Organistablaðið - 01.05.1969, Blaðsíða 20

Organistablaðið - 01.05.1969, Blaðsíða 20
SAGT UM BACH JOH. NIC. FERKEL: Vertu stolt af honum, föðurland mitt, en vertu líka verðugt þess að eiga hann. GOETHE: Hjá Bach finnst mér eins og hinn eilífi grunnhljómur tali við sjálfan sig, líkt og það getur hafa verið í hjarta Guðs áður en hann skapaði. BEETHOVEN: Hann hefði ekki átt að heita Bach (bach = lækur) heldur Meer (meer = haf) vegna sinna óendanlegu, ótæmandi auðæfa af laglínum og hljómum. SCHUMANN: Arfleiðin færist smátt og smátt saman. Beethoven þurfti t.d. ekki að kynna sér allt sem Mozart hafði gefið okkur, ekki heldur Mozart það sem Hándel, og Handel ekki það sem Palestrina hafði gefið okkur. Það er aðeins einn, sem allir verða að læra af, Johann Sebastian Bach. BRAHMS: Ef óll tónverk Beethovens, Schuberts og Schumanns hyrfu skyndi- lega myndi ég sannarlega finna mjóg til, en — óhuggandi yrði ég ef verk Johanns Sebastians Bachs töpuðust. A. B. MARX: Aldrei hefur nokkur þjóð önnur átt samtímis aðra eins tón- snillinga og Bach og Hiindel, og aldrei jafnoka Bachs. GOUNOD: Bach er herra kirkjutónlistarinnar. SPITTA: Bach er sá eini tónskáldaskórungur okkar, sem sendi frá sér fjölda framúrskarandi nemenda. ROBERT FRANZ: Lát þú sálmalög Bachs vera þínar morgun- og kvöldbænir, því í þeim er allur fagnaðarboðskapur tónlistarinnar. Tónsmíðar Bachs á maður alltaf að nálgast með auðmýkt. MAX REGER: Bach er fyrir mig upphafið og endirinn á allri tónlist. Á hon- um grundvallast og hvílir öll sönn framför. NIETZSCHE: Þessa vikuna hef ég tvisvar sinnum heyrt Mattheusar-passionina eftir hinn guðdómlega Bach, í bæði skipti mállaus af undrun. Sá sem hefur gleymt kristindómnum gjörsamlega heyrir hann hér sannarlega eins og gleSi- boð_kap. NATAN SÖNDERBLOM: Bach er fimmti guðspjallamaðurinn. Farið og vinn- ið fyrir hann. H. W. VAN LOON: Eitt orð að skilnaði. Johann Sebastian Bach er það tón- skáld, sem greiðir hæstan arð af óllu því, sem lagt er í verk hans. Framlagið þarf ekki að vera ýkjamikið. Ofurlítil viðleitni af yðar hálfu er allt, sem hann fer fram á. Eftir það mun meistarinn sjálfur sýna yður, hvernig þér eigið að fara með fjársjóðinn, auka hann og ávaxta, þangað til að því kemur — skyndilega og óvænt — að þér vitið yður eiga verðmæti, sem enginn í heiminum getur frá yður tekið: skilning og ást á tónverkum hans. JULIUS RABE: Tónlistin er hans tilbeiðsluform. 20 ORGANISTABLAÐIÐ

x

Organistablaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Organistablaðið
https://timarit.is/publication/787

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.