins.
Samkvæmt nýjum tölum frá
landvörðum og lögreglustjóraemb-
ættum virðist hafa dregið úr utan-
vegaakstri um 15 til 30 prósent
síðan farið var af stað í vinnu við að
sporna við honum. Þó er tekið fram
að eftirlitið sé ófullkomið og tölurn-
ar því ekki óyggjandi. Enn fremur
sé munur á svæðum og sums staðar
sé þróunin í átt til hins verra.
Umhverfisráðuneytið og stofn-
anir þess hafa, ásamt hagsmuna-
aðilum og frjálsum félagasamtök-
um, unnið að því að koma fræðslu
til vegfarenda með auglýsingum,
bæklingum og fræðsluskiltum.
„Fræðsluskilti við fjallvegi virð-
ast hafa borið árangur því dregið
hefur úr umferð smábíla á hálend-
inu og tilvikum utanvegaaksturs
hjá útlendingum hefur fækkað,“
segir í frétt umhverfisráðuneytis-
ins.
Þá hefur starfshópur á vegum
ráðuneytisins unnið að því að
flokka vegi í samvinnu við sveitar-
félög og er vonast til að sú vinna
muni skila sér í tillögum í haust um
það hvaða vegir eigi að vera opnir
og hverjir lokaðir. - sh
Umhverfisráðuneytið segir fræðsluskilti og bæklinga hafa skilað árangri:
15 til 30% minni utanvegaakstur
SKEMMDIR Ökutæki geta myndað djúp
för í jarðveg. MYND/UMHVERFISSTOFNUN
VEISTU SVARIÐ?