Jazzblaðið - 01.12.1950, Side 28

LOUIS ARMSTRONG
— Á R N AÐ H E I LLA —
Svavar Gests tók saman.
I júlíhefti þessa blaðs var nokkuð
minnzt á fimmtugs afmæli trompetleik-
arans og hljómsveitarstjórans Louis
Armstrong. Hið ameríska tímarit Down
Beat tileinkaði Louis allt júlí hefti sitt
og eru í því fjöldi greina og heillaóska
um hann, skrifað af þekktum jazzleik-
urum, gagnrýnendum, framkvæmdar-
stjórum hljómsveita og fleirum. Til
gamans má geta þess, að nafn Arm-
strong kemur fyrir á öllum síðum nema
tveimur og allt í allt kemur það um 300
sinnum fyrir í blaðinu. Tuttugu og fjór-
ar myndir eru í blaðinu af Louis ein-
um eða með hljómsveitum þeim, er hann
hefur stjórnað, og er myndin til hægri
ein þeirra, en hún var tekin nú fyrir
stuttu af hljómsveit þeirri, sem hann er
nú með.
Louis Armstrong er sá jazzleikarinn,
er mestra vinsælda nýtur meðal starfs-
bræðra sinna og kemur það glöggt fram
í ummælum þeirra um hann í Down
Beat, en nokkur þeirra fara hér á eftir.
Um Armstrong segir Harry James
m.a.: „Louis hefur alltaf kynnt það bezta
í jazzmúsík. Hinn fullkomni smekkur
hans hefur hrifið mig og heldur áfram
að hrífa mig jafnvel enn meir en leikur
hans“. Billy Butterfield, annar trompet-
leikari, segir: „Louis Armstrong? Hvað
get ég sagt um Louis annað en það, að
hann er sá mesti? Og ég man ekki eftir,
að mér hafi nokkurn tíma fundist ann-
að“. Hljómsveitarstjórinn Woody Her-
man, sem stjórnað hefur einni af hljóm-
sveitum þeim, er mestum árangri hefur
náð að leika nútíma jazz, er engu að
síður hrifinn af Louis en þeir James og
Butterfield, er hann segir: „Það leikur
enginn vafi á, að hann hefur skýrt bet-
ur en nokkur annar lífs eða liðinn hvað
orðið ,,jazz“ þýðir“. Hinn ágæti ti'om-
petleikari Charlie Shavers segir: „Hvað
mér við kemur, þá er Louis mesta mikil-
mennið, er jazzinn hefur nokkurn tíma
átt“. Og hinn tekniski trommuleikari og
duglegi hljómsveitarstjóri Gene Krupa
segir þessi snjöllu orð: „Auðvitað hafa
áhrif Louis komið fram í þróun hvers
einasta hljóðfæris jazzhljómsveitarinn-
ar. Og satt að segja, þá liggur aðal-
mikilleikinn í frægð hans fimmtugs í
því, að vita að enginn hljómsveit, hljóð-
færaleikari eða söngvari getur farið
með lag án þess að viðurkenna hina
miklu skuld til hins frábæra brautryðj-
anda — Louis Armstrong". — Bobby
Iiackett trompetleikari, enn einn að-
dáandi Louis, segir m. a. þetta, „eftir
að hann er búinn að lýsa því hversu
oft hann kom og hlustaði á Louis leika
á næturklúbb einum í Hollywood: „Eitt
kvöldið rakst ég á Glenn Miller þar út
frá. „Hvað finnst þér?“ sagði ég um
leið og Louis hafði lokið við að leika og
24 jazÁUií