Fréttablaðið - 09.06.2011, Síða 33
Ferðaskrifstofan VITA býður í
haust upp á stuttar haustferðir
til þriggja fornfrægra borga:
Edinborgar í Skotlandi, Dublin
á Írlandi og Ríga í Lettlandi.
EDINBORG FÓLK KEMUR AFTUR OG
AFTUR
Í haust býður Ferðaskrifstofan
VITA upp á nokkrar haustferðir til
Edinborgar. Farið verður 13. og 27.
október og 3. og 17. nóvember. Ferð-
irnar eru ýmist þriggja eða fimm
nátta og boðið er upp á skoðunar-
ferðir um borgina og nágrenni.
„Ég fer sjálf til Edinborgar eins
oft og tækifæri gefst. Hún hefur
það aðdráttar-
afl að maður
vill koma aftur
og aftur enda
er borgin glæsi-
leg í alla staði,
hvert sem litið
er,“ segir Inga
Geirsdóttir, far-
arstjóri VITA í
Edinborg. „Borg-
in hefur mörg
kennileiti, sem
gerir það eigin-
lega ómögulegt
að týnast í henni.
Einn af stærstu plúsum borgarinn-
ar er hversu lítil og þægileg hún er.
Þar búa um 500.000 manns og hefur
borgin oft verið valin besta borg í
Evrópu til að búa í. Ekki skemma
glaðværð og vingjarnleiki Skota
fyrir og sagt er að hingað sé enginn
óvelkominn,“ segir Inga. „Nú erum
við hjá VITA að setja upp spennandi
3-5 nátta haustferðir. Þá er flogið
beint til Glasgow og ekið í klukku-
tíma til Edinborgar. Boðið verður
upp á skemmtilegar skoðunarferðir,
til dæmis dags sveitaferð þar sem
keyrt verður til hins rómaða Loch
Lomond vatns þar sem boðið verð-
ur upp á klukkutíma siglingu. Einn-
ig bjóðum við upp á rútuferð um Ed-
inborg og förum yfir sögu borgar-
innar. Eins höfum við boðið þeim
sem vilja ferð í Holyrood-höllina,
Edinborgarkastala og létta göngu-
ferð um Royal Mile. Við skoðum fal-
legar byggingar og kynnum okkur
skemmtilegar og áhugaverðar sögur
frá fyrri tíð og skellum okkur inn
á bar eða kaffihús og njótum þess
að vera til í óstressuðu umhverfinu.
Margir leggja leið sína í hinn fal-
lega almenningsgarð Princes Street
Gardens sem er rétt við hótelin sem
VITA býður upp á, kíkja á blóma-
klukkuna og hlýða á sekkjapípuleik-
ara sem eru nánast á hverju horni.“
DUBLIN BEINT FRÁ AKUREYRI
Fjögurra nátta helgarferð 27.–31. október.
Dublin á Írlandi er einstök borg sem
hefur unnið hug og hjörtu margra
Íslendinga í gegnum árin, enda er
varla annað hægt en að hrífast af
umhverfinu, menningunni og lífs-
gleði innfæddra. Ferðaskrifstof-
an VITA býður í haust upp á ferð í
beinu flugi frá Akureyri til Dublin
í samstarfi við Ferðaskrifstofu Ak-
ureyrar.
„Við erum tekin við sem um-
boðsaðilar VITA hér fyrir norð-
an,“ segir Ragnheiður Jakobsdótt-
ir, skrifstofustjóri Ferðaskrifstofu
Akureyrar. „Við sjáum um sölu í
allar ferðir VITA auk þess að bjóða
upp á þessa ferð til Dublin í beinu
flugi héðan í október. Þetta er fjög-
urra daga ferð til þessarar frábæru
borgar sem býður upp á menningu,
skemmtun, verslun og skemmtilegt
mannlíf.“
Ragnheiður
segir hótelin
sem í boði eru
vera vel stað-
sett og góð og
alla þjónustu til
fyrirmyndar.
Sjálf segist hún
hafa farið í slíka
ferð til Dublin
og óhikað geta
mælt með henni.
„Þetta var óskap-
lega skemmtilegt.
Írarnir eru svo skemmtilegir heim
að sækja og pöbbamenningin og
mannlífið svo litríkt, auk þess sem
borgin er mjög falleg. Þeir sem vilja
geta síðan farið í skoðunarferðir og
kynnt sér sögu borgarinnar en þeir
sem vilja verja tímanum í verslun-
um geta gert það.“
Það er þó ekkert skilyrði að vera
búsettur á Norðurlandi til að nýta
sér þessa ferð og bendir Ragnheiður
á að svæðið sem Ferðaskrifstofa Ak-
ureyrar þjóni nái allt frá Austfjörð-
um til Húnavatnssýslna. „Það hefur
mælst óskaplega vel fyrir að bjóða
upp á ferðir beint héðan,“ segir hún.
