Fréttablaðið - 04.08.2011, Qupperneq 8

4. ágúst 2011 FIMMTUDAGUR8
1 Hvaðan var Sævar Ciesielski
jarðsunginn?
2 Hver er skólastjóri Kvikmynda-
skóla Íslands?
3 Hvar fór Draggkeppni Íslands
fram í ár?
SVÖR
1. Frá Dómkirkjunni í Reykjavík. 2.
Hilmar Oddsson. 3. í Hörpu.
NOREGUR Sett verður upp sérstök
deild innan norsku lögreglunnar
sem mun rannsaka hryðjuverka-
árásirnar hinn 22. júlí, sem urðu
77 manns að bana.
Lögreglan hélt blaðamanna-
fund í gær þar sem meðal ann-
ars var greint frá þessu. Mikill
fjöldi lögreglumanna kemur að
rannsókninni og lögregla nýtur
aðstoðar evrópsku lögreglunn-
ar Europol og FBI, bandarísku
alríkislögreglunnar.
Anders Behring Breivik var
yfirheyrður í þriðja sinn í gærdag.
Þrátt fyrir að hann hafi játað á
sig verknaðinn er mörgum spurn-
ingum ósvarað. Lögreglan hefur
lagt áherslu á að komast að því
hvernig hann fjármagnaði verkn-
aðinn og við hverja hann hefur
haft samskipti undanfarið. Lög-
reglan hefur sérstakan áhuga á
því að skoða bankareikninga sem
Breivik gæti hafa opnað og tæmt.
Sjálfur hefur Breivik sagst vera
hluti af stærri samtökum sem hafi
hryðjuverkasellur um Evrópu, en
lögregla hefur ekki fundið nein
merki um að það eigi við rök að
styðjast. Þá hefur verið upplýst
að Breivik hringdi sjálfur í lög-
regluna frá Útey og sagði meðal
annars að verkefninu væri lokið.
Símtalið tók aðeins um þrjár
sekúndur.
Mikill fjöldi fólks hefur sótt
útfarir fórnarlamba hryðjuverk-
anna. Nokkrir hafa verið jarðsett-
ir á hverjum degi fram til þessa,
en tugir verða jarðsettir í dag og á
morgun. Ráðherrar og aðrir hátt-
settir innan Verkamannaflokksins
hafa verið viðstaddir útfarirnar,
og hefur að minnsta kosti einn
fulltrúi flokksins verið við hverja
útför ungmennanna sem létust í
Útey.
Hafist hefur verið handa við að
hreinsa upp blómahafið og aðra
hluti sem skildir voru eftir við
dómkirkjuna í Ósló til minningar
um fórnarlömbin. Öllum kortum
og bréfum verður safnað saman
og þau geymd á bókasöfnum í
framtíðinni. Þannig verður hægt
að sjá hvað venjulegt fólk hafði að
segja um voðaverkin 22. júlí.
thorunn@frettabladid.is
Sérstök deild rann-
sakar hryðjuverkin
Lögreglan í Ósló hefur sett upp sérstaka deild til að rannsaka hryðjuverkin í
Ósló og Útey. Lögregla vill vita hvernig Breivik fjármagnaði árásirnar. Kortum
og bréfum við dómkirkjuna verður safnað saman og þau varðveitt á söfnum.
HREINSAÐ TIL Blómahafið og aðrir munir sem settir höfðu verið á torg fyrir framan
dómkirkjuna í Ósló voru fjarlægðir í gær. Bréf og kort verða varðveitt. FRÉTTABLAÐIÐ/AP
ÍRAK Fimm menn eru sagðir hafa
verið handteknir í Írak vegna
gruns um fyrirhugaðar árásir í
Svíþjóð og Frakklandi, að því er
Svenska Dagbladet greinir frá.
Yfirmaður hjá íraska innanríkis-
ráðuneytinu, segir hina handteknu
hafa tengsl við menn í Evrópu og
tilheyra hópi tengdum al-Kaída.
Yfirvöld í Írak hafa hert leit að
herskáum múslímum að undan-
förnu af ótta við hefndaraðgerðir
vegna aftöku Osama bin Laden í
maí síðastliðnum. -ibs
Fimm handteknir í Írak:
Skipulögðu
árásir í Svíþjóð
SVÍÞJÓÐ Fyrirtækið Flexidrive í
Svíþjóð hefur sett á laggirnar
þjónustu sem gerir neytendum
mögulegt að leigja bíla annarra,
til dæmis nágranna, sem vilja
leigja bílana sína. Nú þegar
er boðið upp á slíka þjónustu í
Bandaríkjunum, Ástralíu, Eng-
landi, Frakklandi og Þýskalandi.
Að sögn Magnus Engervall
hjá Flexidrive skrá bíleigendur
farartæki sín á heimasíðu fyrir-
tækisins. Þeir eiga jafnframt
sjálfir að setja upp verð. - ibs
Nýstárleg bílaleiga í Svíþjóð:
Fá að leigja bíl
nágrannans
BRETLAND Tollayfirvöld í Bretlandi
lögðu nýverið hald á 1,2 tonn af
kókaíni sem falin voru vandlega
í lystisnekkju sem var á leið frá
Karíbahafi til Hollands.
Samkvæmt frétt BBC hefur
aldrei áður fundist jafn mikið
magn af hörðum eiturlyfjum þar í
landi. Sex voru handteknir í Hol-
landi vegna málsins fyrr í vikunni.
Söluverðmæti efnisins er talið
geta numið að jafnvirði ríflega 50
milljörðum króna. - þj
Stór fíkniefnafundur:
Tugmilljarða
kókaínfarmur
KÓKAÍNFARMUR Söluverðmæti kókaíns-
ins nemur tugum milljarða króna.
Lögmannsréttindanámskeið
Nefnd um próf til að öðlast réttindi
sem héraðsdómslögmaður hefur
ákveðið að halda námskeið haustið
2011. Námskeiðið gefur réttindi sem
héraðsdómslögmaður. Skráning er til
og með 20. ágúst.
DÓMSTÓLAR
VEISTU SVARIÐ?