Morgunblaðið - 28.02.2009, Side 14

14 FréttirINNLENT
MORGUNBLAÐIÐ LAUGARDAGUR 28. FEBRÚAR 2009
FRÉTTASKÝRING
Eftir Andra Karl
andri@mbl.is
SKIPULEGRI vændisstarfsemi er
haldið uppi hér á landi og hætta er á
að starfsemin eflist á næstu miss-
erum, s.s. vegna ástandsins í efna-
hagslífi þjóðarinnar. Fylgifiskur
vændis er mansal og hefur lögregla
rökstuddan grun um að hingað til
lands komi vændiskonur erlendis frá
sem gerðar eru út. Gæsluvarðhald
yfir þrítugri konu, sem grunuð er
um mansal og milligöngu vændis,
rann út í gær.
Í greinargerð lögreglustjóra
vegna máls konunnar kemur fram
að rökstuddur grunur sé um að hún
hafi haft lífsviðurværi sitt af vændi
ungra kvenna „sem hún flytji sér-
staklega hingað til lands gagngert til
slíks athæfis og hún notfæri sér þær
því kynferðislega til nauðung-
arvinnu“.
Verði hún sakfelld verður það í
fyrsta skipti sem dæmt er sam-
kvæmt 227 gr. almennra hegning-
arlaga. Fimm ár eru síðan ákvæði
var sett inn í lögin.
Í mati ríkislögreglustjóra á skipu-
lagðri glæpastarfsemi fyrir árið
2009 kemur fram að mansal sé talið
sú glæpastarfsemi sem er í hvað ör-
ustum vexti um þessar mundir. Ís-
land virðist þó einkum vera gegn-
umstreymisland hvað varðar smygl
á fólki.
Löng leið aðgerðaáætlunar
Jóhanna Sigurðardóttir ræddi um
mansal og vændi á Alþingi í nóv-
ember sl. en þá sinnti hún embætti
félagsmálaráðherra. Minntist hún á
að Bretar, Norðmenn og Svíar hefðu
gert kaup á vændi refsiverð og að
hún óttaðist að þegar nágrannaþjóð-
irnar banni vændiskaup geti það
leitt til þess að vændi á Íslandi auk-
ist og jafnvel að kaupendur leiti
hingað. „Við vitum að miklar efna-
hagslegar þrengingar og bág staða
fjölskyldna getur leitt til þess að
bæði vændi og mansal aukist,“ sagði
Jóhanna en þá svaraði hún fyr-
irspurn um aðgerðaáætlun gegn
mansali.
Í svari sínu sagði Jóhanna starfs-
hóp, sem skipaður var í janúar á síð-
asta ári, vera að ljúka verkinu og að
metnaðarfull og efnismikil tillaga að
aðgerðaáætlun yrði lögð fyrir þing-
heim.
Að sögn Ástu R. Jóhannesdóttur,
félagamálaráðherra, er vinnan á síð-
ustu metrunum. Hún á von á að
starfshópurinn skili jafnvel af sér í
næstu viku. „Það eru mikil verk sem
bíða þingsins fram að kosningum en
ég legg áherslu á að geta komið
henni fyrir þingið.“
Vændiskaup gerð refsiverð
Í aðgerðaáætluninni er gert ráð
fyrir að komið verði upp teymi sem
hafi yfirumsjón með mansalsmálum
á Íslandi. Það á að greina möguleg
fórnarlömb, skrá mál og skipuleggja
fræðslu. Einnig er gert ráð fyrir að
lögreglan verði styrkt til að auka lík-
ur á að lögum verði komið yfir ger-
endur. Liður í því er að eftirlit og
rannsóknir á vændi verði stórefldar.
Þá verður fórnarlömbum tryggð að-
stoð, öruggt skjól og endurhæfing.
Of snemmt er að segja til um
kostnað við aðgerðaáætlunina en
ætla má að hann verði nokkur. Ásta
Ragnheiður vildi sem minnst tjá sig
um áætlunina fyrr en hún fær hana í
hendur.
