Jazzblaðið - 01.12.1950, Blaðsíða 32

Jazzhljómleikar Jazzblaðsins
Jazzhljómleikar, er Jazzblaðið gekkst
fyrir voru haldnir í Austurbæjarbíói 8.
nóv. síðastl.
Fyrsta hljómsveitin, sem lék var K.K.
sextettinn, og byrjaði hann með hinu
sígilda lagi „Star dust“. Útsetningin
var eftir Kristján Kristjánson stjórn-
anda hljómsveitarinnar og var hún all-
góð. Lagið var vel æft og heildarsvipur
þess góður. Klarinetsóló Kristjáns var
fremur bragðdauf, en einleikur Ólafs
Gauks á guitar var aftur á móti ágætur.
Næsta lag var „Don’t be that way“ og
var útsetningin fremur þunn. Hún var
eftir Gauk, sem átti aftur á móti beztu
sólóna í laginu. Barytón-saxófónninn
var þunglamalegur í fraseringu, sem
ef til vill stafar í og með af því, að
þetta er í fyrsta skipti, sem Kristján
leikur á hann með hljómsveitinni. Jón
Sigurðsson, sem lék með hljómsveitinni
á bassa var mjög öruggur í þessu lagi.
„Gloomy Sunday“ kom næst í útsetn-
ingu Ólafs Gauks. Útsetningin var af-
bragðs góð og hefur Gaukur nú sýnt,
að hann er okkar fremsti útsetjari. —
Væri gaman, ef hann reyndi við stærri
verkefni. Lagið var ágætlega spilað og
auðsjáanlega vel æft. „Don’t blame me“
var næsta lag, og gætti of mikið al-
vanalegra hugmynda í útsetningunni.
Hér átti Kristján aftur á móti mjög
góða klarinetsóló. Sextettinn var klapp-
aður upp, og lék sem aukalag „Swedish
Pastry“. Útsetningin var hvorki fugl né
fiskur. Ólafur Pétursson, sem lék til
skiptis á tenór-saxófón og harmoniku í
hljómsveitinni, átti hér prýðilega har-
monikusóló.
Virðingarvert og skemmtilegt var af
hljómsveitinni, að koma með nýjar og
frumsamdar útsendingar, sem sumar
hverjar voru fyrirtak.
Næst tilkynnti kynnir komu hljóm-
sveitar Haraldar Guðmundssonar, H. G.
sextettsins frá Vestm.eyjum, og tjáði
hann jafnframt, að þetta væri í fyrsta
skipti, sem hljómsveit utan af landi
kæmi til Reykjavíkur til að leika á jazz-
hljómleikum. Þetta var skemmtileg ný-
breytni og ætti að reyna að fá fleiri
hljómsveitir utan af landi til að taka
þátt í hljómleikum, er kynnu að verða
haldnir í framtíðinni.
Nokkrar myndir frá jazzhljómleikunum.
Skýringar við myndunnm á næstu opnu á undan. Efsta röð: Hijómsveit Björns R. Einarssonar.
Frá vinstri: Árni Elfar, Björn R„ Jón Sigurðsson, Jón Sigurðsson, Vilhjálmur Guðjónsson, Guðm
R. Einarss., Guðm. Finnbjörnss. og Gunnar Ormslev. Jón Sigurðsson leikur sóló. Svavar Gests
kynnir K.K. sextettinn. Frá v.: Kr. Magnússon. Ól. G. Þórhallsson, Kr. Kristjánsson, Jón Sigurðs-
son, Olafur Pétursson og Einar Jónsson. Næsta röð frá v.: Kr. Magnússon leikur einleik á píanó.
Kvartett Eyþórs Þorlákssonar, frá vinstri: Guðm. Steingrímsson, Eyþór Þorláksson, Guðni Guðna-
son og Jón Sigurðsson. Guðmundur R. Einarsson leikur trommusóló. — Neðsta röð, frá vinstri:
Stór hljómsveit með mönnum úr öllum hljómsveitunum. Haukur Morthens, „gcstur kvöldsins“,
syngur. — Hljómsveit Haraldar Guðmundssonar, frá vinstri: Haraldur Guðmundsson, Jón Stein-
grímsson, Guðni Hermansen, Axel Kristjánsson, Gísli Bryngeirsson, Gísli Brynjólfsson og Sig-
urður Guðmundsson, Jón Sigurðsson bassaleikari er í kvartett Eyþórs, en lék einnig með hinum
hljómsveitunum. — Axei lék með Haraldi, en er annars ekki í hljómsveitinni.
28 JazdLU