Morgunblaðið - 18.08.2009, Side 2

2 FréttirINNLENT
MORGUNBLAÐIÐ ÞRIÐJUDAGUR 18. ÁGÚST 2009
Í vinnuna
H
V
ÍT
A
H
Ú
S
IÐ
/
S
ÍA
-
0
9
-0
3
6
3
Morgunblaðið Hádegismóum 2, 110 Reykjavík. Sími 5691100 Fréttir ritstjorn@mbl.is Fréttastjórar Sunna Ósk Logadóttir, sunna@mbl.is Egill Ólafsson, egol@mbl.is Viðskipti vidsk@mbl.is Björgvin Guðmundsson, fréttastjóri, bjorgvin@mbl.is
Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gudlaug@mbl.is Minningar mbl.is/sendagrein, Stefán Ólafsson, Arnór Ragnarsson
Íþróttir sport@mbl.is Sigurður Elvar Þórólfsson, seth@mbl.is Víðir Sigurðsson, vs@mbl.is Sunnudagur Ragnhildur Sverrisdóttir, ritstjórnarfulltrúi, rsv@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
Eftir Skúla Á. Sigurðsson
skulias@mbl.is
VIÐRÆÐUR Mjólku við Kaupfélag
Skagfirðinga (KS) og fleiri um að
fjárfesta í Mjólku eru á lokastigi að
sögn Ólafs M. Magnússonar, fram-
kvæmdastjóra Mjólku. Þórólfur
Gíslason, kaupfélagsstjóri KS, stað-
festir að viðræður standi yfir.
„Kaupfélag Skagfirðinga hefur verið
að skoða ýmsa möguleika og þar á
meðal þetta.“ KS á fyrir 7,5% hlut í
Mjólkursamsölunni.
„Það er oft erfitt að vaxa hratt og
það krefst fjármagns og það hefur
verið þrautin þyngri að fá frá því að
bankarnir hrundu,“ segir Ólafur og
kveður efnahagsþrengingarnar hafa
komið töluvert niður á Mjólku. Þess
vegna freistar fyrirtækið þess nú að
fá til liðs við sig fjárfesta til að halda
uppbyggingu sinni áfram.
„Kaupfélag Skagfirðinga rekur
eina mjólkursamlagið sem er utan
við Mjólkursamsöluna og saman get-
um við komið sterkt inn á markað-
inn,“ segir Ólafur og telur hann að
það myndi koma neytendum til góða
í formi aukinnar samkeppni á mjólk-
urmarkaði. „Í Kaupfélagi Skagfirð-
inga eru mjög færir rekstrarmenn
innandyra og við teljum að við getum
nýtt þeirra þekkingu til að byggja
þetta fyrirtæki enn frekar upp,“ seg-
ir Ólafur en tekur fram að samning-
ar séu þó ekki enn í höfn.
Velviljaðir lánardrottnar
Framundan eru samningar um
skuldir Mjólku og segir Ólafur nýja
fjárfesta mikilvæga fyrir hagsmuni
lánardrottna fyrirtækisins. „Velvilji
lánardrottna við þetta félag hefur
verið alveg einstakur og fyrir það er-
um við gríðarlega þakklát.
Hátt vaxtastig hefur gert okkur
erfitt fyrir þar sem við erum sprota-
fyrirtæki og erum ekki með mikla
sjóði af eigin fé,“ segir Ólafur. Hann
vonar að stýrivextir verði lækkaðir
sem fyrst, fyrirtæki standi ekki und-
ir svo háum vöxtum.
Viðræður við KS og
fleiri fjárfesta á lokastigi
Mjólka hyggur á frekari uppbyggingu með nýjum fjárfestum
» Nýir fjárfestar mikil-
vægir lánardrottnum
» Hátt vaxtastig hefur
komið niður á Mjólku
ÁLFTIN Svandís komst fljótlega að því að hvergi er betra að vera en á
Bakkatjörn á Seltjarnarnesi. Þar hefur hún búið sér og sínum öruggt skjól
í einn og hálfan áratug og ljóst er að ungar hennar frá því í vor hafa dafnað
vel í sumar. Álftir koma yfirleitt til landsins í lok apríl, en Svandís, maki
hennar og afkomendur eru hér allt árið um kring. Hún hefur þurft að berj-
ast fyrir sínu og sínum og er skemmst að minnast þess að mávar rændu frá
henni eggjum í fyrra en hún lét þá ekki stöðva sig, gaf þeim langt nef og
kom upp tveimur ungum af miklu harðfylgi.
Fjörugt fuglalíf á Seltjarnarnesi
Morgunblaðið/Ómar
Svandís og fjölskylda
una sér vel á Bakkatjörn
SEX dauðar ær fundust nýverið í
Seljadal inn af Mosfellsdal. Þeirra
hafði verið saknað í um þrjár vikur og
var því ákveðið að leita þeirra. „Allar
eru ærnar sundurtættar eftir hunda
og við finnum ekki lömbin,“ segir
Hreinn Ólafsson, bóndi á Helgadal í
Mosfellsdalnum og einn þriggja eig-
enda ánna. Segir hann um 10-12
lömb, sem fylgt hafi ánum, vera horf-
in. „Við vitum í raun ekki fyrr en við
förum að smala í haust hvort þessi
lömb séu enn á lífi eða hvort einhver
hafi tekið þau sér til matar,“ segir
Hreinn.
