Fréttablaðið - 09.06.2011, Blaðsíða 16
9. júní 2011 FIMMTUDAGUR16 16
hagur heimilanna
106
„Það sem ég hélt að væru afskaplega slæm kaup í mínu lífi, reyndust svo
verða með þeim betri,“ segir Guðrún Jónsdóttir, talskona Stígamóta.
Guðrún keypti íbúð árið 1982 og á stofugólfinu var „með endemum ljótt
gólfteppi“ í hræðilegum lit, skræpótt og götótt. „Það var hryllilega gulbrúnt
með hvítum skræpum og æpti í mótsögn við allt mitt innbú,“ segir Guðrún,
sem hét því um leið að safna fyrir parketi á stofugólfið, líkt og tíðkaðist víða
og gerir enn.
„Í hvert sinn sem peningur kom inn á heimilið
settum við fram spurninguna um forgangsröðun
í lífinu,“ segir Guðrún. „Við frestuðum parketinu
ítrekað, fórum í nokkrar utanlandsferðir og
gerðum margt annað dásamlegt fyrir peningana.“
Teppið vakti upp endalausar spurningar hjá
Guðrúnu um hvernig á að verja peningum. Hún seg-
ist vilja nota þá til að njóta lífsins og gera skemmtilega
hluti með fólki sem henni þykir vænt um.
„Þegar ég hugsa til baka til teppisins þá finn ég
að mér þykir mjög vænt um það,“ segir hún.
„Og það var á stofugólfinu öll þau átta ár
sem við bjuggum í íbúðinni, en við lifðum
lífinu fyrir andvirði teppisins.“
NEYTANDINN: GUÐRÚN JÓNSDÓTTIR, TALSKONA STÍGAMÓTA
Lifðu lífinu fyrir gólfteppið
ÞÚSUND KRÓNUR Meðalheimilið á Íslandi varði 106 þúsund krónum í áfengi á
árinu 2009. Það nam 2,4 prósentum af heildarútgjöldunum.
GÓÐ HÚSRÁÐ rabarbari
Rabarbari hreinsar pottana
Hægt er að ná brunablettum úr
pottum og pönnum á einfaldan hátt
með rabarbara þannig að pottarnir líti
út sem nýir. Skerðu niður nokkra rabarb-
araleggi, settu í pottinn ásamt vatni og láttu
sjóða í um það bil tíu mínútur og potturinn verður eins og nýr. Nú er tilvalið
að taka skemmtunina aðeins lengra og sjóða annaðhvort rabarbarasultu
eða rabarbaragraut.
Um tíu til fimmtán þúsund posar
með örgjörvum verða settir upp
hér á landi á næstu mánuðum. Því
munu allir sem nota greiðslukort
þurfa að leggja pinnnúmer á minn-
ið og nota það í stað undirskrifta.
Útgáfu korta með örgjörvum
verður að mestu lokið á þessu ári,
en þegar eru öll kreditkort búin
örgjörvum.
Verslanir og þjónustufyrirtæki
hafa sum hafist handa við að setja
upp slíka posa. Posarnir snúa að
viðskiptavinum, sem setja kortin
í þá og slá inn númerið. Í nokkr-
um vínbúðum er nú hægt að greiða
með þessum hætti.
Með þessum breytingum er
verið að mæta alþjóðlegum kröf-
um um öryggi, en þær þykja stuðla
að meira öryggi bæði korthafa og
fyrirtækja.
Verkefninu „Pinnið á minnið“
hefur verið hrundið af stað vegna
þessa og á það að auðvelda inn-
leiðingu kerfisins. Greiðsluveitan
ehf., sem er dótturfyrirtæki Seðla-
bankans, sér um verkefnið ásamt
færsluhirðunum Borgun, Valitor
og Teller. Orðið pinnið er nýyrði
yfir enska orðið Pin, sem hefur
verið notað á Íslandi hingað til.
Áfram verður hægt að staðfesta
greiðslur með undirskrift enn um
sinn. - þeb
Posar með örgjörvum að hefja innreið sína á Íslandi:
Staðfest með pinni
NÝR POSI Posar hafa verið teknir í
notkun í nokkrum vínbúðum og eru
þeir merktir með slagorðinu „Pinnið á
minnið“.
Hlaupafrömuðurinn Torfi
H. Leifsson segir að auk-
inn áhuga á útihlaupum
megi þakka öflugu kynn-
ingarstarfi og heilsuvit-
und almennings. Upphafs-
kostnaður er ekki mikill,
en vandaðir hlaupaskór eru
sagðir vera algjör nauðsyn.
