Morgunblaðið - 09.05.2009, Síða 23

Fréttir 23ÚR BÆJARLÍFINU
MORGUNBLAÐIÐ LAUGARDAGUR 9. MAÍ 2009
Háskólastarfsemi teygir anga sína
víða og í Rangárþingi ytra má nú
merkja slíka starfsemi að minnsta
kosti í einhverjum mæli um þessar
mundir, bæði í Gunnarsholti og á
Leirubakka.
  
Að Leirubakka í Landsveit dvelur
nú norskur hópur frá Háskólanum í
Stafangri í hálfan mánuð við nám
og mun taka próf í greininni áður
en haldið verður heim á leið. Þetta
eru 9 nemendur og 3 prófessorar.
Námsefnið er „Vikingtid og tidlig
rikssamling“.
  
Þetta er tilraunaverkefni unnið í
samstarfi norska háskólans, ferða-
þjónustunnar og Lærdómsseturs-
ins á Leirubakka og ef vel tekst til
gæti orðið aukning á þessu næsta
vetur og síðar. Þá verður þetta
hluti af ákveðnu námi sem stundað
er við háskólann, það gæti hugs-
anlega náð til fleiri námsgreina, svo
sem jarðfræði, orkugreina ofl.
  
Lærdómssetrið á Leirubakka er
fræðasetur sem var stofnað til að
beita sér fyrir rannsóknum á því
hvernig Ísland byggðist í öndverðu
og hvernig mannlíf og þjóðfélag
mótaðist í þeirri deiglu fólks af
ólíkum uppruna sem hér kom sam-
an og tókst á við nýjar aðstæður.
Ísland er síðasta land Evrópu sem
byggðist og óvenju miklar heim-
ildir eru til um landnámið og fyrstu
búsetu manna í landinu. Lærdóms-
setrið á samstarf við háskóla- og
fræðastofnanir víða um heim.
Stjórn þess er skipuð háskólafólki
frá nokkrum löndum. Formaður
stjórnar er Gísli Sigurðsson pró-
fessor.
  
Á vegum lærdómssetursins fer síð-
an fram ráðstefna fyrstu helgina í
júní, um sögu og skrif Þormóðar
Torfasonar, Tormod Torfæus, (27.
maí 1636 – 31. janúar 1719) sem var
sagnaritari og fornritaþýðandi sem
bjó mestanpart ævi sinnar í Nor-
egi. Hann var sonur Torfa Erlends-
sonar sýslumanns á Stafnesi og
Þórdísar Bergsveinsdóttur prests á
Útskálum. Hann fæddist í Engey.
Þormóður hefur verið kallaður
„faðir norskrar sagnfræði“, fyrir
hið stóra rit sitt um sögu Noregs.
Ráðstefnan fer fram á ensku.
  
Í Gunnarsholti var fyrir skömmu
stofnað formlega rannsókna- og
fræðasetur Háskóla Íslands. Setrið
er til húsa í Frægarði en þar er auk
starfsemi Landgræðslunnar er lýt-
ur að rannsóknum, öflun land-
upplýsinga og fræverkun, skrif-
stofa Hekluskóga, alþjóðlegi
Landgræðsluskólinn frá Landbún-
aðarháskóla Íslands og skrifstofa
skógarvarðar Skógræktar ríkisins
á Suðurlandi.
  
Við sama tækifæri bauð Land-
græðslan í samstarfi við Háskóla-
félag Suðurlands til ráðstefnu í
Gunnarsholti, þar sem fjallað var
um evrópskt rannsókna- og styrk-
jaumhverfi og möguleika fyrir Ís-
lendinga að sækja um styrki.
Markmið ráðstefnunnar var að
kynna fyrir fulltrúum allra rann-
sóknamiðstöðva á Suðvesturlandi
og fulltrúum sveitarfélaga, þá
möguleika sem felast í styrkjakerfi
Evrópusambandsins.
  
Landgræðsluskólinn er að hefjast á
ný, en undanfarin tvö ár hafa Há-
skóli Sameinuðu þjóðanna, Land-
búnaðarháskóli Íslands og Land-
græðsla ríkisins unnið saman að
þróunarverkefni þar sem nemum
er boðið að leggja stund á land-
græðslufræði á Íslandi og læra af
reynslu landans í baráttunni við
jarðvegseyðingu.
  
Háskóli Sameinuðu þjóðanna stóð í
vetur fyrir ítarlegri úttekt á verk-
efninu og fengu íslensku aðilarnir
mjög góða umsögn. Nú er þriðji
nemendahópurinn kominn til lands-
ins og býr sig undir hálfs árs náms-
dvöl. Þetta eru nemar frá Mong-
ólíu, Úsbekistan, Ghana, Úganda
og Eþíópíu.
HELLA
Óli Már Aronsson, fréttaritari
Morgunblaðið/Óli Már Aronsson
Allir saman Norski háskólahópurinn með heimafólki á Leirubakka.
Bjarni Stefán Konráðsson svararvísnagátu Péturs Stefánssonar
frá því í gær:
Skýt ég á að skotti því
sé skipt í fjóra parta;
það bærist hvers manns brjósti í
og beri nafnið hjarta.
Fyrirsögn fréttar á Mbl.is í lið-
inni viku var: „Maðurinn sem féll á
batavegi“. Davíð Hjálmar Haralds-
son velti þessu fyrir sér:
Launhált reyndist lífsins svell
á ljúfum, hlýjum degi;
Mogginn veit um mann sem féll
mitt á batavegi.
Jón Ingvar Jónsson rýnir í þróun
verðlags á Fróni:
Á Íslandi fokdýrt er flest
en finnst mér þó ranglætið mest
hvað bensínið hækkar
en buddgettið lækkar.
Ég held að ég fái mér hest.
Á vefsíðu Baggalúts má lesa
blogg þjóðskáldsins Jónasar Hall-
grímssonar, eins og fram kom hér í
gær, svo sem þegar hann gleymdi
að sækja um listamannalaunin. Þar
er vísa undir yfirskriftinni: „Af
óafturkræfu hrekkleysi íslenskra
auðjöfra á alþjóðavettvangi“:
Vér auðmenn á svakalegt svall fórum,
þar svignuðu borð undan hnallþórum.
Þar menn höfðu mætur
og misjafnar gætur
á auðveldum íslenskum karlhórum.
VÍSNAHORN pebl@mbl.is
Af Jónasi og blogginu
Fáðu fréttirnar
sendar í símann þinn
Ferðaskrifstofa
Leyfishafi
Ferðamálastofu
Síðumúli 2 · 108 Reykjavík · s. 5702700
Á F E R Ð U M L A N D I Ð
M E Ð F E R Ð A Þ J Ó N U S T U B Æ N D A
Bæklingurinn fæst á næstu þjónustustöð N1
og á upplýsingamiðstöðvum.
ritt
ó
d st s
ú
g
Á
r
u
ðie
h
n
g a
R
-
r
ö
pSwww.sveit.is