Morgunblaðið - 13.01.2009, Blaðsíða 18
18 Daglegt líf
MORGUNBLAÐIÐ ÞRIÐJUDAGUR 13. JANÚAR 2009
Eftir Ágúst Inga Jónsson
aij@mbl.is
YFIR 100 erlendir ferðamenn, flestir
frá alpalöndum Evrópu, hyggjast í
vor stunda skíðamennsku á Trölla-
skaga milli Eyjafjarðar og Skaga-
fjarðar. Bæði verður um venjulega
fjallaskíðamennsku að ræða og þyrlu-
skíðamennsku sem hefur átt vaxandi
vinsældum að fagna síðustu ár.
Markmiðið að búa til gjaldeyri
Jökull Bergmann fjallaleið-
sögumaður stendur fyrir þessum
ferðum og hefur komið upp aðstöðu á
Klængshóli í Skíðadal. Veiking krón-
unnar hefur gert þessar ferðir að
spennandi kosti fyrir útlendinga. Ís-
lenski markaðurinn er hins vegar
„kaldur um þessar mundir vegna
kreppunnar,“ eins og Jökull orðar
það.
„Það þýðir ekkert annað en að
mæta kreppunni og markmiðið er að
búa til gjaldeyri,“ segir Jökull. Hann
hefur undanfarin ár bæði starfað
heima og erlendis og hefur á síðustu
tíu árum aflað sér alþjóðlegra rétt-
inda sem fjallaleiðsögumaður.
Fyrstu fimm árin nýtti hann til að
afla sér reynslu með því að ferðast og
vera á skíðum víða um heim og
stunda fjallamennsku. Síðan tók við
annar eins tími í ströngu prógrammi
með prófum og þjálfun. Jökull hefur
nú, fyrstur Íslendinga, lokið UIAGM-
IFMGA-gráðu í fjallaleiðsögn en yfir
80% brottfall er í því námi.
„Nú er ég kominn með aðsetur á
Íslandi aftur og er að auka umsvifin,“
segir Jökull, sem hefur opnað heima-
síðuna bergmenn.com. „Því er ekki
að neita að íslenski markaðurinn er
frekar kaldur um þessar mundir.
Hins vegar er aukinn áhugi meðal út-
lendinga á ferðum sem eru verðlagð-
ar í krónum og bókanir ganga ágæt-
lega. Ég áætla að í vor komi allt að
150 erlendir ferðamenn til að stunda
fjallaskíðaferðir á Tröllaskaga. Flest
kemur þetta fólk frá Fraklandi, Ítal-
íu, Sviss og Austurríki en einnig
Þýskalandi, Bretlandi og Bandaríkj-
unum að Kanadamönnum ógleymd-
um, sem eru miklir áhugamenn um
fjallaskíðaferðir. Við höfum burði til
að þrefalda þennan fjölda. Það sem
helst gæti hamlað er skortur á fag-
lærðum leiðsögumönnum, en þetta er
sérhæfð þjónusta sem krefst mikils
öryggis. Ég hef flutt inn leið-
sögumenn frá Ölpunum og Kanada
og það kostar sitt,“ segir Jökull.
Vertíðin á Tröllaskaga stendur frá
lokum marzmánaðar og fram í end-
aðan maí. Gert er út frá Klængshóli í
Skíðadal og þar verða nánast sam-
fleytt erlendir hópar við fjallaskíða-
mennsku í þessa tvo mánuði. Þá er
gengið upp á fjallstoppa og síðan
skíðað niður. Síðastliðið vor var gerð
tilraun með þyrluskíðamennsku og
reiknar Jökull með aukningu í þyrlu-
skíðamennskunni í vor.
Tæpar 200 þúsund krónur
Venjuleg vikuferð við fjallaskíða-
mennsku á Tröllaskaga kostar tæpar
200 þúsund krónur íslenskar fyrir út-
lending. Er þá miðað við að hann
komi sér til og frá Akureyri. Verðið
er heldur lægra fyrir Íslendinga, sem
þá kæmu sér að Klængshóli.
Ferðir í þyrluskíðamennsku eru
seldar fjögurra eða átta manna hóp-
um og kostar fjögurra daga ferð í
minni hópnum 6.500 dollara, en 4.500
dollara á mann í stærri hópnum.
Munurinn stafar fyrst og fremst af
betri nýtingu á þyrlunni. Ef ekki viðr-
ar til flugs á fjallið er boðið upp á
skoðunarferð á Mývatn eða sjó-
stangaveiði svo dæmi séu tekin. Slík
aukaafþreying hefur ekki verið í boði
fyrir Íslendinga og er verðið því
nokkru lægra.
