Árdís - 01.01.1949, Blaðsíða 69

Ársrit Bandalags lúterskra kvenna
67
MIKILHÆF KONA HNIGIN í VAL
Með frú Kristjönu Chiswell er hnigin í val stórbrotin og mikil-
hæf kona, er með glæsimensku og styrkum persónuleika svip-
merkti um langt skeið íslenzka mannfélagið vestan hafs; hún var
íríð sýnum og óvenju aðsópsmikil kona; hún bjó yfir margþættum
gáfum og beindi þeim jafnan í
þann farveg, er til heilla horfði;
baráttumálum sínum, svo sem
bindindismálum og viðhaldi ís-
lenzkrar tungu í þessari álfu,
helgaði frú Kristjana óskipta
krafta og hlífði sér lítt.
Frú Kristjana var fædd að
Skálanesi við Seyðisfjörð á að-
fangadag jóla 1862. Voru for-
eldrar hennar Hans Friðrik
Ágúst af þýzkum ættum og
Guðrún ólafsdóttir.
Árið 1886 fluttist frú Krist-
jana vestur um haf og giftist 17.
ágúst 1904 Walter Joseph Chis-
well starfsmanni Canadian
Pacific járnbrautarfélagsins;
hann féll í fyrri heimsstyrjöld-
inni. Frú Kristjana var um langt
skeið búsett á Gimli, en dvaldi nokkur síðustu æviárin í Winnipeg
og þar lézt hún 15. október í fyrra og var jarðsungin að viðstöddu
miklu fjölmenni frá Fyrstu lútersku kirkju þremur dögum síðar
af séra Valdimar J. Eylands.
Frú Kristjana naut ósegjanlegs yndis af ljóðum og var laglega
hagmælt. E. P. J.
Mrs. Krisljana Chiswell