Morgunblaðið - 09.05.2009, Side 8

8 FréttirINNLENT
MORGUNBLAÐIÐ LAUGARDAGUR 9. MAÍ 2009
FRÍSTUNDAMIÐSTÖÐIN Kampur
stendur fyrir listasýningu í Ráðhúsi
Reykjavíkur um helgina. Sýningin,
sem opnuð verður kl. 12 í dag, er
tileinkuð Barnasáttmála Samein-
uðu þjóðanna. Börn og unglingar á
frístundaheimilum og félagsmið-
stöðvum Kamps hafa unnið út frá
sáttmálanum og á sýningunni
„Réttindi mín“ verður afrakstur
þeirrar vinnu til sýnis, m.a. fjöl-
skyldumyndir sem börnin teiknuðu,
ljósmyndaveggspjöld, veggteppi,
leirlistaverk og stuttermabolir.
Listsýning Kamps í
Ráðhúsinu opnuð
ALLA næstu viku, 11. – 15. maí,
býður Ferðafélag Íslands upp á
gönguferðir fyrir barnafólk með
barnavagna og kerrur. Með þeim er
ætlunin að gefa ungu fólki með
ungabörn í vagni tækifæri á að
sýna sig og sjá aðra í skemmti-
legum gönguferðum. Lagt verður
upp frá ýmsum stöðum á höfuð-
borgarsvæðinu kl. 16 og gengið í
um hálfa aðra klukkustund.
Ætlunin er að fara um Elliðaár-
dal, Öskjuhlíð, Heiðmörk, Foss-
vogsdal og út á Gróttu. Á göngu-
ferðinni, í upphafi hennar og enda
verða laufléttar og stuttar æfingar/
upphitun/teygjur. Þátttaka er
ókeypis – allir velkomnir. Nánari
upplýsingar gefur Páll Guðmunds-
son í síma 895-4510.
Morgunblaðið/Golli
Á göngu Í Elliðaárdal eru góðir
göngustígar til að vera með vagna.
Gengið með vagna
HEKLA frumsýnir víða um land í
dag sjöttu kynslóð af Volkswagen
Golf. Golf var m.a. á dögunum út-
nefndur „Heimsbíll ársins 2009“.
Volkswagen Golf fæst nú með
TSI bensínvél sem hlaut „Al-
þjóðlegu vélarhönnunarverðlaunin
2008“. Vélin þykir setja ný viðmið í
sínum flokki með auknu afli ásamt
mun betri eldsneytisnýtingu.
Meðal nýjunga í Golf eru hnéloft-
púðar, sérstakir hliðarloftpúðar og
öryggisviðvörun fyrir beltanotkun
aftursætisfarþega.
Nýr Golf sýndur
STUTT
Mistök í niður-
lagi greinar
Í MORGUNBLAÐINU í gær birtist
grein eftir Egil Örn Gunnarsson. Við
vinnslu greinarinnar breyttist nið-
urlagið. Þar stóð: „Því miður hræða
spor undanfarinna ára ýmsa frá hinu
frjálsa atvinnulífi.“ Þar átti hins veg-
ar að standa: „Lokapunkturinn er sá
að hátekjuskattur er og verður alltaf
vinnuletjandi.“ Beðist er afsökunar á
mistökunum.
Rangt föðurnafn
Í MYNDATEXTA í blaðinu í fyrra-
dag um dans barna í Laugarnesskóla
var farið rangt með föðurnafn Níelsar
Einarssonar danskennara. Beðist er
velvirðingar á mistökunum.
LEIÐRÉTT
TÓNLISTARSAFN Íslands verður
opnað formlega á Kópavogsdögum
í dag kl. 16. Tónlistarsafnið er til
húsa við Hábraut 2 í Kópavogi. Því
er ætlað að vera þjónustu-, fræðslu-
og miðlunarsetur fyrir tónlist.
Gunnar I. Birgisson bæjarstjóri og
Katrín Jakobsdóttir mennta-
málaráðherra flytja ávörp.
Nýtt tónlistarsafn
FRÉTTASKÝRING
Eftir Ágúst Inga Jónsson
aij@mbl.is
VERÐ á karfa hefur verið
óvenjuhátt á fiskmörkuðum und-
anfarið. Dæmi eru um að hærra
verð hafi fengist fyrir karfann held-
ur en fyrir þorskinn. Aðeins lítill
hluti af karfakvótanum fer á mark-
aði því stóru útgerðar- og fisk-
vinnslufyrirtækin eru með stærstan
hluta kvótans og vinna aflann í
frystihúsum eða vinnsluskipum og
flytja sjálf út. Hjá HB Granda feng-
ust þær upplýsingar að karfaverð
hefði verið nokkuð stöðugt í vetur
þegar til lengri tíma væri litið.
„Þeir voru að gantast með það,