„Enda sparar það fólki bæði tíma
og peninga. Það er farið héðan að
morgni og lent hér aftur að kvöldi
þannig að tíminn nýtist allur í Du-
blin sjálfri.“
Þetta er eina ferðin sem Ferða-
skrifstofa Akureyrar býður upp á
í beinu flugi frá Akureyri og segir
Ragnheiður vissara að hafa tímann
fyrir sér við pöntun, þar sem reynsl-
an sýni að færri komist yfirleitt að
en vilji. Hægt er að bóka ferðina á
heimasíðu VITA, vita.is, eða hafa
samband við Ferðaskrifstofu Akur-
eyrar og bóka þannig.
RÍGA REYKJAVÍK AUSTURSINS
Fjögurra nátta helgarferð 5.–9. október.
„Gamli miðbærinn í Ríga heillaði
mig mest,“ segir Gunnar Helgason,
leikari og fararstjóri í haustferð
VITA til Ríga í Lettlandi. „Hann
er náttúrlega stútfullur af kirkjum,
eins og miðbæir eru víðast hvar í
Austur-Evrópu, en þar er líka risa-
stór markaður og þangað fór ég og
endurnýjaði öll tréáhöld fyrir eld-
húsið. Svo förum við í eina falleg-
ustu höll Austur-Evrópu, sem heit-
ir Rundale, og heimsækjum minja-
safn Lettlands, sem er svona þeirra
Árbæjarsafn.“
Gunnar segir öll hótelin sem
boðið er upp á í VITA-ferðinni vera
stórgóð og í göngufjarlægð frá öllu
því helsta í miðbænum. „Miðbær-
inn er rólegur og þægilegur og
fullt af mjög góðum veitingastöð-
um. Minna um
túrisma en víða
annars staðar og
allt einstaklega
þægilegt. Þrjár
stórar verslun-
armiðstöðvar í
göngufæri frá
hótelum og svo
aðrar miklu stærri í leigubílafjar-
lægð. Lettarnir hafa ofboðslega ríka
þjónustulund og eru í alla staði mjög
viðkunnanlegir og hjálpfúsir; þeir
taka alls staðar vel á móti manni og
hvergi er neitt vesen.“
Gunnar segir Ríga oft hafa verið
kallaða París austursins, en nú
til dags sé eiginlega nær að kalla
hana Reykjavík austursins, enda
séu Lettar mjög stoltir af skemmt-
analífi borgarinnar. En hvað kom
til að hann varð farar stjóri í Lett-
landi? Var það bara vegna þess hvað
hann er skemmtilegur? „Það hlýt-
ur að vera,“ segir hann og skelli-
hlær. En í alvöru hef ég verið mikið
í Rússlandi og Póllandi og hef þar
fyrir utan gríðarlegan áhuga á sögu
þessa heimshluta og raunar sögu
yfirleitt.“
Munu ferðalangar í Ríga fá að
njóta þessarar sögukunnáttu? „Saga
Lettlands er mikil átakasaga og það
var mjög áhugavert að setja sig inn
í hana. Ég fer með fólkið í göngu-
ferðir um miðbæinn og segi frá,
enda er það algjörlega nauðsynlegt
þegar maður kemur til nýrrar borg-
ar að skoða helstu staði og sjá hana
frá öllum hliðum. Þá er maður bara
búinn að ná þessu og getur farið
allra sinna ferða.“
Gunnar segir alla sem koma til
Ríga verða að prófa að fara í gufu-
bað. „Þeir eru með gufuböð og
heilsulindir og alls konar gufu-
baðsklúbba og það er algjör nauð-
syn að prófa þá. Láta berja sig með
hrísvöndum og fara í kalda sturtu
á eftir. Maður verður eins og nýr.“
Allar þessar ferðir er hægt að bóka á
vita.is eða hjá sölumönnum VITA og
Ferðaskrifstofu Akureyrar.
Ferðaskrifstofan VITA, Skútuvogi 13a,
sími 570 4444
Ferðaskrifstofa Akureyrar, Ráðhús-
torgi 3, sími 460 600
Edinborg, Dublin og Ríga í haust
Ragnheiður
Jakobsdóttir
Inga Geirsdóttir
Gunnar Helgason
Edinborg
Dublin
Riga
FERÐIR
FIMMTUDAGUR 9. JÚNÍ 2011 • KYNNINGARBLAÐ