Morgunblaðið - 28.02.2009, Síða 26

26 Daglegt líf
MORGUNBLAÐIÐ LAUGARDAGUR 28. FEBRÚAR 2009
Eftir Kristínu Heiðu Kristinsdóttur
khk@mbl.is
Ég er enginn kennari, égbara sit þarna með þeimog reyni að leiðbeina meðþað sem ég get. Allir sem
eru sextíu ára og eldri eru velkomnir
þrjá fimmtudaga í hverjum mánuði í
Bergholt, þar sem við dundum okk-
ur við hverskonar handverk,“ segir
Ragnhildur Magnúsdóttir í Gýgjar-
hólskoti í Biskupstungum en hún
hefur leiðbeint eldri borgurum í
sveitinni með að tálga í tré und-
anfarin þrjú ár. „Það er mesta furða
hvað fólk er duglegt að koma, en fé-
lagslegi þátturinn er það sem mestu
máli skiptir. Þessir handverksdagar
eru fyrst og fremst tilefni til að hitt-
ast,“ segir Ragnhildur og bætir við
að enginn sé neyddur til að gera eitt
eða neitt. „Sumir koma með prjón-
ana sína, aðrir skera út og einhverjir
eru bara að spjalla.“
Hef ekki nennt að
gera neitt annað síðan
Ragnhildur er sjálfmenntuð í tálg-
un en hefur náð góðum árangri og
haldið nokkrar sýningar á verkum
sínum hingað og þangað, eins og hún
orðar það sjálf. „Ég fékk mína fyrstu
kennslu í tálgun hjá Guðmundi bróð-
ur mínum fyrir um áratug, þegar
hann hélt námskeið ásamt Skóg-
ræktinni hér í Haukadal sem kall-
aðist „Lesið í skóginn og tálgað í
tré“. Guðmund vantaði nemendur og
ég fórnaði mér. Ég bjóst alls ekki við
að gera neitt meira með þetta. En
raunin varð sú að ég snarféll fyrir
þessu og hef ekki nennt að gera neitt
annað síðan,“ segir Ragnhildur og
hlær. Guðmundur bróðir hennar er
handavinnukennari og húsasmiður
og hefur sótt námskeið til útlanda,
m.a í tálgun. „Hann vildi gjarnan út-
breiða boðskapinn og margir hafa
notið góðs af því, meðal annars
Helga systir okkar sem er líka af-
kastamikil í að tálga í tré.“
Lurkbútar eru bestu gjafirnar
Ragnhildur segist þurfa að hafa
ákveðin verkefni til að setja í hendur
þeirra sem koma til hennar á fyrr-
nefnda handverksdaga og nú í vetr-
arbyrjun datt henni í hug að láta þau
tálga manntafl. „Þetta er auðvitað
eins og hvert annað samvinnuverk-
efni, þó fólk hafi tálgað mismunandi
marga taflmenn. Ég lagði upp með
það að hafa útlit taflmannanna frá
víkingatímanum og þetta hefur tek-
ist vel til,“ segir Ragnhildur og bæt-
ir við að nú þegar verkinu sé lokið,
hafi taflið fína verið formlega afhent
Félagi eldri borgara í sveitinni.
Sölubúð hjá Rönku í sumar
Taflmennirnir eru tálgaðir í ölur,
viðartegund sem Ragnhildur segir
mjög gott að tálga í. „Ölur er ynd-
islegur viður, það besta sem ég fæ í
hendurnar. Þetta er mjúkur og góð-
ur viður en samt þéttur og fínn. Am-
erískt linditré er líka tiltölulega auð-
velt að tálga í, sem og birki. En
lurkbútur af ölri er það besta sem ég
fæ.“
Ragnhildur er hógvær og vill ekki
gera mikið úr eigin hæfileikum í
tálguninni en þó nefnir hún eina
konu sem kann vel að meta verkin
hennar. „Sunneva Hafsteinsdóttir
hjá Handverki og hönnun telur sig
hafa uppgötvað mig og fyrir hennar
tilstuðlan hef ég haldið sýningar,“
segir Ragnhildur sem tálgar að-
allega dýr og fólk. Tálgunin á hug
hennar allan eins og fyrr segir og í
haust kom hún sér upp góðri vinnu-
aðstöðu. „Ég setti upp lítið hús
hérna á hlaðinu sem ég kalla kotið
mitt. Ég er þar alltaf þegar ég get. Í
sumar ætla ég að setja skilti niður
við veg svo þeir sem eiga leið hér um
geti litið við hjá Rönku í Kotinu og
þá hef ég þetta sem sölubúð í leið-
inni,“ segir Ragnhildur en fólk hefur
gjarnan keypt hluti af henni til gjafa.
Ölur er yndislegur viður
Hún unir sér best í litla húsinu úti á hlaði, þar sem hún tálgar í tré. Þar er hún umvafin skepnum og fólki sem hún hefur
skapað úr mjúkum viði. Eldri borgarar sveitarinnar hafa í vetur verið að tálga taflmenn undir leiðsögn Rönku í Kotinu
Stolt Ranka í Kotinu sínu með fullbúið manntaflið sem hún vann í samvinnu
við eldriborgara í sveitinni.
Fólk og aðrar skepnur Hér má sjá
nokkrar kindur, hesta og fólk sem
Ranka hefur skapað úr tré.
Vígalegir Nokkrir taflmannanna,
víkingar í vígahug.
Morgunblaðið/Sigurður Sigmundsson
Fákar Þeir eru áfáir hestarnir sem Ranka hefur
tálgað í tré og hér má sjá nokkra þeirra.
Nú bjóðum við allra síðustu sætin í tveggja vikna ferð til
Kanarí um páskana. Bjóðum frábært sértilboð á Doratea
íbúðahótelinu, Turbo Club
Apartments og á Hotel Eug-
enia Victoria. Gríptu tækifærið
og njóttu lífsins á þessum
vinsæla áfangastað um
páskana á ótrúlegum kjörum.
Skógarhlíð 18 • sími 595 1000 • www.heimsferdir.is
Kanarí
1. - 15. apríl
frá kr. 139.990
Allra síðustu sætin í páskaferð!
Verð kr. 179.990
Vikuferð með hálfu fæði****
Netverð á mann, m.v. gistingu í tvíbýli
með hálfu fæði á Eugenia Victoria í 14
nætur.
Sértilboð 1.-15. apríl.
Verð kr. 169.990
2 vikur með allt innifalið
Netverð á mann, m.v. 2 fullorðna og
2 börn, 2-11 ára, í íbúð á Turbo Club
Apartments með allt innifalið í 14 nætur.
Sértilboð 1.-15. apríl.
Verð m.v. 2 fullorðna kr. 189.990.
Verð kr. 139.990
2 vikur
Netverð á mann, m.v. 2 fullorðna og
2 börn, 2-11 ára, í íbúð með
2 svefnherbergjum á Dorotea í 14 nætur.
Sértilboð 1.-15. apríl.
Munið Mastercard
ferðaávísunina
Birt með fyrirvara um prentvillur. Heimsferðir áskilja sér rétt til leiðréttinga á slíku.
Ath. að verð getur breyst án fyrirvara.
Frábær páskasértilboð
Turbo Club, Dorotea íbúðir,
og Hotel Eugenia Victoria