Morgunblaðið - 13.11.2009, Blaðsíða 16

VIÐSKIPTI | ATVINNULÍF
MORGUNBLAÐIÐ FÖSTUDAGUR 13. NÓVEMBER 2009
Eftir Björn Jóhann Björnsson
bjb@mbl.is
VIÐRÆÐUR Íslendinga og Kín-
verja um fríverslunarsamning milli
landanna hafa legið niðri síðan í
mars á þessu ári. Þá fór fram svo-
nefndur tæknilegur fundur sérfræð-
inga frá utanríkisráðuneytinu ís-
lenska og kínverska
viðskiptaráðuneytinu en formlegri
samningalotu, þeirri fjórðu í röðinni,
lauk í apríl á síðasta ári. Gunnar
Snorri Gunnarsson, sendiherra Ís-
lands í Kína og aðalsamningamaður
Íslands í viðræðunum, segir við
Morgunblaðið að nú sé komið að
Kínverjum að hefja fimmtu lotuna
og svara þeim tilboðum sem Íslend-
ingar hafa lagt fram.
Gunnar Snorri átti óformlegan
fund með aðalsamningamanni Kín-
verja í september sl. og þar sagðist
sá síðarnefndi sjá ýmis tormerki á
því að samninganefnd Kínverja yrði
ræst út í nánustu framtíð, að sögn
Gunnars Snorra. Hann segir að Kín-
verjar hafi nefnt ýmsar ástæður fyr-
ir tregðu þeirra til áframhaldandi
viðræðna.
„Þeir hafa verið með mismunandi
afsakanir uppi. Fyrst var það að þeir
hefðu svo mikið að gera vegna jarð-
skjálftanna, svo kom kreppan og síð-
an hafa þeir einnig látið í ljós að
fyrst Ísland sé komið á braut með
viðræður við Evrópusambandið þá
ættu viðræðurnar að vera í biðstöðu.
Við höfum hins vegar sagt þeim að
ekkert sé því til fyrirstöðu að halda
viðræðunum áfram. Við erum til í
slaginn hvenær sem er.“
Margt ber í milli
Meðal þess sem borið hefur í milli
í viðræðunum er að Kínverjar hafa
sótt fast kröfu um frjálsa ferð fólks,
sem Íslendingar telja ekki þörf á að
hafa í samningi um fríverslun. Þá er
í svona samningum EFTA-ríkjanna
jafnan vísað til mannréttinda-
yfirlýsingar Sameinuðu þjóðanna en
kínverska viðskiptaráðuneytið hefur
ekki talið sig hafa umboð til að vitna
til slíkra samninga. Íslendingar hafa
krafist fullrar fríverslunar með sjáv-
arafurðir en Kínverjar komið á móti
með kröfu um lengri aðlögunartíma
en íslenska samninganefndin sættir
sig við. Deilt er um fleiri atriði.
Gunnar Snorri telur að þrátt fyrir
biðstöðu í viðræðunum sé enn mögu-
leiki á að ná samningum við Kín-
verja. Þetta geti tekið mjög langan
tíma, og sem dæmi nefnir hann að í
samskonar viðræðum Kínverja og
Ástrala standi enn allt fast eftir við-
ræður í 15 lotum.
Viðræður við Kín-
verja komnar á ís
Tregða í viðræðum minnkaði ekki með ESB-umsókn Íslands
Ljósmynd/Enex
Kína Gunnar Snorri Gunnarsson sendiherra, annar frá hægri, meðal fulltrúa orkufyrirtækisins Enex þegar nýrri
jarðvarmaveitu var hleypt af stokkunum í Xiong-sýslu á dögunum, í samstarfi við olíufélagið Sinopec.
Í HNOTSKURN
»Innflutningur frá Kína ermun meiri en útflutningur
Íslendinga þangað. Nærri
þriðjungur tolltekna íslenska
ríkisins kemur af afurðum frá
Kína.
»Á fyrstu níu mánuðum árs-ins nam útflutningur til
Kína 2,4 milljörðum en inn-
flutningur til Íslands á sama
tíma 14,8 milljörðum króna.
»Fjölmörg íslensk fyrirtækieru með starfsemi í Kína.
