Árdís - 01.01.1956, Page 41

Ársrit Bandalags lúterskra kvenna
39
aldamót er þess víða getið í fundargjörningum, að félagið lánaði
smáupphæðir þeim, sem bágt áttu. — Árið 1895 keypti það dálítinn
bókastofn og myndaði lestrarfélag sín á milli, sem þær nefndu
Morgunstjarnan. Félagskonur starfræktu það sjálfar fyrsta árið
með Kristjönu Þórðarson sem bókavörð. Ári seinna afhenti félagið
það bygðinni til eignar og afnota. Starfaði sá félagsskapur hér við
góðan orðstír í nær 50 ár. Og enn eru bækurnar til ef einhver vildi
lesa þær.
Á fyrstu starfsárum sínum keypti félagið orgel (má vera að
það hafi verið hið fyrsta orgel, sem keypt var á eyjunni); var það
notað við messugjörðir og skemtisamkomur. Nokkrum árum síðar
gaf félagið söfnuðinum orgel.
Á fyrri árum keyptu þær einnig prjónavél til eigin afnota, en
fleiri munu þó hafa notið þar góðs af. Nú eru þessir munir al-
gengir, en þá voru þeir lítt fáanlegir.
Þar sem aðaltekjulind félagsins voru samkomur var lögð áherzla
á að gera þær sem arðvænlegastar. Var oft höfð tombóla, köku-
skurður eða kassasala, og ævinlega vönduð skemtiskrá: ræður,
söngur og sjónleikir. Á gamlárskvöld 1897 var leikinn sjónleikurinn
Nýársnótiin, og ári síðar Sigríður Eyjafjarðarsól, og þar á eftir
margir aðrir sjónleikir. En auðvitað naut félagið samvinnu bygðar-
búa í þessu.
Á fyrstu starfsárum félagsins eða nokkuð fram yfir aldamót
náði hjálpsemi þess aðeins til heimabygðarinnar. Bekkir voru
keyptir í fyrsta skólahúsið, sem bygt var á eyjunni. Fé var gefið
til kirkjunnar, og dálítil upphæð af peningum var gefin í byggingar-
sjóð samkomuhússins. í hinu fyrra og síðara heimsstríði voru
bögglar sendir til hermannanna. Peningar voru sendir til Jóns
Bjarnasonarskóla og Betel, Red Cross og Sunrise Lutheran Camp
nú á síðari árum. En ætíð hefir líknarstarfsemi félagsins gengið
fyrir öllu. Mun óhætt að fullyrða að flestir, ef ekki allir innan bygð-
arinnar, sem orðið hafa fyrir veikindum, eignatjóni eða átt við
önnur bágindi að stríða, hafa notið hjálpar og samúðar kven-
félagsins.
Árið 1937 fékk kvenfélagið inngöngu í Bandalag lúterskra
kvenna. Síðan hafa árlega verið sendir erindrekar á þing Banda-
lagsins, sem komið hafa með fræðandi skýrslur af þinginu félags-
meðlimum til gagns og ánægju. Það sama ár gerði félagið þá
breytingu að halda 10 fundi á ári í staðinn fyrir þrjá. Vil ég líka