Morgunblaðið - 30.05.2009, Blaðsíða 35

Minningar 35
MORGUNBLAÐIÐ LAUGARDAGUR 30. MAÍ 2009
Það eru liðin meira en 35 ár síðan
ég kom fyrst í sveit til Sigurðar
frænda í Bjálmholti. Minningarnar
eru margar og ljúfar. Ég man til
dæmis þegar ég fékk að sitja klofvega
á húddinu á gamla grána hjá frænda
og við gerðum að gamni okkar því
alltaf var stutt í grínið og stríðnin
aldrei langt undan. Á hverju kvöldi
fórum við Borghildur í herbergi
frænda til að bjóða góða nótt. Borg-
hildur skrifaði þá niður þegar sauð-
burður stóð yfir hvaða ær voru born-
ar og hversu mörg lömbin voru,
hrútar eða gimbrar. Frændi þekkti
allar ærnar með nafni þótt fjöldinn
skipti hundruðum. Fjárgleggri
manni hef ég aldrei kynnst. Frændi
hvatti mig óspart til að lesa bækur
sínar og það gerði ég með mikilli
ánægju. Ég las stundum langt fram á
nætur, vaknaði þar af leiðandi seint á
morgnana og fékk aldrei skammir
fyrir, því frændi sagði að börn sem
væru að vaxa þyrftu að hvílast. Hann
hafði sína skoðun á þjóðmálum og
menningu og gátum við skeggrætt
þau mál nú í seinni tíð fram og aftur.
Við hjónin og börnin okkar höfum
verið þeirrar ánægju aðnjótandi að
vera með sælureit í túnfætinum í
Bjálmholti. Það hefur verið okkur
ómetanlegt og kann ég þeim systk-
inum í Bjálmholti mínar bestu þakkir
fyrir það. Sigurður frændi kvaddi
þennan heim á 18 ára afmælisdegi
sonar míns, Sigurðar Borgþórs.
Borghildur mín, missir þinn er mest-
ur. Þau voru sjö sem bjuggu í Bjálm-
holti þegar þú fæddist og nú ert þú
ein eftir. Megi guð styrkja þig á þess-
um erfiðu tímum.
Þig skal ekki þrauta vé,
þig á setja beisli.
Láttu sem að lífið sé,
ljúfur sólargeisli.
(S.B.M.)
Magnús Sigurðsson.
Elsku Sigurður frændi. Það er með
söknuði sem við kveðjum þig í dag en
líka með þakklæti fyrir að hafa fengið
að njóta samverunnar með þér fram
að þessu.
Minningarnar eigum við eftir
margar og góðar alveg frá barnæsku.
Alltaf vildum við systkinin fá að fara
með þegar farið var í Bjálmholt, þar
var alltaf tekið svo einstaklega vel á
móti okkur.
Þegar við stækkuðum og fórum að
geta hjálpað til tókum við þátt í bæði
smalamennskum og heyskap í Bjálm-
holti eins og aðrir í Raftholti en mikil
og góð samvinna hefur verið á milli
bæjanna alla tíð. Ekki var rekið sam-
an fé til rúnings eða smölun að hausti
í Raftholti nema Sigurður og Borg-
hildur kæmu þar að verki og alltaf
fylgdi því mikil tilhlökkun hjá okkur
krökkunum. Sigurður var mikill fjár-
maður og hugsaði einstaklega vel um
allar skepnur. Hann hafði líka alla tíð
mikið yndi af hestum og hesta-
mennsku. Þótt hann hafi ekki komist
á hestbak á seinni árum stundaði
hann alltaf ræktun af miklum áhuga.
Hann efldi áhuga okkar systkinanna
á hestamennskunni og þau Borghild-
Sigurður Karlsson
✝ Sigurður Karls-son fæddist í
Bjálmholti í Holtum
24. september 1928.
Hann lést á Heilbrigð-
isstofnun Suðurlands
á Selfossi miðviku-
daginn 20. maí sl.
Foreldrar hans voru
hjónin Kristín Ólafía
Sigurðardóttir frá
Bjálmholti, f. 26.4.
1896, d. 1.9. 1974, og
Jón Karl Ólafsson frá
Austvaðsholti, f.
20.12. 1898, d. 17.7.
1969. Systir Sigurðar
er Borghildur Sjöfn, f. 12.6. 1937 í
Bjálmholti.
Sigurður bjó allan sinn aldur í
Bjálmholti og stundaði þar búskap.
Útför Sigurðar verður gerð frá
Marteinstungukirkju í Holtum í
dag, 30. maí, kl. 14.
Meira: mbl.is/minningar
ur gáfu okkur öllum
trippi í fermingargjöf.
Sigurður vildi alltaf
fylgjast með hvað við
værum með á járnum
og hvatti okkur áfram í
því sem við vorum að
gera.
Oft var farið ríðandi
í Bjálmholt, hvort
heldur var til að taka
þátt í bústörfunum eða
til að kíkja í heimsókn.
Margar skemmtilegar
stundir höfum við átt
við kaffiborðið í Bjálm-
holti en þar var oft
glatt á hjalla, spjallað um liðna tíma,
landsins gagn og nauðsynjar og gert
að gamni sínu.