SKRIFAÐ hefur verið undir samn-
ing á milli íslenska fjárfestinga-
félagsins Northern Light Energy
(NLE) og indverska rafbílafram-
leiðandans REVA um sölu og mark-
aðssetningu rafbíla frá REVA hér á
landi. Til skoðunar er að setja upp
samsetningarverksmiðju hér á
landi, sem myndi þjónusta Evr-
ópumarkað fyrir Reva. Einnig er
ætlunin að byggja upp raf-
hleðslustöðvar sem víðast um land-
ið.
Félagið hefur átt í viðræðum við
iðnaðarráðuneytið og fleiri aðila
vegna þessa verkefnis en hér gæti
verið um að ræða fjárfestingu upp
á 50-70 milljónir dollara, jafnvirði
6-8 milljarða króna. Reiknað er
með að um 100 rafbílar verði fluttir
inn til Íslands á næsta ári en það er
tíföldun á fjölda rafbíla sem eru í
umferð hér á landi í dag. Einnig er
í undirbúningi hjá NLE að breyta
núverandi bílaflota landsmanna yf-
ir í rafbíla. Fer sá undirbúningur
fram í samstarfi við nokkra aðila í
Danmörku og Finnlandi, að sögn
Sturlu Sighvatssonar, fram-
kvæmdastjóra NLE. Félagið er í
eigu nokkurra einstaklinga og var
stofnað fyrir einu og hálfu ári, í
þeim tilgangi að rafbílavæða Ís-
land.
Markmið NLE er að stærstur
hluti bílaflotans verði knúinn áfram
með raforku fyrir lok árs 2012.
Samhliða rafbílaverksmiðju vinn-
ur félagið að undirbúningi raf-
hlöðuverksmiðju hér á landi, í sam-
vinnu við kínverska fyrirtækið
ThunderSky. Að sögn Sturlu eru
góðar líkur á að tilraunaverksmiðja
fari í gang strax á næsta ári.
bjb@mbl.is
Rafbílaverksmiðja á
Íslandi í startholunum
Rafbílar Skrifað undir í gær, f.v.: Júlíus Hafstein frá utanríkisráðuneytinu,
Gísli Gíslason, stjórnarformaður NLE, Keith Johnston frá REVA í Evrópu
og Sivaraman Swaminathan, sendiherra Indlands á Íslandi.
Fjárfesting með
Indverjum upp á
6-8 milljarða
– meira fyrir áskrifendur
Fáðu þér áskrift á
mbl.is/askrift
JÓLABLAÐIÐ
Morgunblaðið gefur út stór-
glæsilegt jólablað föstudaginn
27. nóvember 2009
Í jólablaðinu í ár komum við víða við, heimsækjum
fjölda fólks og verðum með fullt af spennandi efni fyrir
alla aldurshópa.
Jólablaðið er flottasta sérblaðið sem Mogginn gefur
út og er eitt af vinsælustu blöðum lesenda.
Pöntunartími auglýsinga er fyrir klukkan 12
mánudaginn 23. nóvember.
Nánari upplýsingar veitir Katrín Theódórsdóttir
í síma 569 1105, kata@mbl.is
Meðal efnis verður :
Uppáhalds jólauppskriftirnar.
Uppskriftir að ýmsu góðgæti til að borða á aðventu og
jólum.
Villibráð.
Hefðbundnir jólaréttir og jólamatur.
Smákökur.
Eftirréttir.
Jólakonfekt.
Grænmetisréttir og einnig réttir fyrir þá sem hafa
hollustuna í huga þegar jólin ganga í garð.
Jólasiðir og jólamatur í útlöndum
Jólabjór og vínin.
Gjafapakkningar.
Tónlistarviðburðir, söfn, kirkjur á aðventu og í kringum
jólahátíðina.
Kertaskreytingar, þar á meðal jólakerti.
Heimagerð jólakort.
Jólaföndur.
Jólabækur og jólatónlist.
Jólaundirbúningur með börnunum.
Margar skemmtilegar greinar sem tengjast þessari
hátíð ljóss og friðar.
Ásamt fullt af öðru spennandi efni.