Organistablaðið - 01.05.1969, Blaðsíða 23

Organistablaðið - 01.05.1969, Blaðsíða 23
Pétur Sigurðsson, tónskáld frá Sauðárkróki. Pétur Sigurðsson var fæddur á Geir- mundarstöðum í Sæmundarhlíð i Skaga- firði hinn 14. apríl 1899. Foreldrar hans voru Sigurður hóndi þar Sigurðs- son, Bjarnasonar hónda og smiðs á Stóra-Vatnsskarði, og kona hans Ingi- björg Halldórsdóttir smiðs Björnssonar frá Hvalnesi. Var Pétur fjór^a harn foreldra sinna, af fimm. 011 voru þau systkin hið mesta atgervisfólk, en urðu skammlif flest. Pétur ólst upp með foreldrum sínum til tvítugs aldurs eða til vorsins 1919. Hinn 19. apríl það ár kvæntist hann Guðrúnu Kristjönu Sigfúsdóttur, (f. 28. júni 1897) Björnssonar hónda á Ölduhrygg í Svarfaðardal, og konu hans Soffiu Zóphóníasdóttur bónda á Bakka í sömu sveit, Jónssonar. Reistu þau Pétur og Kristjana bú ]>að ,'or, á Mel hjá Reynistað og bjuggu þar til vorsins 1923, er þau brugðu búi og fluttu til Sauðárkróks. Var Kristjana þá heilsutæp orðin og var svo um langa hríð. Þau hjónin eignuðust fjögur bórn. Pétur lézt úr skæðri lungnabólgu, hinn 25. ágúst 1931, rúmlega 32 ára og varð óllum harmdauði er til hans þekktu. Pétur var óvenjulega bráð- þroska og vel að sér gerr um flesta hluti. Var ungur að árum með hærri mönnum, sterkur vel, og kappsfullur. Dókkur á brún og brá, fölleitur nokk- uð í andliti, augun snör, — gátu orðið mjög hvöss, við einbeitni hugans eða geðbrigði. Tilfinningamaður mikill, skapheitur, örlyndur og geðstór, en tamdi skap sitt vel. Trygglyndur og vinfastur. Hamhleypa til alha verka. hagvirkur og frábær afkastamaður. — „Af honum bæði gustur gcðs og gerð- arþokki stóð." Snemma þótti bera á hljómlistargáfum hjá Pétri og nokkru fyrir fermingu fékk hann tilsögn í organleik hjá Benedikt Sigurðssyni bónda á Fjalli, er kenndi mörgum á harmoníum. Benedikt taldi Pétur lang fremstan þeirra er hann hafði kennt. Batt við hann miklar vonir og ævilanga vináttu. Hvatti hann Pétur til að reyna að afla sér frekari fræðslu. En þar var ekki um auðugan garð að gresja. Þó var Pétur um tíma við nám hjá Sigur- geiri Jónssyni organleikara á Akur- eyri, og auk þess las hann allt sem hann komst yfir um hljómfræði og tónsetningu. Þegar er Pétur kom frá Akurevri vann hann ásamt Benedikt á Fjalli að því að stofna karlakór, og fyrsti árangur var það, að vorið 1916 söng karlakvartett nokkur lög á skemmtisamkomu að Víðimýri og söng- stjórinn var Pétur, þá aðeins 17 ára gamall. Þetta var vísirinn að hiuiiin ORGANISTABLAÐIÐ 23

x

Organistablaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Organistablaðið
https://timarit.is/publication/787

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.