Organistablaðið - 01.05.1969, Blaðsíða 12

Organistablaðið - 01.05.1969, Blaðsíða 12
komizt í kynni við þá áður. Síðan eru þessi verk leikin um víða veröld. Á þessum árum kynntist Straube fyrst verkum þess manns, sem mesta þýðingu hafði fyrir hann og orgellist hans. En það voru fyrstu orgelverk Max Regers. Reger er langmerkasta orgeltónskáld á eftir Bach og átti Straube rnestan þátt í að útbreiða list Regers og gera hana víðfræga. Reger var fæddur sama ár og Straube, 1873 í Bayern. Hann var stórbrotið tónskáld, en náði hæst í orgelverkum sínum og mun óhætt að fullyrða, að Straube hafi átt sinn mikla þátt í að svo varð. Það tókst með þessum tveim mönnum samvinna, sem vart eru dæmi lil í músiksögunni. Straube flutti svo að segja hvert einasta nýtt orgelverk eftir Reger á tónleikum um allt Þ/zka- land, oft áður en verkin voru prentuð. Vinátta mikil tókst með þeim og hélzt hún þar til Reger dó 1916, aðeins 43 ára gamall. Verk Regers eru níð])ung, flest. Þegar Reimann kennari Straube, sýndi nemanda sínum eitt af fyrstu verkunum, sagði hann: „Þetta er ómögu- legt að spila, þcssu veldur enginn organleikari." Þessi ummæli kennarans liöfðu þau áhrif á Straube, að hann settist við og lærði verkið og lék það opinberlega í Berlín. Nú er þetta verk talið með Iéttari orgelverkum Regers, og nú leika flestir organleikarar í öll- um löndum verk Regers án þess að það, útaf fyrir sig, veki sérstaka athygli sökum þess, hve erfið þau séu. Þannig hafa tímarnir breytzt. En þetta má fyrst og fremst þakka Karl Straube og hans mikla starfi. Reger var vanur að senda Straube handrilin af verkum sín- um áður en þau voru prentuð, svo að Straube gæti gert sinar at- hugasemdir við þau og gefið góðar bendingar, og breytti Reger oft samkvæmt uppástungum vinar síns, sem betur þekkti eðli orgels- ins og möguleika. I raun og veru miðaði Reger verk sín við kunn- áttu Straubes, en aldrei kom það fyrir, að Straube kvartaði undan hinum miklu tæknierfiðleikum í verkum Regers, þvert á móti, hon- um þótti gaman að glíma við þá, og hvatti hann heldur en latti, enda yfirvann hann hvað, sem fyrir kom af erfiðleikum. „Straube er mesti organleikari, sem uppi hefur verið," var Max Reger vanur að segja um hann. Annars batt Straube sig ekki eingöngu við gamla meistara og Max Reger. Væri hann spurður hvaða verk hann spil- aði, þá var svarið í stuttu máli: „Allt eftir alla." T. d. lék hann orgelverk eftir öll helztu tónskáld Frakka. Ef athugaðar eru efnisskrár hans frá árunum 1894—1918, að hann varð „kantor" við 12 ORGANISTABLAÐIÐ

x

Organistablaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Organistablaðið
https://timarit.is/publication/787

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.