Fréttablaðið - 09.06.2011, Blaðsíða 20
20 9. júní 2011 FIMMTUDAGUR
FRÁ DEGI TIL DAGS
greinar@frettabladid.is
FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is Trausti Hafliðason trausti@frettabladid.is og Höskuldur Daði Magnússon (dægurmál) hdm@frettabladid.is
HELGAREFNI: Sigríður Björg Tómasdóttir sigridur@frettabladid.is MENNING: Bergsteinn Sigurðsson bergsteinn@frettabladid.is ALLT OG SÉRBLÖÐ: Roald Eyvindsson roald@frettabladid.is og Sólveig Gísladóttir solveig@frettabladid.is
ÍÞRÓTTIR: Sigurður Elvar Þórólfsson seth@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. Issn 1670-3871
A
kstur utan vega hefur verið viðvarandi vandamál hér á
landi. Því miður hafa allt of margir ökumenn jeppa og
annarra vélknúinna ökutækja of mikið og of lengi sýnt
viðkvæmu gróðurfari á hálendi Íslands vanvirðingu
og yfirgang á ferðum sínum. Víða sjást merki þessa í
náttúru Íslands enda getur það tekið náttúruna ár og upp í áratugi
að jafna sig þegar djúp hjólför eru komin í viðkvæmt land.
Vísbendingar sem fram koma í nýrri samantekt Umhverf-
isstofnunar um að nú dragi heldur úr utanvegaakstri eru því
fagnaðarefni, en á síðustu misserum hefur verið unnið eftir
aðgerðaáætlun umhverfisráðuneytisins sem beinist að því að
draga úr utanvegaakstri.
Ekki er úr vegi að setja þessa
þróun í stærra samhengi, því
líklega hefur umræða um
umhverfismál almennt ekki
verið meiri og frjórri hér á landi
í annan tíma.
Skemmst er að minnast sorp-
brennslumálanna sem hafa
verið í fréttum frá áramótum.
Sú umfjöllun neyddi nokkrar sveitarstjórnir í landinu til að hætta
að beina blinda auganu að alvarlegri díoxínmengun sem stafað
hefur frá sorpbrennslum.
Raunar má segja að bylting hafi orðið í viðhorfi almennings til
sorpmála í landinu á sama tíma og mörg sveitarfélög hafa bætt
mjög meðferð á úrgangi. Aukin endurvinnsla og endurnýting á
sorpi hefur dregið talsvert úr þeim úrgangi sem farga þarf, þótt
þarna megi vitanlega gera mun betur.
Þótt enn sé nær allur bílafloti landsmanna knúinn bensíni og
dísilolíu eru teikn um að þess sé ekki langt að bíða að endur-
nýtanleg orka verði valkostur sem æ fleiri mun þykja fýsilegur.
Frumvarp um framkvæmdasjóð ferðamannastaða hefur verið
til umræðu á yfirstandandi þingi og verður vonandi að lögum.
Með þeim lögum kemur til stóraukið fjármagn til uppbyggingar
og viðhalds á fjölsóttum ferðamannastöðum þar sem aðstæðum
hefur víða verið verulega ábótavant í mörgum skilningi. Auk þess
sem öryggi ferðamanna hefur ekki verið nægilega tryggt hafa
margir fjölsóttustu ferðamannastaðir landsins alls ekki verið
nægilega varðir gegn þeim ágangi sem stríður straumur ferða-
manna veldur óneitanlega í viðkvæmu landi.
Ósnortin náttúra og óspillt ásamt hreinu vatni og lofti er ríkur
þáttur í sjálfsmynd þjóðarinnar. Svo ríkur kannski að hér var fólk
seinna að grípa þá umhverfisbylgju sem svo sannarlega hefur sett
mark sitt bæði á líf almennings og öll stjórnmál um heim allan
undanfarna áratugi. Í okkar stóra og strjálbýla landi var talið að
engin umhverfisvá steðjaði að.
Nú virðist sem þjóðin sé að vakna af þyrnirósarsvefninum og
átta sig á því að hér þurfum við að vernda viðkvæma náttúru með
því að umgangast hana af gætni og virðingu, gæta að útblæstri og
annars konar loftmengun og draga úr sorpi með aukinni endur-
vinnslu. Þetta er góð þróun og ber vott um þroska þjóðar.
HALLDÓR
SKOÐUN
Steinunn
Stefánsdóttir
steinunn@frettabladid.is
Á vef SÁÁ er að finna pistil eftir Gunnar Smára Egilsson frá 3. júní þar sem
formaðurinn sýnir af sér fordæmalausan
þekkingarskort og fellir sleggju-
dóma um grafalvarlegt málefni.
Sem einstaklingur með
athyglisbrest leyfi ég mér að
fullyrða:
• Einstaklingar með athyglis-
brest sem fá meðferð byggða á
rítalíni eru ekki líklegir til að
þróa með sér ávana eða fíkn.
• Einstaklingar sem ekki hljóta
viðeigandi meðferð eru líklegri
til að misnota áfengi og fíkni-
efni.
• Með því að ráðast að óathug-
uðu máli gegn meðferð á athygl-
isbresti er Gunnar Smári að auka þörf á
þjónustu SÁÁ.