Að sögn Hreins hefur málið þegar
verið kært til lögreglunnar, enda
missirinn mikill. Bendir hann á að all-
ar séu kindurnar merktar með núm-
eri og því ætti að vera hægt að finna
lömbin. Sjálfur telur hann líklegast
að annaðhvort göngufólk sem leið
hafi átt um dalinn hafi misst stjórn á
hundi eða hundum sínum eða að sum-
arbústaðaeigendur hafi ekki haft
nægar gætur á hundum sínum. „Það
eru engir smáhundar sem taka svona
fullorðnar ær, sex stykki, og drepa
þær,“ segir Hreinn. silja@mbl.is
Ær sundurtætt-
ar eftir hunda
Sakna 10-12 lamba sem tilheyrðu ánum
Hræ Sigvaldi Haraldsson, einn
þriggja eigenda ánna í Seljadal.
PAR situr nú í gæsluvarðhaldi grun-
að um innbrot og þjófnað en á heim-
ili parsins í Kópavogi var lagt hald á
mikið magn skartgripa, myndavéla
og annarra muna sem lögreglan tel-
ur víst að séu þýfi. A.m.k. þrír aðrir
karlmenn hafa einnig verið hand-
teknir og úrskurðaðir í gæslu-
varðhald til 21. ágúst, eins og parið.
Þá leitar lögregla manna, sem taldir
eru tengjast þjófahópnum.
Parið var handtekið við skart-
gripaverslun í Reykjavík á fimmtu-
dag þar sem það hafði reynt að selja
skartgripi. Í fórum konunnar fund-
ust þá skartgripir, sem stolið var í
húsi í Reykjavík nokkrum dögum
áður. Munum, sem fundust á heimili
fólksins, var m.a. stolið úr húsi fyrr í
vikunni.
Fram kemur í úrskurðum Héraðs-
dóms Reykjavíkur að allt sé fólkið af
erlendum uppruna. Undanfarnar
vikur hafi verið mjög mikið um inn-
brot í íbúðarhúsnæði á höfuðborg-
arsvæðinu og gruni lögreglu, að
fólkið tilheyri hópi sem stundi þessi
innbrot.
Mennirnir þrír voru handteknir sl.
miðvikudag eftir að lögreglan fékk
tilkynningu um að þrír dökkklæddir
menn væru að fara inn um svaladyr
á húsi í Reykjavík. Lögreglumenn
voru mjög fljótir á staðinn og mættu
mönnunum í stigagangi húss þar
sem þeir voru með fangið fullt af
þýfi, m.a. poka fullan af áfengis-
flöskum og fartölvu.
Þjófahringur upprætt-
ur eftir hrinu innbrota
ALLS hafa sjö verið yfirheyrðir
grunaðir um að hafa slett skyri og
málningu á iðnaðarráðuneytið og
bíl ráðherra fyrr í þessum mánuði.
Samkvæmt upplýsingum frá rann-
sóknardeild lögreglunnar á höfuð-
borgarsvæðinu voru sjömenning-
arnir einnig spurðir út í aðrar
uppákomur þar sem málningu hef-
ur verið slett á hús forstjóra
nokkurra orkufyrirtækja hérlendis
sem og hús svonefndra útrásarvík-
inga.
Engir aðrir hafa verið hand-
teknir eða yfirheyrðir vegna
skemmdarverka á einkaheimilum,
en hjá lögreglunni fást þau svör
að þar séu málin tekin föstum tök-
um. Alls hafa verið tilkynnt 15 til-
vik þar sem málningu hefur verið
slett á hús eða bifreiðar á síðustu
mánuðum. Ekki fengust svör hjá
lögreglunni um það hvort eftirlits-
myndavélar hefðu náð nothæfum
myndum af þeim einstaklingi eða
einstaklingum sem slett hafa
málningu á fyrrgreind hús.
silja@mbl.is
Sjö hafa
verið yfir-
heyrðir
Alls 15 málningar-
slettutilvik tilkynnt
„NOVATOR, fé-
lag Björgólfs
Thors, hefur ver-
ið í viðræðum við
Kaupþing um
lausn um
greiðslur og er
félaginu ekki
kunnugt um að
þeim viðræðum
hafi verið slitið,“
segir Ásgeir Friðgeirsson, tals-
maður Novators, við Morgunblaðið
vegna fréttar RÚV í gær um að
Kaupþing ætli ekki að fella niður
skuld Björgólfsfeðga við bankann.
Feðgarnir fóru fram á að Kaupþing
afskrifaði þrjá milljarða af skuld
þeirra. Búnaðarbankinn hafði lánað
Samson-hópnum 3,4 milljarða árið
2002 vegna kaupa á hlut ríkisins í
Landsbankanum. Skuldin var í heild
um 6 milljarðar. ingibjorg@mbl.is
Ókunnugt um
viðræðuslit
Björgólfur Thor