Bankablaðið - 01.12.1967, Qupperneq 20

DR. JÓHANNES NORDAL, bankastjóri:
Efnahagsmálin og bankarnir
Flutt á þingi Sambancls íslenzkra bankamanna 9. apríl 1967.
Mér er sönn ánægja að því að hafa fengið
þetta tækifæri til þess að flytja stutt erindi
á þingi Sambands íslenzkra bankamanna. Vil
ég þá sérstaklega óska sambandinu til ham-
ingju með þetta ágæta húsnæði, sem það hef-
ur fengið fyrir starfsemi sína. Vona ég að
þessi aðstaða verði til þess að efla sambandið
og gefa því betri tækifæri en áður til að
vinna að hagsmunamálum bankamanna, og
á ég þar ekki aðeins við launa- og kjaramál,
heldur ekki síður þau mál, sem miða að aukn-
um þroska stéttarinnar og betri möguleikum
hennar til þess að gegna þjóðfélagslegu hlut-
verki sínu. Ég get ekki stillt mig um að
nefna hér mál, sem ég hef haft mikinn
áhuga á alla tíð, ekki sízt vegna kynna minna
af því, þegar ég var í stjórn Sambands ís-
lenzkra bankamanna. A ég hér við Banka-
skólann og aðra fræðslustarfsemi banka-
manna, er bæði miði að því að þjálfa nýliða
í bankamannastétt, en ekki síður hinu, að
gefa eldri og reyndari starfsmönnum tæki-
færi til sérþjálfunar og sjálfsmenntunar í
starfi sínu. Þótt allir hljóti að vera þakklátir
fyrir það ágæta starf, sem Bankaskólinn hef-
ur unnið til þessa, megum við ekki gleyma
því, að enn er mjög langt í land, að hann
gegni því hlutverki, sem honum var í upp-
hafi ætlað. Nú þegar þessi góða aðstaða hef-
ur skapazt hér fyrir starfsemi skólans, vona
ég eindregið, að gengi hans fari vaxandi og
allir leggist á eitt til að gera hann að öflugri
og alhliða fræðslumiðstöð fyrir bankana. Með
nýrri tækni og flóknari þjóðfélagsháttum er
æ meiri þörf fyrir sérþjálfaða menn í banka-
mannastétt, og úr þeirri þörf verður aðeins
leyst á vegum bankanna og bankastarfs-
manna sjálfra. Hér er ekki um að ræða verk-
efni, sem nokkurn tíma verður sinnt að gagni
af ríkinu, enda fellur það ekki með eðlileg-
um hætti inn í hið almenna fræðslukerfi.
Varðandi þetta mál langar mig til þess
að leggja áherzlu á eitt, en það er sjálfs-
menntun og gagnkvæm fræðsla meðal banka-
manna sjálfra. Hlutverk Bankaskólans á ekki
aðeins að verða það, að koma upp nám-
skeiðum af ýmsu tagi fyrir byrjendur og þá,
sem reyndari eru í starfinu, heldur þyrfti
18 BANKABLAÐIÐ