Bankablaðið - 01.12.1967, Blaðsíða 46

Kveðjuorð frá starfsfélögum
BALDUR SVEINSSON
Baldur Sveinsson bankafulltrúi andaðist
2. nóvember s.l. eftir langvarandi sjúkdóm.
Baldur fæddist í Stykkishólmi 18. október
1902. Foreldrar hans voru Sveinn Jónsson
trésmiður þar og kona hans Guðrún Björns-
dóttir.
I ættir fram var Baldur kominn af gagn-
merku dugnaðarfólki og átti til þjóðþekktra
athafnamanna frændsemi að sækja. Olst hann
upp í foreldrahúsum. Stundaði síðan nám í
Verzlunarskóla Islands og brautskráðist það-
an 1920.
Hóf hann þá skrifstofustörf hjá Hinu ís-
lenzka nýlenduvörufélagi í Reykjavík. I þjón-
ustu Islandsbanka réðist hann 1921 og starf-
aði síðan í Útvegsbanka íslands meðan
heilsa og kraftar leyfðu.
Starfsmaður var Baldur Sveinsson alla tíð
einn ágætastur í bankanum, öruggur og fljót-
ur að leysa hvert verkefni af höndum með
snilldarbragði og snyrtilegum frágangi. Við-
skiptamönnum bankans þjónaði hann af
stakri ljúfmennsku og lipurð en þær eigind-
ir voru honum meðfæddar.
Baldur starfaði mikið að félajgsmálum
bankamanna, bæði formaður Starfsmannafé-
lags Útvegsbankans og einnig í fyrstu stjórn
Sambands íslenzkra bankamanna. Var mik-
ill fengur að félagsmálastörfum Baldurs
Sveinssonar í þágu okkar bankamanna og
fyrir það verður honum ævinlega þakkað af
heilum hug þeirra sem nutu að starfa með
honum og einnig þeirra, sem síðar hafa notið
forystustarfa hans í félagsmálum. Baldur var
einn af stofnendum fyrsta kvartetts Starfs-
mannafélags Útvegsbankans og jafnan líf og
sál í hópi þeirra fjórmenninga, er veittu okk-
ur á hátíðarsamkomum ógleymanlegar
ánægjustundir. Hann var heiðursfélagi Starfs-
mannafélags Útvegsbankans.
Baldur Sveinsson vann að fleiri félagsstörf-
um, m. a. í Leikfélagi Reykjavíkur og Fóst-
bræðrum en í þeim félögum var hann lengi
virkur félagi og afkastamikill. Hann var og
mikilsmetinn í Oddfellowreglunni og hefi ég
fyrir satt að þar hafi hann lagt mörgum líkn-
armálum mikilsvert lið og ótal starfsstundir.
Baldur var kvæntur Fríðu Guðmunds-
dóttur trésmiðs í Reykjavík. Var sambúð
þeirra ástúðleg og heimili þeirra með miklum
myndarbrag og gestrisni þeirra hjóna frá-
bær og elskuleg.
Þegar við starfsfélagar Baldurs Sveinsson-
ar í Islandsbanka og Útvegsbanka íslands
kveðjum látinn góðan dreng minnumst við
hugljúfra samskipta í starfi og tómstundum.
Adolf Björnsson.
44 BANKABLAÐIÐ