Sannkölluð sprenging hefur verið
í áhuga almennings á útihlaup-
um hér á landi síðustu ár þar sem
sífellt fleiri eru farnir að spretta
úr spori.
Þessi þróun var hæg en stöðug
um áraraðir segir Torfi H. Leifs-
son. Hann er einn umsjónarmanna
vefsíðunnar hlaup.is, þar sem
nálgast má upplýsingar um hlaup
og flest þeim tengt.
Torfi segir aðspurður að ákveð-
in vatnaskil hafi orðið þegar Glitn-
ir lagðist út í mikla auglýsingaher-
ferð fyrir Reykjavíkurmaraþon
fyrir nokkrum árum.
„Síðan hefur orðið almenn
heilsuvakning meðal almennings
þar sem fólk áttaði sig á því að
hlaup er bæði þægileg og ódýr leið
til að koma sér í form,“ segir Torfi
og bætir við að
lykilatriði sé
að kaupa góða
hlaupaskó.
„Fín hlaupa-
föt eru ekki
nauðsynleg
fyrst um sinn
þar sem venju-
legur íþrótta-
galli dugar vel.
Hins vegar er ekki ráðlegt að nota
gamla skó sem hafa legið í geymsl-
unni lengi. Góðir skór gætu kost-
að á bilinu 20 til 25 þúsund, en í
framhaldi af því má hugsa um að
kaupa hlaupaboli og buxur, sem
eru í raun ekki mjög dýr.“
Torfi segir að ýmis aukatæki,
líkt og úr með GPS og púlsmæli,
séu eitthvað sem getur komið
síðar.
Hlaupaskó þarf að endurnýja
reglulega, í samræmi við notkun,
segir Torfi.
„Jafnan er miðað við að skór
endist á bilinu 600 til 1000 kíló-
metra, en þá er dempun horfin úr
skónum. Maður finnur strax fyrir
því þegar það gerist til dæmis með
óþægindum í hnjám eða framan á
sköflungi.“
Góðir skór eru lykil-
atriði í útihlaupum
TORFI H. LEIFSSON
Asics Kayano
Asics Kayano er einn vinsælasti hlaupaskórinn hér á landi,
og sá mest seldi af innanfótarstyrktum skóm, að því er
segir í umsögn á vef Útilífs. Þessi tegund er til í flestum
verslunum og er því valin til verðsamanburðar.
Verslun Verð
Sportland 33.990 *
Afreksvörur 33.000 *
Útilíf 29.990
Hlaupaskor.is 29.990
Hlaup.is 28.800
Intersport 27.990
Flexor 27.980
*Hér er um að ræða skó sem eru af öðrum tegundum, en sambærilegir við Asics Kayano, að
sögn starfsmanna verslananna.
Verðsamanburður
Suðurlandsbraut 20, Reykjavík | Sími 588 0200 | www.eirvik.is
með Miele
Care Collection uppþvottaduft, töflur, gljái
og vélahreinsir, sérstaklega framleitt fyrir
Miele uppþvottavélar
Með því að velja Miele uppþvottavélar
leggur þú grunn að langtímasparnaði.
Þrjár þvottagrindur
Þvær 18% meira magn í einu
Notar minna vatn og rafmagn
Fer betur með leirtauið
Verð frá kr. 179.995
Farðu alla leið með Miele
Á HARÐAHLAUPUM Stóraukning hefur verið í áhuga almennings á útihlaupum
síðustu ár. Hlaupafrömuður segir að þakka beri miklu og góðu kynningarstarfi sem
og bættri heilsuvitund, og þeirri staðreynd að um er að ræða hentuga og ódýra
heilsurækt. FRÉTTABLAÐIÐ/HEIÐA
Úrval af hlaupaskóm er nokkuð
gott hér á landi. Þrátt fyrir að verð
hafi hækkað mikið eftir gengis-
fall krónunnar segir Torfi að verð
hér á landi sé svipað og á Norður-
löndunum, en verð vestanhafs geti
verið umtalsvert lægra.
Þrátt fyrir að veðrið á Íslandi
sé oftar en ekki lítt fýsilegt til úti-
vistar segir Torfi að hlauparar láti
slíkt ekki stöðva sig.
„Fólk er að hlaupa úti allt árið
um kring og síðustu ár hafa meira
að segja verið hlauparaðir í gangi
allan veturinn,“ segir Torfi og
bætir við að lokum að mestu máli
skipti að klæða sig eftir aðstæðum.
„Margir láta ekkert stoppa sig,
en í verstu veðrum er hægt að fara
inn í líkamsræktarstöðvarnar og
hlaupa á brettunum.“
thorgils@frettabladid.is