Morgunblaðið - 28.02.2009, Page 6

6 FréttirINNLENT
MORGUNBLAÐIÐ LAUGARDAGUR 28. FEBRÚAR 2009
FRÉTTASKÝRING
Eftir Ómar Friðriksson
omfr@mbl.is
STJÓRNARFLOKKARNIR tveir
mælast nú samtals með tæplega 56%
fylgi í fylgiskönnun Capacent Gallup
sem birt var í gær, 37 þingmenn og
öruggan þingmeirihluta ef þetta yrði
útkoma kosninga. „Þetta er merki um
mikla vinstrisveiflu. Hún getur verið
ávísun á áframhald stjórnarsam-
starfsins,“ segir Gunnar Helgi Krist-
insson, prófessor í stjórnmálafræði
við Háskóla Íslands. Þessi mæling á
fylgi flokkanna staðfestir raunar
skýra vinstrisveiflu meðal kjósenda
sem komið hefur í ljós í könnunum
allt frá því í október.
Sigur fyrir Jóhönnu
Að mati Gunnars Helga er mjög at-
hyglisvert við þessa útkomu, að þrátt
fyrir að segja megi að einskonar bylt-
ing hafi átt sér stað í þjóðfélaginu
vegna efnahagskreppunnar, blasir
enn við gamalkunnugt landslag
flokkakerfisins. Yfir 90% þeirra sem
gefa upp afstöðu segjast styðja ein-
hvern flokkanna fjögurra, Framsókn,
VG, Sjálfstæðisflokk eða Samfylk-
ingu.
Nú virðist Sjálfstæðisflokkurinn
vera að braggast eftir mikið fylgis-
hrun sl. haust og fram eftir vetri.
Hann mælist nú með rúm 26%. ,,Ef
hann kæmist yfir 30% mætti líta á
það sem varnarsigur en hann vantar
þó enn töluvert upp á það,“ segir
Gunnar Helgi.
Samfylkingin er hástökkvarinn um
þessar mundir. Bætir við sig nær tíu
prósentustigum frá í janúar og
mælist með 31,1%. Fæstir draga í efa
að vinsældir Jóhönnu Sigurðardóttur
forsætisráðherra eigi stóran þátt í
góðri útkomu Samfylkingarinnar.
Þetta eru mikil umskipti því segja má
að fyrr í vetur hafi kjósendur flokks-
ins tekið til fótanna og var hún komin
niður í 17-19% stuðning í janúar.
„Þetta sýnir að þegar Samfylk-
ingin fór úr stjórnarsamstarfinu var
hún um leið í aðgerð til bjargar sjálfri
sér pólitískt, og átti kannski engra
annarra kosta völ. Sú aðgerð virðist
hafa heppnast. Samfylkingin getur
vel unað við þessa niðurstöðu og auð-
vitað er þetta ákveðinn sigur fyrir Jó-
hönnu Sigurðardóttur,“ segir Gunnar
Helgi.
Vinstrihreyfingin – grænt framboð
tvöfaldaði þingmannatölu sína í könn-
unum í haust og fylgisaukning flokks-
ins fór um tíma yfir 30% undir lok
ársins. Þá lá straumur kjósenda frá
Samfylkingu til VG. Nú virðist hins
vegar blasa við að þetta fylgi sé að
einhverju leyti að skila sér til baka til
Samfylkingarinnar. Við stjórn-
arskiptin kom fljótlega í ljós að fylgi
VG dalaði nokkuð. Flokkurinn mælist
nú með 24,6% og hefur lítið eitt bætt
við sig frá seinustu könnun.
Gunnar Helgi segir þetta þó alveg
prýðilega útkomu fyrir VG. Fram-
sóknarflokkurinn er aðeins á nið-
urleið eftir uppsveiflu í kjölfar for-
ystuskiptanna í janúar og mælist nú
með 12,8%. Og Frjálslyndi flokk-
urinnn fengi engan mann kjörinn á
þing ef litið er á 2,9% fylgi hans nú.
Eftir Alfons Finnsson
Ólafsvík | Fjórir einstaklingar, sem stunda lík-
amsrækt í Sólarsporti í Ólafsvík, hafa stofnað
með sér sjósundsklúbbinn Ottó Árnason. Að
sögn Smára Björnssonar sjósundgarps má rekja
hugmyndina að klúbbnum til þess að sjórinn
blasir við þeim þegar þau stunda líkamsræktina
og þau hafi ekki getað staðist freistinguna.
Spurður um nafnið á klúbbnum segir Smári að
Ottó Árnason hafi fyrr á árum stundað sjósund.
Hann hafi verið fyrsti sundkennarinn í bænum
og því tilvalið að nefna klúbbinn í höfuðið á hon-
um.
Tvær konur fóru með þeim félögum Smára og
Fannari Baldurssyni í sjósund í gær og sögðu
þær stöllur, Margrét Scheving og Jóhanna Jón-
asdóttir, að sundferðin hefði verið svakalega fín
þrátt fyrir að sjórinn væri aðeins tvær gráður.
Sjór og
snjór heilla
Morgunblaðið/
Ókulvísir karlar Þeir Smári og Fannar fóru í snjóbað að sundi loknu. Blessaður vertu, snjórinn er heitur miðað við sjóinn sagði Smári við Fannar.