Ljósmynd/Alex Klun
Á Tröllaskaga Af Múlakollu milli Dalvíkur og Ólafsfjarðar yfir Eyjafjörð og Hrísey að Látraströnd eða Huldulandi, skagans á milli Eyjafjarðar og Skjálfanda.
Alpafólk skíðar á Tröllaskaga
Hátt í 150 erlendir fjallaskíðamenn eru væntanlegir
að Klængshóli í Skíðadal í vor. Gengið er hagstætt fyrir
útlendinga en íslenski markaðurinn er kaldur. Aukinn
áhugi á þyrluskíðamennsku að sögn Jökuls Bergmann.
www.bergmenn.com
JÖKULL Bergmann ber
sannarlega nafn með rentu,
en hann hefur helgað sig
fjallamennsku og skíðaferð-
um og dvelur stóran hluta
ársins á fjöllum uppi.
„Ég er frá Klænghóli í
Skíðadal og móðir mín, sem
er mikið náttúrubarn,
fannst þetta nafn tilvalið á
strákinn. Fjallamennska
varð snemma í miklu uppá-
haldi hjá mér og síðan
fjallaleiðsögn.
Eftir á að hyggja er nafn-
ið eitthvert besta auglýsingatrix sem um getur og ég fékk upp í hend-
urnar. Í útlöndum þar sem ég vinn mikið tekur talsverðan tíma að út-
skýra hvað ég heiti og hvað nafnið þýðir. Fólki finnst mikið til þess
koma að ég skuli heita Glacier Mountainman.“
Jökull ber nafn með rentu
Ævintýri Þyrluskíðun er seld í fjögurra
eða átta manna hópum.
Ljósmynd/Pihl Marchand
BANDARÍSK könnun sýnir að einn af hverjum
fimm unglingum þar í landi notar farsíma, vef-
myndavélar eða aðra samskiptatækni til að dreifa
ljósmyndum af sér fáklæddum til annarra
(www.thenationalcampaign.org). Í frétt á heilsu-
vef New York Times er haft eftir John Grohol sál-
fræðingi að skýringuna á þessu háa hlutfalli megi
finna í ákveðnum kenningum um að fólk geri og
segi margt á netinu sem það myndi ekki gera aug-
liti til auglitis við fólk. Hann segir unglinga sjálfa
halda því fram að þeir verði framhleypnari og
ágengari með tæknina að vopni. „Það óhugn-
anlega er að flestir svarendur könnunarinnar
voru sammála því að þessi hegðun á netinu gæti
haft mjög neikvæðar afleiðingar, en létu slíkt sem
vind um eyru þjóta. Jafnvel þó að unglingarnir
geri sér grein fyrir að auðveldlega er hægt að
vista og dreifa myndunum víða stoppar það þá
ekki.“
Á vefsíðunni PsychCentral.com má finna
ábendingar til foreldra og unglinga sem vert er að
skoða áður en ýtt er á „send“ og mynd sem gæti
skotið upp kollinum í atvinnuviðtali mörgum ár-
um seinna, látin ferðast milli tölva um allan heim.
Bera sig á netinu
Morgunblaðið/Árni Sæberg
Myndavél Auðvelt er að senda ljósmyndir á milli
síma - en af hverju nektarmyndir?
Ármann Þorgrímsson segir farsæla ævi-sögu sína í fáum línum:
Eins og hinir ungur var ég
af öðrum mönnum, fannst mér, bar ég
undarlegt þó alltaf var
hve illa gekk við stelpurnar.
Seinna góðan sigur vann ég
sveitakonu trausta fann ég
síðan höfum sofið við
í sama rúmi hlið við hlið.
Kristján B. Jónasson vekur athygli á efni
í nýjasta Sóni, en þar eru frumbirtingar á
kvæðum Ólínu Jónasdóttur (1885-1956) sem
Helga Kress sér um. Þar á meðal þetta:
Mér finnst allt svo ömurlegt og einskis virði,
dagar langir, döpur byrði,
dvelji ég ekki í Skagafirði.
Mikil umræða er um ESB þessa dagana,
ekki síst á milli ráðherra í ríkisstjórninni.
Magnús Ólafsson frá Sveinsstöðum orti:
Atkvæðin verða varla mörg
veslast fylgi og deyr.
Með EB tali Ingibjörg
er að drepa Geir.
Hörður Björgvinsson fékk vísu í jólagjöf
frá ellefu ára sonarsyni sínum og rúmlega
alnafna, Herði Fannari Björgvinssyni, og á
merkispjaldinu stóð:
Nú bráðum jólin birtast
í bjartri drottins dýrð,
um hátíð englar hittast
í helgri næturkyrrð.
VÍSNAHORN pebl@mbl.is
Af ESB og ævisögu