Morgunblaðið - 13.11.2009, Blaðsíða 21
Daglegt líf 21
MORGUNBLAÐIÐ FÖSTUDAGUR 13. NÓVEMBER 2009
M
b
l1
15
18
00
Frábært úrval af undirfatnaði
Hæðasmára 4 · 201 Kópavogur
- Í sama húsi og Bílaapótek fyrir ofan Smáralind
Símar 555 7355 og 553 7355 - www.selena.is
Lepel, Lejaby,
Charnos, Elixir,
Panache,
Masqurade,
DM,
Pastunette.
A-FF
skálar
Glæsilegur kvenfatnaður á góðu verði
Fyrir jólin kemur út spilið Heila-spuni, spil fyrir skapandi Íslend-inga, sem minnir um margt á hiðgoðsagnakennda Fimbulfamb sem
löngu er orðið ófáanlegt. Í Heilaspuna er tak-
mark leikmannanna er að fá aðra til að trúa
uppskálduðum skýringum á orðum, slangri
eða orðtökum, skálda hvað raunverulegar
bækur fjalla um (eins og þeim yrði lýst aftan
á kápunni), hvað gerðist á ákveðnum dag-
setningum og botna á misfrægum ummæl-
um. Að spilinu standa vinkonurnar Sesselja
G. Vilhjálmsdóttir og Valgerður Halldórs-
dóttir, en Valgerður var stödd erlendis
þegar viðtalið var tekið.
„Mig hafði langað að búa til
spil heillengi en var alltaf í
skóla eða að vinna. Svo
kom ég heima
núna í vor eftir að
hafa verið í námi
erlendis og var
ekki komin með
vinnu svo þetta var
einmitt tíminn til að
fara að vinna í spilinu.
Ég og Vala erum saman í
spilaklúbbi og við fórum að tala
saman um að Íslendinga vantaði eitt-
hvert skemmtilegt spil um jólin. Hvorug okk-
ar var með vinnu svo við ákváðum að drífa í
þessu. Við fórum í hugmyndavinnuna, töl-
uðum um hvað okkur fyndist skemmtilegt og
síðan þróaðist hugmyndin áfram. Við athug-
uðum stöðuna og áhugann á markaðnum og
það kom allt mjög jákvætt út þannig að við
drifum bara í þessu.“
Aðeins rúmur tveir og hálfur mánuður leið
frá því þær ákváðu að láta slag standa og þar
til spilið fór fullbúið í framleiðslu í Kína. „Það
var gífurleg vinna að útbúa skýringarnar sem
eru 2.500 talsins, töluvert fleiri en í mörgum
spilum. Vinnan spannaði ekki langt tímabil en
það var unnið frá 8 til miðnættis á hverjum
aði svo mikið í orðtökum sem ég skildi ekki,“
segir Sesselja.
Hún segir að það hafi hjálpað heilmikið að
spila prufuspil með vinum og ættingjum því
þannig sáu þær hvað heppnaðist vel og var
skemmtilegt og hvað mátti betur fara. Þær
höfðu samband við Bobby Breiðholt sem
gerði allar teikningarnar í spilinu og svo sá
Anna Rakel Róbertsdóttir um grafíkina. „Við
höfum fengið mikinn meðbyr. Fólk sendir
okkur tölvupóst og þakkar framtakið. Við er-
um t.a.m. komnar með u.þ.b. 1.300 aðdá-
endur á Facebook. Forsala á spilinu er hafin
á heilaspuni.is og hún hefur farið mjög vel í
gang,“ segir Sesselja. Verð í forsölu er 5.990
kr. en henni lýkur í byrjun desember þegar
spilin fara í sölu í verslunum en þar mun það
kosta 6.990 kr.