kallarnir hérna, að gullkarfinn bæri
sannarlega nafn með rentu,“ sagði
Gunnar Bergmann Traustason hjá
Fiskmarkaði Íslands í Ólafsvík.
Hann sagðist ekki muna eftir karfa-
verðinu hærra en það hefði verið
undanfarna mánuði. Í nýliðnum
aprílmánuði var selt 261 tonn af
karfa á öllum fiskmörkuðum og var
meðalverðið 198 krónur á kíló. Í
apríl í fyrra voru seld 390 tonn á
mörkuðunum og þá var með-
alverðið 51 króna.
„Fyrir ári voru menn í vandræð-
um með karfann og kílóið fór allt
niður í 20 krónur. „Þetta er mikil
breyting,“ sagði Gunnar Berg-
mann. Í þessari viku hafa fengist
um og yfir 260 krónur fyrir karfann
þegar algengt verð á þorski var 170
krónur. Í vikunni fékkst 254 króna
meðalverð á kíló í Englandi, en seld
voru tvö tonn sem flutt voru út í
gámi.
Langt komið með að
veiða karfakvótann
„Það hefur fengist ótrúlega hátt
verð fyrir karfann innanlands í tals-
vert langan tíma,“ segir Björn Jóns-
son hjá LÍÚ. Auk stóru togaranna
eru minni trollbátar á karfa og
„fleiri fá smotterí af karfa“, eins og
Björn orðaði það. Karfakvóti fisk-
veiðiársins var skertur um 7 þúsund
og er langt komið með að veiða 50
þúsund tonna kvóta ársins og þau 9
þúsund tonn sem flutt voru frá síð-
asta ári. Síðan er heimilt að fara 5%
fram yfir. Björn áætlar að í mesta
lagi sé eftir að veiða um átta þúsund
tonn það sem eftir lifir fiskveiðárs-
ins. Í lok apríl í fyrra var búið að
veiða 37 þúsund tonn af karfa, en
um síðustu mánaðamót var karfa-
aflinn orðinn 54 þúsund tonn.
„Í fyrra var mjög hátt verð á
þorski og fleiri tegundum og menn
lögðu sig nánast ekkert eftir karf-
anum. Þá var verðið lágt á honum,
en á sama tíma var olíuverðið mjög
hátt. Núna hefur þetta snúist við.
Verðið á karfa hefur haldist en
þorskurinn hefur lækkað verulega,“
segir Björn.
Þróun til lengri tíma
frekar en mánaðarsveiflur
„Í raun er sögulega lítið eftir að
veiða af karfa á fiskveiðiárinu miðað
við að í hönd fer sá tími, sem venju-
lega hefur mest verið veitt af karf-
anum,“ segir Svavar Svavarsson,
markaðsstjóri HB Granda, en fyr-
irtækið er með um þriðjung karfa-
kvótans. Reikna megi með litlu
framboði næstu mánuði þar sem
búið sé að veiða um 90% kvótans.
Gullkarfi og djúpkarfi verða frá
og með næsta fiskveiðiári aðskildir í
kvóta, þannig að sérstakur kvóti
verður gefinn út fyrir hvora tegund.
Lítill munur er á afurðum þessara
tegunda og í Evrópu er ekki gerður
mikill greinarmunur á vörunni.
Japanar vilja hins vegar frekar
djúp- og úthafskarfa því hann er
rauðari.
Spurður um verð á karfamörk-
uðum á meginlandi Evrópu segir
Svavar verðið hafa verið tiltölulega
stöðugt en það fari nú hækkandi.
„Ég vil frekar miða við þróun til
lengri tíma heldur en mánaðar-
sveiflur,“ segir Svavar. „Það sem
fer á fiskmarkaði þegar um lítið
magn er að ræða gefur misvísandi
skilaboð og endurspeglar frekar
ákveðinn skort á vörunni.“
Gullkarfi hefur borið nafn
með rentu að undanförnu
 Hærra verð fyrir karfa en þorsk á mörkuðum  Lítill hluti fer á uppboðsmarkaði
 Markaðsstjóri HB Granda segir verð erlendis hafa verið stöðugt en fara hækkandi
&'
 
 


 




 



   
    

Morgunblaðið/Ómar
Verðmætur Hátt verð hefur fengist fyrir karfa á mörkuðum undanfarið en lítið
magn er boðið upp innanlands. Karfakvóti fiskveiðiársins er langt kominn.