Saga - 1974, Qupperneq 101

ÁRNI ÞÓRÐARS., SM. ANDRÉSS., GRUNDAR-HELGA 93
Fundust þeir Smiður og Árni Þórðarson og bundu sína
vináttu með fastmælum. Varð Jón Guttormsson lögmaður
skráveifa."
Enn segja annálamir og annálsbrot frá Skálholti við
árið 1361:
„Drepinn Árni bóndi Þórðarson af Smið. Bjó hann ferð
sína litlu síðar norður um land með 30 manna alvopn-
aðra, og það orð á, að hann ætlaði að taka gildustu bændur
fyrir norðan undir sverð. Nefndur Smiður hafði og kallað
Eyfirðinga landráðamenn, og er þeir fréttu þvílíka hluti,
söfnuðust þeir saman og fóru á móti Smið. Þeir hittust
á Grund í Eyjafirði. Varð þar bardagi í skálanum. Þar
féll Smiður og Jón lögmaður Guttormsson og 6 aðrir af
þeim, en 5 af Eyfirðingum.“
Lögmannsannáll segir við árið 1362: „Fundur á Hólum
á Tíburtíusmessu. Kornu norðan til allir Eyfirðingar lærðir
og leikir. Þar komu og Smiður og officialis af Skálholti.
Féll engi sætt á því þingi. Keyptu Eyfirðingar ferju að
Þverárstað og fóru til Noregs á því (skipi) Þorsteinn
Hallsson, Stefán, Guðmundur lágur prestar; Þorsteinn
Eyj ólfsson, Ólafur Pétursson leikmenn .. . Item lét Smiður
af slá Árna Þórðarson fyrir alþingi. Item eftir alþingi
reið Smiður norður um land og með honum margir
Sunnlendingar, komandi ofan í Eyjafjörð. Höfðu Eyfirð-
ingar njósnarmenn og komu samt mikill lýður á Grund
í Eyjafirði á Seljumannavöku og tóku hús á Smið og hans
niönnum. Lét þar Smiður sitt líf, Jón Guttormsson . . . og
nærri X af þeirra sveit og nærri svo margt af Eyfirð-
ingum.“ Gottskálksannáll segir við árið 1361: „Drepinn
Árni Þórðarson næsta dag eftir (festum) Botolfi abbatis.
Hafði hann áður boðið sig til Noregs á kóngsfund að standa
honum reikning um það, er hann átti að svara. Vildi
Smiður það ekki heyra. Síðan riðu þeir Smiður og Jón
Guttormsson norður um land og komu í Eyjaf jörð á Grund
á Seljumannamessu. Kallaði Smiður Norðlendinga, þá er
fremstir voru af bændum, útlaga. Lét hann og þar fylgja