degi og var dálítið eins og
að læra undir próf,“ segir
Sesselja en hún og Valgerður
lokuðu sig inni á Þjóðarbókhlöð-
unni tímunum saman. „Við vorum
líka mikið á kaffihúsi með stafla af bókum og
það var dálítið fyndið að Þorgrímur Þráins-
son var alltaf á næsta borði við okkur að
skrifa nýjustu bókina sína og vorum við alltaf
farnar að heilsa honum.“
Sesselja viðurkennir að undir lokin hafi
hún og Valgerður verið komnar með nóg af
skýringunum. „Hinsvegar hefur maður kom-
ið sér upp ótrúlegri þekkingu. Það er ómet-
anlegt t.d. að vita allt um íslenskar vættir. Við
Vala skiptum skýringunum á milli okkar, vor-
um með mismunandi sérsvið og undir lokin
var ég nánast hætt að skilja hana því hún tal-
Keppni í ímyndunarafli
Borðspil þar sem hugarflugið fær að njóta sín og lygalaupar fá
uppreisn æru. Hvern langar ekki að spreyta sig í þannig spili?
Heilaspuni Sesselja er að vonum ánægð með spilið.
Morgunblaðið/Ómar
ÆTLAR þú að láta eins og hver annar dagur sé í dag,
eða ætlar þú að fara einstaklega varlega; ganga um með
hjálm og í hnéhlífum, eða jafnvel ekki fara fram úr rúmi?
Fjöldi fólks óttast að föstudeginum 13. fylgi mikil ógæfa
og fer sér því afar gætilega. Sumir fyllast jafnvel lam-
andi ótta en paraskevide-
katriaphobia, ótti við föstu-
daginn 13., er þekkt fælni.
Árið 2009 hefur því ekki
reynst þessu fólki sérstak-
lega vel þar sem þrettánda
dag mánaðarins hefur
þrisvar borið upp á föstu-
degi en það mun aðeins ger-
ast einu sinni á næsta ári.
Margar kenningar eru til
um uppruna þessarar
hjátrúar, t.a.m. að hún komi
úr norrænni goðafræði, frá
musterisriddurum eða að
um sé að ræða samsteypu
tvenns konar hjátrúar; að
þrettán sé óhappatala og
föstudagur óhappadagur. Í
talnaspeki er oft talað um að
12 sé hin fullkomna tala, t.d.
séu mánuðirnir, stjörnumerkin, tölurnar á klukkunni og
lærisveinarnir tólf, og því sé 13 óregluleg tala sem fari út
fyrir fullkomnunina. Þá hefur föstudagur verið álitinn
óhappadagur allt frá 14. öld; ekki sé gott að hefja verk-
efni eða fara í ferðalög á þeim degi, fjölmargar hörm-
ungar í heiminum hafi þá dunið yfir auk þess sem Jesús
var krossfestur á föstudegi. Í öðrum löndum, t.d. Grikk-
landi, er þriðjudagur hins vegar álitinn óhappadagur.
Samkvæmt bandarískri rannsókn er 17-21 milljón
Bandaríkjamanna haldin ótta við föstudaginn 13. og
verða verslunar- og þjónustufyrirtæki af mörgum millj-
örðum króna vegna þess að margir kjósa að hafa sig
hæga og halda sig heima við. Það ætti kannski einhver
að segja þeim að flest slys gerast inni á heimilum fólks.
Hollensk rannsókn sem gerð var í fyrra leiddi í ljós að
færri slys, eldsvoðar og þjófnaðir áttu sér stað á föstu-
deginum 13. en aðra föstudaga, að öllum líkindum vegna
þess að fólk gætti sín betur eða héldi sig frekar heima.
Samkvæmt niðurstöðum eldri breskrar rannsóknar
verða hins vegar fleiri bílslys föstudaginn 13., og í raun
alla föstudaga ársins burtséð frá mánaðardeginum, og
má eflaust rekja það til áfengisneyslu.
Ferð þú í felur
föstudaginn 13.?
Friday the 13th Hvernig
væri í tilefni dagsins að
leigja einhverja af hinum
rúmlega 10 myndum
sem hafa komið út um
hinn morðóða Jason?