Organistablaðið - 01.06.1995, Blaðsíða 1

Organistablaðið - 01.06.1995, Blaðsíða 1
 ORGANISTABLAÐIÐ Júní 1995 26. árg. í/mm&^ Nú um þessar mundir eru víða vertíðarlok hjá kórum og kirkjutónlistarmönnum sem birtist í alls kyns hátíðum og tónlcikaröðum. Má þar nefna kirkjulistahátíðir nyrðra og syðra ásamt sumartónleikaröðum. Allt þetta starf ber vott um mikinn metnað og veru- lega grósku á kirkjutónlistarakrinum. Það er gleðilegt að vera vitni að því, hve fljótt hlut- irnir breytast, hve vel má merkja mikla framför hjá tiltölulega ungum kórum, sem sífellt bæta við sig getu til átaka við æ kröfuharðari verkefni. Þá má ekki gleyma að minnast á hina fjölmörgu, sem nú stunda nám í orgelleik. Þeirra starfsemi í vetur hefur verið bæði mikil og merk og gefur tilefni til mikillar bjartsýni. Af samningamálum er fátt nýtt að frétta hjá félaginu annað en það að samningar þeir, sem nú gilda í Reykjavík hafa verið útfærðir og gerðir aðgengilegir hlutaðeigendum og hyggst félagið kynna þá í öllum prófastsdæmum landsins og freista þess að fá þá alls staðar viðurkennda. Upp á borð hjá stjórn félagsins koma því miður allt of oft afskipti af deilumálum sem upp koma milli félagsmanna annars vegar og sóknarnefnda eða presta hins vegar. I þetta hefur farið mikill tími og fyrirhöfn með misjöfnum árangri sem auðvitað fer eftir því hve alvarlegar deilurnar kunna að vera. Oftast gerist þetta vegna þess að mönnum hættir til að gleyma í hvaða tilgangi allt þetta starf er, gleyma boðskap meistarans og gera aukaatiiðin að aðalattiðum. Við hverja altarisgöngu eru menn hvattir til að lifa í kærleika og sátt við alla menn. Þarna er að finna lausn þessara deilna og hefðu menn það í huga yrði skynsemin ekki sem rekald á hafsjó æstra tilfinninga eins og stundum vill verða. Kjartan Sigurjónsson.

x

Organistablaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Organistablaðið
https://timarit.is/publication/787

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.