Mér blöskrar þær tölur sem sést hafa
varðandi lyfjakostnað. Þar erum við
alveg sammála, Gunnar Smári og ég. En
ég fordæmi hiklaust upphlaup formanns
SÁÁ sem vanhugsað áróðursbragð.
Gunnar Smári er ekki nýliði í fjölmiðla-
umfjöllun og væri maður að meiru ef
hann viðurkenndi mistök sín. Að öðrum
kosti dæmir hann sjálfan sig óhæfan til
að leiða SÁÁ.
Er ekki kominn tími til að
staldra við og íhuga eftirfarandi:
• Ef rannsókna er þörf varðandi
greiningu og meðferð á athyglis-
bresti þarf ekki einfaldlega að
styðja við slíkt starf?
• Ef Ísland stendur svona langt
upp úr er þá ekki þörf á að greina
hvers vegna?
• Ef aðgengi fíkla að „lækna-
dópi“ er svona mikið sem raun
ber vitni þarf þá ekki að skoða
hvers vegna og hvernig hægt sé
að koma í veg fyrir það?
Ég skora á íslensk stjórnvöld, Gunnar
Smára og aðra landsmenn að taka á þessu
máli með festu og stillingu. Fordómafullir
sleggjudómar bjarga ekki mannslífum. En
hvert örstutt spor – Gunnar Smári – hvert
örstutt spor í rétta átt er áfangi sem vert
er að vinna að. Það ættir þú að vita svo
mætavel sjálfur.
Hvert örstutt spor, Gunnar
Smári, hvert örstutt spor …
Notkun
rítalíns
Vilhjálmur
Hjálmarsson
leikari og
einstaklingur með
athyglisbrest
Fordóma-
fullir sleggju-
dómar bjarga
ekki manns-
lífum.
Góður ásetningur
Merkileg samstaða náðist á Alþingi 12.
desember 2008. Þá var samþykkt tillaga
um rannsókn á aðdraganda og orsökum
falls íslensku bankanna. Í greinargerð
með tillögunni segir að rannsóknin geti
beinst að aðgerðum ríkisstjórnar og
einstakra ráðherra og því sé eðlilegt að
rannsóknin fari fram á vegum Alþingis.
Þar er talað um ábyrgð ráðherra og
sérstaklega vísað til 14. greinar
stjórnarskrár Íslands. Hún hljóðar
svo: „Ráðherrar bera ábyrgð á
stjórnarframkvæmdum öllum.
Ráðherraábyrgð er ákveðin
með lögum. Alþingi
getur kært ráðherra
fyrir embættisrekstur
þeirra. Landsdómur dæmir þau mál.“
Þeir sem stóðu að tillögunni voru:
Sturla Böðvarsson, Guðjón A. Kristjáns-
son, Valgerður Sverrisdóttir, Steingrímur
J. Sigfússon, Ingibjörg Sólrún Gísladóttir
og Geir H. Haarde, sem þá var forsætis-
ráðherra.
Ó, gat það átt við um mig?
Í ljósi þessarar ágætu tillögu, sem
samþykkt var samhljóða á Alþingi,
hlýtur það að skjóta skökku við
þegar einn flutningsmanna, Geir
H. Haarde, hrópar hátt um
pólitískar ofsóknir og úreltan
landsdóm. Átti frum-
varpið kannski ekki
að gilda um hann?
Tyggjóþingið
Sérkennileg orðaskipti áttu sér stað á
þingi í gær. Þau lutu ekki að stjórn-
málum, ekki beint í það minnsta. Í
umræðum um fundarstjórn forseta
mátti nefnilega heyra forseta, Ragnheiði
Ríkharðsdóttur, hvísla að einum
þingverðinum þegar hann gekk til sætis
við hlið forseta: „Passaðu þig að þú
stígir ekki í tyggjóið.“
Er ekki einboðið að skipa rannsókn-
arnefnd og kryfja það hver forsetanna
var með tyggjó í þingsal
og missti það á gólfið
– Kristján Möller, Ásta
Ragnheiður eða kannski
Ragnheiður sjálf?
kolbeinn@frettabladid.is
Hafrannsóknastofnunin
Veiðiráðgjöf – Kynningarfundur
Hafrannsóknastofnunin mun kynna veiðiráðgjöf fyrir fiskveiðiárið
2011/2012 á opnum fundi fimmtudaginn 9. júní n.k. kl. 14 - 16 í
fundarsal stofnunarinnar á 1. hæð að Skúlagötu 4.
Dagskrá:
Undirstaða stofnmats – Einar Hjörleifsson
Þorskur – Björn Ævarr Steinarsson
Loðna – Þorsteinn Sigurðsson
Yfirlit yfir aðrar tegundir
Fyrirspurnir og umræður
Gert er ráð fyrir um klukkustundar umræðum eftir kynninguna
þar sem sérfræðingar stofnunarinnar sem vinna að stofnmati
munu svara fyrirspurnum.
Allir velkomnir.
Vísbendingar um að dregið hafi úr utanvegaakstri:
Vitundarvakning
um umhverfismál