Morgunblaðið - 18.08.2009, Side 12

„ALLIR sem búið hafa á Íslandi í færri en tvö
til þrjú ár þurfa sérúrræði en því miður bjóða
ekki allir skólar upp á þau. Það er mjög mikil-
vægt að í skóla sé þverskurðurinn af þjóðfélag-
inu því meginmarkmið framhaldsskóla er að
búa nemendur undir líf og starf í lýðræðisþjóð-
félagi,“ segir Gísli Ragnarsson, skólameistari
Fjölbrautaskólans við Ármúla.
Framhaldsskólanemendur sem hafa annað
tungumál að móðurmáli en íslensku eða hafa
búið lengi erlendis eiga rétt á kennslu í ís-
lensku sem öðru tungumáli samkvæmt nýjum
lögum um framhaldsskóla.
Einstaklingsmiðuð áætlun
Ný reglugerð um þessi réttindi nemenda er
nú komin út og þar kemur fram að framhalds-
skólar skuli bjóða upp á sérstakt nám í íslensku
sem annað tungumál. Sérstök móttökuáætlun
verði gerð aðgengileg fyrir alla þá nemendur
sem hafi annað móðurmál en íslensku. Þar
verði tekið mið af bakgrunni þeirra, tungu-
málafærni, færni á öðrum námssviðum og af
þeirri kennslu og stuðningi sem veitt er í skól-
anum.
Í Fjölbrautaskólanum við Ármúla er hæst
hlutfall nemenda með annað móðurmál en ís-
lensku af framhaldsskólum landsins og þar er
starfrækt sérstök innflytjendadeild. „Nemendur
með annað móðurmál en íslensku voru hátt í
hundrað talsins á síðustu vorönn,“ segir Gísli
skólameistari.
Samkvæmt upplýsingum frá menntamála-
ráðuneytinu er með reglugerðinni verið að
formgera það starf sem þegar er unnið víða í
framhaldsskólum landsins. Á síðasta skólaári
voru nemendur í framhaldsskólum með annað
móðurmál en íslensku um 500 talsins og voru
Ármúli og Tækniskólinn með stærstu nem-
endahópana. jmv@mbl.is
Eiga rétt á kennslu á eigin tungu
 Íslenska sem annað tungumál og móttökuáætlun skulu vera í boði í skólum
 Mikilvægt að í skóla sé þverskurðurinn af þjóðfélaginu, segir skólameistari FÁ
Morgunblaðið/Eyþór
Útskrift Leiðin að stúdentsprófinu getur verið
torveld fyrir þá sem tala litla sem enga íslensku.
12 FréttirINNLENT
MORGUNBLAÐIÐ ÞRIÐJUDAGUR 18. ÁGÚST 2009
LÝÐRÆÐISHÓPUR Sambands ís-
lenskra sveitarfélaga í samvinnu við
Stofnun stjórnsýslufræða og stjórn-
mála við HÍ mun á morgun, mið-
vikudag, kl. 15-17 bjóða til opins
málþings um aukið lýðræði í sveit-
arfélögum; hlutverk þeirra við að
endurbyggja traust með nýjum lýð-
ræðisaðferðum, persónukjöri og
siðareglum fyrir sveitarstjórn-
arfólk. Málþingið sem er öllum opið
verður haldið í salnum Skriðu í
nýrri aðalbyggingu mennta-
vísindasviðs HÍ (áður KHÍ) við Há-
teigsveg í Reykjavík. Þeir sem
áhuga hafa á að koma skrái sig á:
www.samband.is.
Meðal fyrirlesara er Dagur B.
Eggertsson sem kynnir hugmyndir
og tillögur lýðræðishóps og Gunnar
Helgi Kristinsson prófessor fjallar
um það áfall sem fulltrúalýðræðið
varð fyrir í efnahagshruninu.
Nýjar lýð-
ræðisaðferðir
STANGVEIÐI
Eftir Kjartan Þorbjörnsson
golli@mbl.is
VEIÐI hefur gengið vel í Ölfusá í
sumar. Stangaveiðifélag Selfoss selur
leyfi á svæðinu og Steindór Pálsson
formaður þess er ánægður með af-
raksturinn. „Við erum búnir að veiða
núna 352 laxa,“ sagði Steindór en á
svæðinu er veitt á sex stangir. „Við
vorum mjög ánægðir í fyrra en þá
vorum við með 337 yfir allt sumarið.“
Steindór sagði að þó veitt væri fram í
september byggðust veiðarnar á
göngufiski og því drægi hratt úr veið-
inni á þessum tíma sumars. Lítið
væri um að lax legðist á þeirra svæði.
