Árdís - 01.01.1936, Page 17

15
hugi unglinganma frá óhollum félagsskap, en eg ætla ekki að
hafa þetta lengra að sinni.
Foreldrar, mæður! Ef þið reynið a.f fremsta megni að þekkja
og glæða alla þá göfugustu eiginlegleika, sem leynast' í hugskoti
barnanna ykkar, þá vinnið þið með kennurunum að því háleita
starfi, að ihyggja sem öruggastan grundvöll undir Mfshamingju
þeirra. Er það ekki sú hugsjón sem hjarta ykkar þráir allra mest
að geti orðið veruleiki?

Hin dýrlegustu listaverk eru aðeins skuggi ennþá dýrlegri
trúar. iSnild listagáfunnar getur ekki þróast, nema fyrir lotning
þeirrar sálar, sem ann öllu því, sem er fagurt og f'ullkomið, svo
heitt, að hún getur ekki án þess verið og reynir þessvegna að end-
urskapa það í kring um sig. Hvergi annarstaðar en þar, sem
fögnuður er í lífinu, er sú lotning til staðar. Hvergi annarstaðar
en þar sem trú er, þekkist sá fögnuður. B. K.