Á þessari stundu er okkur efst í
huga að þakka Sigurði samfylgdina
og alla þá hlýju og vináttu sem hann
sýndi. Minningin um hann er okkur
fjársjóður á ókomnum árum. Við ósk-
um honum blessunar í nýjum heim-
kynnum.
Guð blessi Borghildi frænku okkar
og gefi henni styrk, betri bróður gat
hún ekki átt.
Systkinin frá Raftholti,
Ágústa, Sigurjón,
Guðrún og Valdimar.
Út á hafsins hulduleiðir
horfi ég með draumaþrá.
Þegar sólin bros sitt breiðir
bjartan öldufaldinn á,
fegurð himins hugann seiðir
heim til ljóssins jörðu frá.
(Ingibjörg Sigurðard. frá Bjálmholti)
Þetta ljóð Ingibjargar, Minnu,
ömmusystur okkar, viljum við fá að
láni til að kveðja kæran frænda okkar
og vin, Sigurð í Bjálmholti. Við þökk-
um honum fyrir samfylgdina en frá
því við munum fyrst eftir okkur voru
fjölskylduferðir í Bjálmholt með
mömmu og pabba fastur liður í til-
veru okkar. Ferðirnar þangað voru
ófáar, ýmist í heimsókn eða til að
keyra eða sækja Magga bróður sem
alltaf hefur átt sér þar dýrmætt at-
hvarf.
Sigurður var systursonur ömmu
okkar og bjó alla tíð í Bjálmholti með
fjölskyldu sinni, síðustu árin með
Borghildi systur sinni.
Sigurður var með eindæmum ljúf-
ur og hafði rólega og þægilega nær-
veru. Málrómur hans var þýður og
aldrei heyrði maður hann hækka
róminn. Alltaf var gott að koma í
Bjálmholt og sitja og spjalla um allt
milli himins og jarðar. Sigurður hafði
gaman af þjóðfélagsumræðu og kom
oft með hnyttin tilsvör sem vöktu kát-
ínu.
Við erum þakklát fyrir að hafa
fengið að kynnast þessum ljúflingi og
vottum elsku Borghildi frænku okkar
innilegustu samúð um leið og við biðj-
um góðan Guð að blessa minningu
Sigurðar í Bjálmholti.
Sesselja Ásgeirsdóttir,
Guðrún Sigurðardóttir,
Ásgeir Sigurðsson,
Ingunn Sigurðardóttir,
Helga Sigurðardóttir
og fjölskyldur.
Í Bjálmholti í Holtum býr greiðvik-
ið, gestrisið og gott fólk sem alltaf
hefur verið talað hlýlega um af sveit-
ungum mínum. Svo er einnig á mínu
heimili á Fosshólum – þótt aldrei
kynntist ég fólkinu í Bjálmholti sjálf-
ur fyrr en ég fór að vinna að útgáfu á
lögum Ingibjargar Sigurðardóttur,
sem þar bjó. Ingibjörg var móður-
systir Sigurðar og Borghildar sem
þar bjuggu líka. Og í dag kveðjum við
Sigurð, eftir að hann hafði verið mikið
veikur og ég veit að hann var hvíld-
inni feginn.
Sigurður var skemmtilegur maður
og varð fljótt í hópi minna vina. Hann
var áhugasamur og hvetjandi vegna
útgáfunnar og alla tíð síðan. Hann gat
sagt frá mörgu frá liðnum dögum og
það var alla tíð mjög gott að koma að
Bjálmholti – til systkinanna Sigurðar
og Borghildar. Umræðurnar voru
skemmtilegar og fræðandi – og veit-
ingar ekki af skornum skammti.
Mér þykir við hæfi að enda þessa
kveðju með vísunni Ómar vorsins eft-
ir Minnu, frænku Sigurðar:
Nú heyri ég hugljúfa róminn
með himneska kliðinn sinn.
Og vona að blessuð blómin
brosi við gluggann þinn.
(Ingibjörg Sigurðardóttir)
Borghildi og öðrum aðstandendum
sendi ég innilegar samúðarkveðjur
og þakka Sigurði góða samfylgd.
Jón Þórðarson.
Að verða að leggjast inn á sjúkra-
hús er ákveðin, sterk lífsreynsla, eigi
hvað síst fyrir þá sem lifað hafa langa
ævi og góða og aldrei þurft þangað
hjálpar að leita. Við vorum þrír Rang-
æingar saman á stofu í Sjúkrahúsi
Suðurlands í páskavikunni og nutum
hlýrrar umhyggju og góðrar læknis-
meðferðar. Allir vel málhressir.
Nú hefur einn félaginn, Sigurður
Karlsson bóndi í Bjálmholti, kvatt
hinstu kveðju alveg óvænt, hann var
svo hress að vænta mátti lengri líf-
daga. Margir eiga minningar um það
að hafa sótt heim hlýlega bæinn í
Bjálmholti, notið þar gestrisni Sig-
urðar og Borghildar systur hans og
hlýtt á ljúfa tóna er Ingibjörg frænka
þeirra spilaði eigin hugverk á harm-
onikku eða orgel.