Fyrir þinginu er einnig frumvarp
Atla Gíslasonar, þingmanns Vinstri
grænna, um vændi. Með því er lagt
til að lögfest verði ákvæði um refsi-
næmi þess að kaupa vændi. Sá sem
greiðir fyrir vændi sætir því sektum
eða fangelsi allt að einu ári, en
tveimur árum ef fórnarlambið er
yngra en átján ára.
Stutt í aðgerðaáætlun
Morgunblaðið/Árni Torfason
Vændi Verði frumvarp Atla Gíslasonar samþykkt verða vændiskaup gerð
refsiverð á Íslandi. Kaupendur geta verið dæmdir í fangelsi í allt að eitt ár.
 Lögregla rannsakar mál þrítugrar konu sem grunuð er um vændi og mansal
 Starfshópur sem skipaður var til að gera aðgerðaáætlun um mansal að ljúka vinnu
STJÓRN Ís-
landshreyfing-
arinnar hefur
samþykkt að
hreyfingin óski
eftir því að ger-
ast aðili að Sam-
fylkingunni sem
eitt af aðild-
arfélögum henn-
ar. Í yfirlýsingu
í gær segir að
hún heiti Samfylkingunni fullum
stuðningi í komandi kosningum.
„Ég hef ekki hug á framboði,“
svarar Ómar Ragnarsson, formað-
ur Íslandshreyfingarinnar, spurð-
ur um framboð. „Ég mun standa
að þessu heilshugar, hef verið í
forsvari fyrir hreyfinguna og
stend við þessa yfirlýsingu eins og
aðrir stjórnarmenn. Hins vegar er
ég í þeirri stöðu að ég verð að líta
til þess hvar ég geri mest gagn
fyrir mínar hugsjónir. Að und-
anförnu hefur kvikmyndagerð mín
liðið fyrir stjórnmálastarfið. Ég er
með sex kvikmyndir um umhverf-
ismál sem eru allar mjög mik-
ilvægar og ég verð að sinna þeim.
Ég mun núna leggja höfuðáherslu
á þann þátt baráttunnar,“ segir
hann.
Vænlegast til ávinnings
Ómar segir það á valdi hvers fé-
laga í Íslandshreyfingunni, hvort
hann gerist félagi í Samfylking-
unni og tekur frekari þátt í starfi
hennar, s.s. í prófkjörum.
Í yfirlýsingu stjórnarinnar er
skorað á fylgismenn Íslandshreyf-
ingarinnar að ljá þessu máli stuðn-
ing sinn og verður málið lagt fyrir
aðalfund hreyfingarinnar sem
allra fyrst.
„Íslandshreyfingin – lifandi land
álítur það vænlegast til ávinnings
fyrir stefnumál hreyfingarinnar að
efla þingstyrk Samfylkingarinnar.
Þetta er niðurstaðan eftir athug-
anir á ýmsum kostum. Ljóst er að
krafta félagsmanna Íslandshreyf-
ingarinnar er þörf til baráttu fyrir
hugsjónum hennar, hvar sem því
verður við komið.“
Vilja aðild
að Samfylk-
ingunni
Ómar segist ekki hafa
hug á framboði í vor
Ómar Ragnarsson
Hvað er mansal?
Mansal er glæpastarfsemi sem
felst í verslun með menn. Í 227. gr.
almennra hegningarlaga segir að
hverjum þeim sem gerist sekur um
að útvega, flytja, hýsa eða taka við
einhverjum sem beittur er eða hefur
verið beittur ólögmætri nauðung,
frelsissviptingu eða hótun í þeim til-
gangi að notfæra sér manneskju
kynferðislega eða til nauðungarvinnu
skuli refsa fyrir mansal með allt að
átta ára fangelsi.
Er vændi löglegt?
Vændi er refsilaust en milliganga
um vændi er ólögleg. Í 206. grein al-
mennra hegningarlaga segir að hver
sá sem hefur atvinnu eða viðurværi
sitt af vændi annarra skuli sæta
fangelsi allt að fjórum árum.