Mest veiðist í júlí og fyrstu tvær vik-
urnar í ágúst. Hann segir að athygl-
isvert sé að langmest sé um smálax í
sumar og stórlaxar mjög fátíðir. Rétt
um 5% aflans sé fiskur sem klárlega
sé tveggja ára eða stærri. „Þetta
minnkar á hverju ári. Það eru ekki
nema 20 til 30 ár síðan Ölfusá hafði
35% af aflanum tveggja ára fisk.“
Steindór segir að mest sé veitt á
maðk í Ölfusá en þó sé túpuveiði með
„aðferðinni“ svokölluðu vinsæl auk
þess sem veiði á hefðbundnar flugur
og flugustangir hafi sífellt færst í
aukana. Hann segir aðstæður hafa
verið með besta móti í allt sumar. Áin
hrein og laus við bæði jökullit og
moldarlit.
Bara stórir í Hafralónsá
Steingrímur Einarsson, flugu-
hjólasmiður, er við veiðar í Hafra-
lónsá í Þistilfirði. „Það er fullt af fiski
í ánni,“ sagði hann þegar blaðamaður
heyrði í honum á sunnudagskvöld.
„Það er ekki að koma inn nýr smálax.
Þessir fiskar sem við erum að fá eru
allir í stærri kantinum og bara einn
lúsugur. Það er erfiðara að fá þá
stóru til að taka,“ sagði Steingrímur.
Hann sagði fisk greinilega vera búinn
að dreifa sér upp alla á og um 350
laxa komna á land.
Á miðjum sunnudegi hafði Flóka-
dalsá í Borgarfirði skilað 484 löxum á
land á stangirnar þrjár. Vinkvenna-
hópurinn Vöðlusystur lauk þá veið-
um. „Við vorum nú svolítið spældar.
Við fengum ekki nema sex laxa sem
er minna en í fyrra,“ sagði Margrét
Sigursteinsdóttir. Hún sagði að hollið
á undan hefði lent í göngu og náð 25
löxum. „Við sáum glás af fiski.“ Hún
sagði að fiskur hefði aðeins fengist á
tveimur veiðistöðum á miðsvæði ár-
innar þrátt fyrir mikla ástundun.
„Það er erfiðara að fá
þá stóru til að taka“
 Veiðin í Ölfusá komin yfir heildarveiði síðasta sumars
 Smálaxinn vantar í Hafralónsá en mikið af stærri laxi
Morgunblaðið/Golli
Á kafi Veiðimenn vaða í land við veiðistaðinn Víðihólma í Vatnsdalsá sem gárungarnir kalla Fenjasvæðið.
Veiðimenn sem voru á sil-
ungasvæði Vatnsdalsár í síðustu
viku ráku augun í kunnuglegt and-
lit á laxasvæði árinnar. Þar var á
ferðinni stórlaxinn og tónlist-
armaðurinn Eric Clapton ásamt fé-
lögum sínum. Hann hefur veitt á
Íslandi síðastliðin ár, yfirleitt hald-
ið sig í Laxá í Ásum en virðist nú
hafa fært sig í nágrannaána. Sam-
kvæmt heimildum okkar var rólegt
yfir veiðimönnum. Þeir fóru seint
út á morgnana og veiddu aðeins á
þrjár til fjórar af þeim átta stöng-
um sem Vatnsdalsáin býður upp á.
Hópurinn landaði eitthvað á milli
60 og 70 löxum. Engir ofurlaxar
náðust á land þótt frést hafi af
stórkostlegum bardaga við risalax
sem slapp með tilþrifum.
Stórlax að veiðum í Vatnsdalsá
Landsins mesta úrval af laxa- og silungaflugum
Frí flugubox
www.frances.is
Heimsþekktar flugur
atvinnumanna













Land eða bústaður óskast við
Þingvallavatn
t.d. í Nesjahrauni (Grámel) að þjóðgarði.
Staðgreiðsla í evrum fyrir rétta eign.
Svar sendist á thingvallavatn@gmail.com
@