Nú var nálægðin sýnu meiri. Í
stuttri samvist á sjúkrastofu urðu til
kynni sem tengdu menn vinaböndum
í ætt við ævilöng kynni. Við stofu-
félagar ræddum á víð og dreif um lífið
og líðandi stund. Það var eins og eitt-
hvað í líkingu við það að við hefðum
verið bátsverjar, lagt allt þrek okkar í
að draga saman veiðarfærin, mætt
brimi og boðum. Öll áreynsla sem
menn komast í og vinna úr sameinar.
Við notalega upprifjun í þessum anda
kemur innri maðurinn í ljósmál. Deg-
inum var eytt við rökræður, viðhorf
til líðandi stundar og liðinna daga,
minni genginna ævidaga. Þar áttum
við allir eitthvað svipað í sjóði. Hlýja
og hógværð einkenndu alla samræðu
Sigurðar. Vinir hans muna dreng-
skap hans og góðan vilja til alls og
allra. Við kvöddumst líkt og gagnveg-
ir vináttu hefðu legið á milli okkar um
langan tíma og við hlökkuðum til
seinni samfunda í heimahögum. En
hér ræður enginn sínum næturstað.
Við unnum Sigurði vel heimkomunn-
ar á land lifenda og sendum Borghildi
og kærum vinum samúðarkveðjur.
Grétar Haraldsson og
Þórður Tómasson.
Hver minning dýrmæt perla að
liðnum lífsins degi,
hin ljúfu og góðu kynni af alhug
þakka hér.
Þinn kærleikur í verki var gjöf,
sem gleymist eigi,
og gæfa var það öllum, er fengu
að kynnast þér.
(Ingibjörg Sigurðardóttir)
Elfa Björk og Valborg.
HINSTA KVEÐJA
Sími: 525 9930
hotelsaga@hotelsaga.is
www.hotelsaga.is
Hótel Saga annast erfidr ykkjur af
virðingu og alúð. Fágað umhverfi,
góðar veitingar og styrk þjónusta.
Erfidrykkjur af alúð
✝
Móðir okkar, tengdamóðir, amma og langamma,
KRISTÍANA HÓLMGEIRSDÓTTIR,
dvalarheimilinu Hlíð,
Akureyri,
verður jarðsungin frá Akureyrarkirkju þriðjudaginn
2. júní kl. 13.30.
Valgerður E. Valdemarsdóttir, Baldur Guðvinsson,
Þórhildur S. Valdemarsdóttir, Þorsteinn Þorsteinsson,
Hólmgeir Valdemarsson, Birna S. Björnsdóttir,
Baldvin Valdemarsson, Vilborg E. Sveinbjörnsdóttir,
Sigrún B. Valdemarsdóttir, Ingólfur Ingólfsson,
ömmubörn og langömmubörn.
✝
Alúðarþakkir til allra þeirra sem sýndu okkur
samúð og vináttu við andlát og útför
INGIBJARGAR EIRÍKSDÓTTUR
frá Grjóti,
Þverárhlíð.
Fyrir hönd aðstandenda,
Gunnar Eiríksson.
✝
Þökkum innilega auðsýnda samúð og hlýhug vegna andláts og útfara
elskulegra foreldra okkar og tengdaforeldra,
HELGU GUÐRÚNAR SIGURÐARDÓTTUR
og
ÞÓRÐAR SNÆBJÖRNSSONAR,
Stafholti 14,
Akureyri.
Snæbjörn Þórðarson, Liv Gunnhildur Stefánsdóttir,
Helga Kristrún Þórðardóttir, Karl Jónsson,
Haukur Þórðarson, Kristbjörg Jónsdóttir,
Örn Þórðarson, Ingibjörg Eyjólfsdóttir,
Hrafn Þórðarson, Ragnheiður Sveinsdóttir.
✝
Elskulegur faðir okkar, tengdafaðir, afi og langafi,
ANDREAS CHRISTIAN FÆRSETH,
Vatnsholti 3a,
Keflavík,
lést á Heilbrigðisstofnun Suðurnesja þriðjudaginn
26. maí.
Jarðarförin verður auglýst síðar.
Óli Jóhann Færseth, Jóhanna M. Karlsdóttir,
Jónína Guðrún Færseth, Jóhannes Helgi Einarsson,
Björg Linda Færseth, Einar Sveinsson,
barnabörn og barnabarnabörn.
✝
Elskulegur eiginmaður minn, faðir okkar, tengda-
faðir og afi,
ALFREÐ GUÐMUNDSSON
netagerðarmeistari og athafnamaður,
Hafnarfirði,
varð bráðkvaddur í Vikersund í Noregi miðviku-
daginn 20. maí.
Útförin verður auglýst síðar.
Mae Ramil Opina,
Drífa Alfreðsdóttir, Gunnar Magnússon,
Svava Ástudóttir, Kieran Houghton,
Berglind Ósk Alfreðsdóttir,
Kristín Fríða Alfreðsdóttir,
Alma Lísa Alfreðsdóttir,
Alfreð Örn Alfreðsson,
Guðmundur Ársæll Alfreðsson
og barnabörn.