Stofna sjósundsklúbb í Ólafsvík og nefna Ottó Árnason í höfuðið á fyrsta sundkennaranum í bænum
STÓR hluti kjósenda hefur ekki viljað lýsa stuðningi við ákveðna flokka
eða sagst vera óákveðinn í fylgiskönnunum í vetur. Í könnun Capacent sem
birt var í gær var svarhlutfallið 63,2% af úrtaki könnunarinnar. Sé ein-
göngu litið á þá sem svöruðu í könnuninni, kemur í ljós að 71,5% tóku af-
stöðu til flokka. 12,2% sögðust myndu skila auðu ef kosið yrði nú, 9,9% neit-
uðu að svara og 6,4% sögðust óákveðin.
Gunnar Helgi Kristinsson, prófessor í stjórnmálafræði, segir einkenn-
andi fyrir kannanir í vetur hversu margir kjósendur gefi ekki upp afstöðu
sína. Þetta bendi til að stór hópur fólks sé ósáttur við flokkana.
Allt eins má búast við verulegum sveiflum í könnunum fram að kosn-
ingum. Óvissa er um forystu í bæði Sjálfstæðisflokki og Samfylkingu og
kosningabaráttan vart hafin. Erfitt er að ráða í hvernig flokkarnir munu
spila úr þessari stöðu.
Ósáttir og óákveðnir setja
strik í reikninginn
Morgunblaðið/Golli
Þjóðfélagsólga Óánægja með bankahrunið og afleiðingar þess fyrir heimilin í landinu leiddi til mikilla og fjöl-
mennra mótmæla. Þau hafa augljóslega haft veruleg áhrif á stjórnmálaþróunina í landinu.
Skýr vinstrisveifla
 Yfir 90% lýsa stuðningi við „fjórflokkinn“ þrátt fyrir umrót
í samfélaginu  Samfylking virðist endurheimta fylgi frá VG
13-15 ára 16-20 ára 21-25 ára
www.naestakynslod.is
Vilt þú...
...vera einbeittari í námi?
...geta staðið þig vel í vinnu?
...vera jákvæðari?
...eiga auðveldara með að
eignast vini?
...vera sáttari við sjálfan þig
DALE CARNEGIE
Kíktu á naestakynslod.is og sjáðu hvað aðrir þátttakendur höfðu að segja um þjálfunina
13-15 ára 16-20 ára 21-25 ára
ð
Kynningarfundur verða haldinn:
sunnudaginn 1. mars kl. 16:00
Ármúla 11, 3. hæð.
Æskilegt að foreldrar mæti með þeim
sem fara á námskeið fyrir 13-15 ára.
Næstu námskeið hefjast:
þriðjudaginn 3. mars 13-15 ára
Ólafur Þór Jóelsson er einn
af þjálfurum Næstu kynslóðar.
FYRIR 13-15 ÁRA
KYNNINGARFUNDUR
SUNNUDAGINN 1. MARS KL. 16
@
VIÐSKIPTARÁÐUNEYTIÐ
greiddi verktökum samtals ríflega
12,3 milljónir króna á tímabilinu 24.
maí 2007 til 1. febrúar 2009. Verk-
efnin voru bæði unnin fyrir ráðu-
neytið og ráðherrann.
Aðkeypt vinna ráðningarþjónustu
vegur þar þyngst og er tæpar fjórar
milljónir króna vegna ráðningar níu
starfsmanna. Þýðendum voru sam-
tals greiddar rúmlega 3,1 milljón
vegna 19 verkefna. Þar var þýðing
kauphallarlaga og verðbréfalaga á
ensku dýrust og kostaði rúmlega 1,1
milljón.
Aðkeypt lögfræðiþjónusta nam
tæplega 2,5 milljónum vegna tíu
verkefna. Einnig fengu viðskipta- og
hagfræðingar, verkfræðingar,
tæknifræðingar og arkitektar auk
fleiri sérfræðinga greitt fyrir verk-
efni í verktöku á tímabilinu.
55 verktakar á tímabilinu
Aðalskrifstofa menntamálaráðu-
neytisins greiddi 55 verktökum sam-
tals 9,2 milljónir króna á tímabilinu
frá 24. maí 2007 til 1. febrúar 2009.
Sjö aðilar fengu greitt samtals 1,3
milljónir fyrir tölvu- og forritunar-
þjónustu. Þar af voru Hugsmiðjunni
ehf. greidd 495 þúsund fyrir vefþjón-
ustu og vefhönnun. Fjórir aðilar
fengu samtals 1,7 milljónir fyrir lög-
fræðiaðstoð, mat og vinnslu laga-
frumvarpa. Þar af voru Mörkinni
Lögmannsstofu hf. greidd 787 þús-
und fyrir vinnu við gerð frumvarps
og álitsgerð. Fimm ráðgjafar- og
verkfræðifyrirtæki fengu greiddar
samtals 2,4 milljónir fyrir vinnu við
úttekt á háskólamálum og rekstrar-
formi undirstofnana. Þar af voru fyr-
irtækinu R3-Ráðgjöf ehf. greiddar
1,3 milljónir fyrir ráðgjöf við úttekt á
Hólaskóla.
Ellefu verktakar fengu samtals
greiddar 1,4 milljónir fyrir ýmis
verkefni á sviði kynningar- og skóla-
mála. Einnig voru ellefu verktökum
greiddar samtals 1,3 milljónir fyrir
verkefni sem tengjast starfsmanna-
málum ráðuneytisins. Þá fengu
sautján verktakar greidda samtals
1,1 milljón fyrir þýðingarvinnu.
gudni@mbl.is
Ráðuneyti
leita til fjölda
verktaka
Viðskiptaráðuneytið greiddi 12,3 millj-
ónir og menntamálaráðuneyti 9,2