Árdís - 01.01.1949, Síða 9

Ársrit Bandalags lúterskra kvenna
7
Konurnar tóku þessu með þögn kynslóð eftir kynslóð og voru
ánægðar með að slíta út kröftum sínum í skjóli og skugga eigin-
manna sinna. Engin landslög né landsvenjur gátu þó meinað þeim
að hafa sitt áhrifavald í kyrþey. — Áhrif kvenna hafa verið sterk
og víðtæk þó blöð sögunnar segi fátt um slíkt. Stundum voru þau
áhrif allt annað en bætandi. — Við játum það fúslega að bál ófrið-
ar og misskilnings hafa geysað um mannanna bygðir í mörgum
tilfellum fyrir áhrif kvenna. í okkar eigin fornsögum könnumst
við vel við mörg dæmi til að sanna það. Hildigunnur átti sinn
stóra þátt í Njálsbrennu, Guðrún ósvífsdóttir í því að Kjartan
var veginn. — En hitt er satt að áhrif kvenna til góðs eru mikil. t
gegnum alla mannkynssöguna hafa þau verið djúp og undursamleg
þar sem um göfugar konur er að ræða. — Endurtek ég því þá stað-
hæfingu að frá upphafi hefir áhrifavald kvenna verið sterkt afl
á bak við framkvæmdir karlmanna áður en þær vöknuðu til með-
vitundar um að þeim bæri jafnrétti á öllum sviðum og einnig síðar.
Mörgum okkar er það í minni þegar sá tími var að vitskertum
karlmönnum og öllum konum var meinaður réttur til að greiða
atkvæði. Við munum líka hvernig talað var um konurnar, sem börð-
ust fyrir jafnrétti kvenna á því sviði. — Satt er það að stundum
notuðu þær litla dómgreind í aðferðum sínum enda var um þær
talað eins og þær sem voru „óalandi og óferjandi“. Loks var hin
réttmæta krafa veitt. Frelsið í öllum löndum á ýmsum starfssvið-
um hefir aukist ár frá ári — á hinu veraldlega starfssviði stækkar
sviðið árlega. — Konum er leyft að starfa við hlið karlmanna,
þær sönnuðu og sýndu það á stríðsárunum að þeim varð engin
skotaskuld úr að fylla stöður þeirra manna, sem fóru á vígvöll.
Konan hefir tækifæri á því sviði að sýna hvað í henni býr. Hafi
hún einbeittan vilja og hæfileika til að sækja fram er sigurinn vís.
En því miður virðist einnig sem að nú sé opin og auðfær leið fyrir
konuna að hrapa niður ekki síður en karlmennina. Kvenþjóðin þarf
að vakna til meðvitundar um að frelsið er ekki einhlýtt, það frelsi
sem getur orðið þeim sem fjötur um fót. — Konan verður að opna
sál sína fyrir þeim áhrifum sem gefa henni þrek til að halda
merkinu hátt — til að halda áfram upp á við og beita öllu sínu
áhrifavaldi í þá átt. Þeir straumar liggja frá kirkju Krists sem vill
breiða arma sína og býður starfssvið öllum þeim konum sem hún
nær til.