Árdís - 01.01.1936, Blaðsíða 41

39
Frú Guðrún Bergmann.
Á síðastliðnu ári átti merkiskonan frú Guðrún Thorlacíus
Bergman, ekkja séra Friðriks Bergmans, áttatíu ára afmæli. —
Mintust dætur hennar þess á mjög fallegan hátt með því að bjóða
vinum hennar að heimsækja liana þann dag. Heimsótti hana
mikill fjöldi og margir sendu árnaðaróskir.
Frú Bergman á hlýhug og virðingu allra sem henni hafa kynst
og allra sem þekkja hana af afspurn. Ekki hefi eg borið lán til
þess að kynnast henni persónulega, en sem unglingur dáðist eg að
þessari tígulegu, .rólegu konu sem átti sæti innarlega í Tjaldbúð-
arkirkju. Þíðleiki hennar og látlaus framkoma hjálpaði til þess
að maður fann sig heima í kirkjunni.
Á fyrstu síðu ferðasögu þeirrar er séra Friðrik skrifaði -'r
hann fór skemtiferð heim til íslands um aldamótin standa þessi
orð: “Henni sem heima sat, en var þó samferða með bænum
sínum og blessunaróskum, er þessi ferðasaga með þakklæti og
kærleika tileinkuð.” — Og átján árum síðar er hann aftur lagði
af stað heim mun kærleiki og þakklæti til hennar hafa fylt huga
hans fyrir hvernig hún ávalt stóð við hlið hans “með bænum og
blessunar-óskum.”
Árdís vill votta frú Bergman innilegar blessunaróskir fyrir
hönd allra vestur-íslenzkra kvenna. Guð blessi henni frið æfi-
kvöldsins eftir hinn starfríka dag.
Ingibjörg J. ólafsson