SunnudagsMogginn - 04.04.2010, Side 29

4. apríl 2010 29
glottandi: „Ertu nokkuð fljúgandi?“ Hann mundi
geinilega vel eftir mér.
Þegar stóra stundinn rann upp fyrir utan Höfða og
ég átti að fara inn kallaði Ron á mig: „Mundu hvað ég
sagði þér!“
Ég tróð mér fremst í röðina inn í Höfða og lenti
fremst, aðeins tvo til þrjá metra frá leiðtogunum. Til-
finningin við myndatökuna var eins og að vera í
draumi. Það var allt einhvern veginn svo óraunveru-
legt. Mér leið eins og ég væri á Madame Tussaud-
vaxmyndasafninu.
Ég smellti af eins og óður maður. Við fengum bara
þrjátíu sekúndur. Ég fór eftir því sem Ron sagði og
smellti einni enn, það er stóra myndin sem varð for-
síðumynd á Morgunblaðinu og var lengi inni sem for-
síðumynd á Time Magazine en var skipt út á síðustu
stundu fyrir nýrri mynd. Myndin var þó á forsíðu As-
íuútgáfu Time.
Þegar leiðtogafundinum lauk tók smá tíma að ná sér
niður og byrja að mynda daglegu rútínuna aftur. Þó
atburðir sem þessir geti verið skemmtilegir, þá er lífið
sjálft og umhverfi þess þegar öllu er á botninn hvolft
ekkert síðra.
’
Reyndu að vera
fremst þegar þú
kemur inn,
taktu myndir allan
tímann og ekki
stoppa – og þegar
þeir segja stopp,
taktu þá eina í viðbót!