Faxi - 01.07.1984, Blaðsíða 34

18. LANDSMÓT UMFÍ
I
UMFK
Á landsmótum UMFÍ fer fram
stigakeppni milli héraðssambanda
um leið og keppt er í hverri grein.
Stigagjöfin fer þannig fram að sex
fyrstu í hverri grein hljóta stig,
þannig að í einstaklingsgreinum
gefur 1. sæti sex stig 2. sæti gefur 5
stig 3. sæti gefur 4 s^ig 4. sæti gefur
3 stig 5. sæti gefur 2 stig og 6. sæti
gefur eitt stig. Verði einstaklingar
jafnir skiptast stigin að jöfnu milli
þeirra.
í hópíþróttum er sama form en
stigafjöldi fjórfaldast. Þannig gef-
ur 1. sæti 24 stig 2. sæti 20 stig og
þannig áfram og 6. sæti 4 stig. í
skák gefur 1. sæti 12 stig 2. sæti 10
stig og þannig áfram og 6. sæti 2
stig.
Stóru samböndin eiga eðlilega
mesta möguleika í svona stiga-
keppni. Þau sem eiga keppendur í
flestum eða öllum greinum. Þetta
sést vel ef úrslit stigkeppninnar á
síðasta landsmóti eru skoðuð.
1. H.S.K. 396,5 stig
2. U.M.S.K. 236,5 stig.
3.Ú.Í.A. 173 stig
4. U.M.S.B. 131,5 stig
5.H.S.Þ. 116 stig
6. U.M.S.E. 113 stig
7. U.M.F.K. 111 stig
8. U.M.F.N. 98 stig
Þau 111 stig sem U.M.F.K.
hlaut á síðasta landsmóti skiptust þannig milli greina:
Sund 35 stig
Borðtennis 10 stig
Júdó 18 stig
Handknattl. 4 stig
Körfuknattl. 20 stig
Knattspyrna 24 stig
Á 18. landsmóti U.M.F.Í. sem
nú er að hefjast stefnir U.M.F.K.
að þátttöku í sem flestum grein-
um. Það er alls ekki þar með sagt
að stigafjöldinn aukist verulega,
en hins vegar er mikilvægt að vera
með í sem flestum greinum, þann-
ig að okkar fólk öðlist keppnis-
reynslu og geti e.t.v. enn frekar
sýnt hvað í því býr á næsta lands-
móti.
Ef reynt er að gera sér grein fyrir
stöðunni núna í upphafi móts, þá
er það augljóst að staða okkar hef-
ur einkum versnað í sundi. Á síð-
asta móti fengum við 35 stig en
sundæfingar hafa af ýmsum ástæð-
um legið niðri hjá okkur Keflvík-
ingum síðustu árin og því verður
þátttaka okkar í sundinu lítil.
Á hinn bóginn er okkar styrkur
fyrst og fremst í hópgreinunum s.s.
knattspyrnu, körfuknattleik og
e.t.v. handknattleik. Einnig eiga
fulltrúar okkar í júdó og borð-
tennis að geta náð góðum árangri.
Frjálsíþróttalið okkar er óvenju
fjölmennt að þessu sinni. Það er
nýtt lið og því mjög spennandi að
fylgjast með því á þessu móti, þó
e.t.v. sé óraunhæft að gera sér
vonir um toppbaráttu á þessu
sterkasta móti sem fram fer hér á
landi.
Auk þessa er nú stefnt að þátt-
töku í blaki, skák og starfíþrótt-
um, sem flestum, en þær eru 1-
Lagt á borð, 2. Hestadómar, 3.
Starfshlaup, 4. Dráttarvélaakstur,
5. Jurtagreining, 6. Línubeitning.
Eftir stendur því spumingin:
Tekst okkur með þátttöku í þess-
um greinum að bæta upp það stiga-
tap sem óhjákvæmilega verður í
sundi.
Það er ætíð erfitt að spá um sh'kt
á svo sterku og fjölbreyttu móti,
sem landsmót U.M.F.Í. er. Það er
þó óhætt að fullyrða að með góðri
hvatningu og öflugum stuðningi
keflvískra áhorfenda aukast lík-
urnar á góðum árangri.
Ég vil því að lokum hvetja alla
Keflvíkinga til að taka virkan þátt i
þessu móti og standa vel að baki
sínum mönnum, þannig verður
árangurinn bestur.
Okkar sterkustu júdómenn: Magnús Hauksson, Sigurður Hauksson, Ómar Sig-
111 stig urdsson og Kristján Svanbergsson.
Ljósm. Víkurfréttir.
BiðskýViö
v/erbur op£
attan soiar
pring'nn
meðan
NÆTURSALA
UM HELGAR
Biðskýlið, Njarðvík
Opið mánudaga - fimmtudaga kl. 9:00-23:00
föstudaga - laugardaga kl. 9:00-04:00
sunnudaga kl. 10:00-23:30
202-FAXI