S&S
UNNUR Brá
Konráðsdóttir,
sveitarstjóri í
Rangárþingi
eystra, segir það
vera áfall fyrir
íbúa á svæðinu að
heilbrigðisþjón-
usta verði skert
vegna sparnaðar.
„Ég efast um að
það sé raunveru-
legt hagræði að þessari breytingu,“
segir Unnur Brá en sjúkraflutn-
ingaþjónusta hefur verið skert á
svæðinu. Eins og fram kemur í
Morgunblaðinu í dag hefur Heil-
brigðisstofnun Suðurlands (HSu)
sagt upp sjúkraflutningamönnum í
hlutastarfi. Allir þeir sem hafa
sjúkraflutninga að aðalstarfi halda
hins vegar vinnu. Sjúkraflutningar í
Árnes- og Rangárvallasýslu hafa
verið sameinaðir og verða hér eftir
tveir bílar til taks á Selfossi, en áður
var þriðji bíllinn alltaf til taks á
Hvolsvelli.
Unnur Brá segir lítinn pening
sparast við þessar breytingar, meðal
annars þar sem sjúkrabifreiðar á
Hvolsvelli séu lagðar til af Rauða
krossinum. „Þjónusta við íbúa mun
skerðast mikið en lítill peningur
sparast. Þetta þarf að skoða betur.“
magnush@mbl.is
Efast um
hagræðið
Unnur Brá Kon-
ráðsdóttir
Polarolje
Meiri virkni
Hátt hlutfall Omega 3
fitusýrur
Minn læknir mælir með
Polarolíunni, en þinn ?
Selolía, einstök olía
Gott fyrir:
Maga- og þarma starfsemi
Hjarta og æðar
Ónæmiskerfið
Liðina
Polarolían fæst í:
apótekum, Þín verslun Seljabraut,
heilsuhúsum, Fjarðakaupum,
Fiskbúðinni Trönuhrauni og Melabúð
Vesturröst | Laugaveg 178
S: 551 6770 | www.vesturrost.is
kr. 17.900,-
Harris tvífætur
BÍLAUMBOÐIN taka flest hver
ekki jafnauðveldlega og áður notaða
bíla upp í nýja, ekki síst þá sem eru
með meiri lán áhvílandi en verðmæti
bílsins segir til um. Þeir sölustjórar,
sem rætt var við, segja að hvert tilfelli
sé skoðað fyrir sig og engar nýjar
vinnureglur hafi verið settar um að
taka ekki notaða bíla upp í nýja.
Rúnar H. Bridde, sölustjóri hjá
Ingvari Helgasyni, segir þetta fara
eftir því um hvaða bíl er að ræða. Sé
svo mikið áhvílandi að lánið sé vel yfir
markaðsvirði borgi sig ekki að taka
það lán yfir.
„Þetta fer eftir verðgildi bílsins og
ástandi. Eins og allir vita hefur hægt
á sölu bíla og því er ekkert óeðlilegt
við að menn vandi betur valið varð-
andi uppítökur. Við skoðum hvert til-
felli fyrir sig. Í ljósi ástandsins hefði
það verið ábyrgðarhluti að endur-
meta ekki okkar vinnubrögð. Við tök-
um eftir sem áður öllum bíleigendum
fagnandi sem eru að spá í viðskipti,“
segir Rúnar.
Hann segist finna fyrir auknum
áhuga fólks á bílaviðskiptum. Þótt
sölutölur hafi ekki hækkað verulega
sé meira um fyrirspurnir en áður.
Fólk sé orðið bjartsýnna og ágæt sala
hafi verið í notuðum bílum.
Undir þetta tekur Kristinn G.
Bjarnason hjá Toyota. Salan hafi
glæðst. Um uppítökur segir Kristinn
að Toyota-bílar komi alltaf til greina
en aðrar tegundir séu skoðaðar í
hverju tilviki fyrir sig. Sé lánið hærra
en verð bílsins þurfi viðkomandi að
greiða þann mismun. bjb@mbl.is
Vanda betur
valið á uppítöku