Frjáls verslun - 01.04.2004, Page 38

VINNUMARKAÐUR STARFSMANNAVELTA
HALLGRÍMUR JÓNSSON, SPARISJÓÐSSTJÓRI SPV:
Áherslan að búa vel að fólki
Hallgrímur Jónsson, sparisjóðs-
stjóri SPV, lokar skrifstofunni
sinni í síðasta sinn 30. júní í sumar
og er þá síðasta vinnudegi hans
lokið eftir 42 ára starf. Hallgrímur
hóf störf í SPV árið 1962, 22ja ára
gamall, og var í hlutastarfi fyrstu
árin. Hann byrjaði í vaxtareikn-
ingum og slíkum verkefnum og var
jafnframt í öðru starfi samhfiða SPV.
Þremur árum síðar var hann ráðinn
sparisjóðsstjóri SPV og því starfi
hefur hann gegnt í 39 ár.
„Starfsumhverfið hefur breyst mikið. I gamla daga var allt
handskrifað, þar með taldar innfærslur í sparisjóðsbækur. Það
var ekki fyrr en árið 1966 sem við fengum bókhaldsvél og þótti
mikil framför og á áttunda áratugnum hófst tölvuöldin. Við
höfum alltaf reynt að fylgjast vel með í tæknimálum og teljum
að sparisjóðurinn sé vel tæknivæddur.“
Hallgrímur Jónsson
sparisjóðsstjóri hættir
í sumar eftir 42 ára
starf hjá SPV.
Mynd: Geir Ólafsson
Hallgrímur hafði unnið í Landsbankanum áður en hann hóf
störf hjá SPV svo hann var ekki alveg ókunnugur bankastarf-
semi. Það var þó tilviljun að þetta yrði ævistarfið. Hann hefur
góða reynslu af því að vera lengi á sama vinnustað enda segir
hann að tryggð starfsmanna við SPV sé mikil. Hann telur
ástæðuna fyrir því að SPV haldist vel á starfsmönnum m.a. þá
að starfsmennirnir þurfi að „finna að þeir séu eitthvað, þeir séu
virtir og þeim fiði vel, það sé hugsað um þá.“
Hann segir að hjá SPV hafi verið lögð áhersla á að búa vel
að starfsfólki og það hafi „skilað sér í því að það eru ekki
miklar mannabreytingar. Það hefur mikla kosti að þurfa ekki
alltaf að vera að þjálfa starfsfólk. En í svona fyrirtæki er fjöl-
breytni í störfum og við reynum að verða við óskum starfs-
manna eins og við getum. Það er æskilegt að víxla starfs-
mönnum og sjálfsagt að flytja fólk á milli starfa ef það vill
breyta til innan fyrirtækisins.“
SPV var opnaður kl. 11 þann 11.11.1961. Fyrstu árin var SPV
í íbúðarhúsi við Bárugötu 11 í Reykjavík. Húsakynnin voru 11
fermetra herbergi og fjárhirslurnar voru fatahengi sem sett
hafði verið Landssmiðjuhurð fyrir. „Það þætti varla mjög traust
í dag,“ segir Hafigrímur. Œj
HAFA STARFAÐ í ÁRATUGI Á SAMA STAÐ
ÞÓR GUNNARSSON, SPARISJÓÐSSTJÓRI SPH:
Sjálfstæðið betur
metið en peningar
Þegar ég byrjaði hér var Spari-
sjóðurinn í smáholu í horninu á
ráðhúsinu og allt var mjög fornfá-
legt, bókhaldið ekki einu sinni sam-
tengt og allt handskrifað. Það var t.d.
skylda að skrifa með blekpenna,
mátti ekki skrifa með kúlupenna, og
SPH átti eina ritvél. Helmingurinn af
starfsmönnunum var með gamlar
rafknúnar reiknivélar og hinir voru
með handknúnar vélar. Opnunai-
tími Sparisjóðsins var frá 10 til 12 og
2 til 4. Þarna vorum við til ársins
1964 að við fluttum í núverandi sparisjóðshús við hliðina á ráð-
húsinu og í byijun árs 1965 fengum við mekanískar bókhalds-
vélar, Kingsley, og þá fyrst byrjaði byltingin. I árslok 1964 flutt-
um við í þetta nýja hús og í maí árið eftir byrjuðum við nýta þess-
ar bókhaldsvélar," segir Þór Gunnarsson, sparisjóðsstjóri SPH.
Þór hefur starfað í 42 ár hjá SPH og á næsta ári þegar hann
verður búinn að vinna út sinn uppsagnarfrest verða þau orðin 43.
Samanlagður líf- og starfsaldur hans er 106 ár. Þór hefúr sinnt
stjórnunarstarfi frá 1975 og unnið 12-14 tíma á sólarhring. Ekki
hafði hann hugsað sér sem ungur maður að halda út á braut við-
Þór Gunnarsson,
sparisjóðsstjóri SPH,
hefur starfað í SPH í 43
ár þegar hann lætur af
störfum næsta vor.
skiptanna - en - enginn veit sína ævina fyrr en öll er. „Nei, ég
gerði alls ekki ráð fyrir því að vinna hér allan minn starfsaldur,
bæði vegna þess að kjörin þóttu ekkert sérstök og svo hafði ég
hugsað mér annan feril. Eg er lærður loftskeytamaður,
útskrifaðist 31. maí 1961, daginn áður en ég hóf störf hjá Spari-
sjóðnum," segir hann og heldur áfram: „En ég sé ekki eftir því
að hafa farið að vinna hjá Sparisjóðnum. Það hefur verið ánægju-
legt að taka þátt í þessu starfi frá frumbernsku Sparisjóðsins og
kynnast því óskipulagða umhverfi sem þá var og leiða starfið í
gegnum þá byltingu sem hefur orðið til dagsins í dag.“
Viðhorfin hafa breyst á þessum 42 árum sem liðin eru frá því
Þór hóf störf í SPH. A þeim árum fluttu starfsmenn sig ekki svo
gjarnan á milfi fyrirtækja heldur unnu alla tíð hjá sama fyrir-
tæki. Það þótti viðburður ef svo var ekki. I dag kannar ungt fólk
kjör og viðhorf og flytur sig garnan milli fyrirtækja og stofnana.
Þegar Þór er spurður um þetta segist hann hafa þann
stjórnunarstíl að skipta sér ekki stöðugt af sínu fólki, hann
fylgist með en treysti að öðru leyti sínum starfsmönnum.
„Mér sýnist þetta skiptast í tvö horn eftir þvl hvort menn
meta meira áhuga á sjálfstæði og frumkvæði í starfi eða launa-
kjör. Keppinautarnir bjóða oft í ungt og gott fólk, stundum
hærri laun en ég greiði, og sumir taka því. Aðrir meta meira
sjálfstæðið og það að fá tækifæri til að byggja upp eftir sínum
eigin hugmyndum. Eg myndi se.gja að þeir séu fleiri sem hafa
áhuga á að framkvæma sínar hugmyndir og sanna sig en þeir
sem fara vegna þess að þeim eru boðin betri kjör. En ég neita
því ekki að einstaka sinnum er keyptur héðan starfsmaður og í
sumum tilvikum höfum við fengið hann aftur. Nýi staðurinn
reyndist þá öðruvísi en starfsmaðurinn átti von á.“ S!]
38