Morgunblaðið - 17.02.2010, Síða 12

12 FréttirINNLENT
MORGUNBLAÐIÐ MIÐVIKUDAGUR 17. FEBRÚAR 2010
BRYNDÍS Jóns-
dóttir hefur ver-
ið ráðin fram-
kvæmdastjóri
SAMFOK, sam-
taka foreldra
grunnskólabarna
í Reykjavík. Hún
hefur áður starf-
að sem upplýs-
ingafulltrúi,
grunnskólakennari, dagskrárgerð-
armaður og blaðamaður. Hún er að
ljúka námi í mannauðsstjórnun við
Háskóla Íslands en hefur áður lokið
B.ed.-gráðu við Kennaraháskóla Ís-
lands.
Framkvæmdastjóri
SAMFOK
Bryndís Jónsdóttir
Á SJÖTTA hundrað kennara í
grunnskólum Reykjavíkur hefur
skráð sig á ráðstefnuna „Svo lengi
lifir sem lærir“ sem haldin verður í
Ingunnarskóla í Grafarholti í dag,
miðvikudag. Aðalfyrirlesari er
Gestur Guðmundsson, prófessor við
Háskóla Íslands, sem verður með
erindi um hlutverk kennarans í
samfélaginu. Hann mun leita svara
við því hvernig félagsfræði mennt-
unar skilgreinir skóla og kennara.
Þá mun Lone Jensen, verkefna-
stjóri hjá Svæðisskrifstofu málefna
fatlaðra í Reykjavík, halda erindi
um leiðir til að stuðla að aukinni
vinnugleði.
Kennarar fjöl-
menna á ráðstefnu
Í JÓLASÖFNUN Hjálparstarfs
kirkjunnar söfnuðust 68,4 milljónir
króna. Peningarnir munu renna til
aðstoðar innanlands og til vatns-
verkefna í Eþíópíu, Malaví og
Úganda. Í jólasöfnuninni árið 2008
söfnuðust 58 milljónir króna, sem
þýðir að stuðningur hefur aukist
um 18% á milli ára. Í viðbót við mik-
inn stuðning einstaklinga hafa
stofnanir, félög, fyrirtæki og sóknir
landsins lagt fram stórar gjafir til
innanlandsaðstoðar.
Hjálparstarf kirkjunnar vill færa
öllum bestu þakkir fyrir þennan
stuðning.
Góð jólasöfnun
Gjafmild Grýla og Skyrgámur gáfu
í jólasöfnun Hjálparstarfsins.
Morgunblaðið/RAX
Á MORGUN, fimmtudag, kl. 12.00
stendur Félag háskólakvenna fyrir
hádegisfundi á Hótel Holti þar sem
fjallað verður um þorrann. Gestir á
fundinum verða Ragnhildur Gísla-
dóttir og Steinunnn Þorvaldsdóttir.
Þær munu segja frá bók sinni „Vel-
kominn þorri“ þar sem kynntar eru
nýstárlegar leiðir til að gera sér
dagamun á þorranum. Þar er einn-
ig að finna margvíslegan fróðleik
um þorrann og matarvenjur Íslend-
inga.
Morgunblaðið/Golli
Þorrakonur Ragnhildur Gísladóttir
og Steinunn Þorvaldsdóttir.
Hádegisfundur
um þorrahefðina
STUTT
Á NÝLIÐNU ári fluttu 4.835 fleiri
frá Íslandi en til landsins og hafa
aldrei jafn margir flutt frá landinu á
einu ári, samkvæmt upplýsingum
Hagstofunnar. Næst flestir brott-
fluttir umfram aðflutta voru árið
1887, þegar flutningar til Vest-
urheims voru í algleymingi, en það ár
fluttu 2.229 fleiri frá landinu en til
þess. Þá var fólksfækkun vegna bú-
ferlaflutninga samt tvöfalt meiri mið-
að við mannfjölda, eða 3,1% á móti
1,5%.
Pólland kemur oftast við sögu
Flestir fluttu til Póllands, eða
2.818, sem er 26,6%. Tæplega 9 af
hverjum 10 brottfluttum, eða 9.546,
fluttu til Evrópu. Þar af fóru 4.033,
eða 38,0%, brottfluttra til Norður-
landanna. 1.576 fluttu til Noregs,
1.560 til Danmerkur og 733 til Sví-
þjóðar.
Mjög dró úr aðflutningi til landsins
miðað við árið 2008, en 5.777 fluttu til
Íslands frá útlöndum 2009 og hafa
reyndar ekki verið fleiri á einu ári að
frátöldum árunum 2005 til 2008.
85,5%, eða 4.938, fluttu frá Evrópu
og þar af 1.931 frá Norðurlöndum.
1.193 komu frá Danmörku og 418 frá
Ameríku. Flestir komu frá Póllandi,
eða 1.235.
Tíðasti aldur brottfluttra og að-
fluttra var 25 ár. Flestir brottfluttra
voru á aldrinum 25-29 ára og flestir
aðfluttra á aldrinum 20-24 ára.
Fram að árinu 2003 fluttust að
jafnaði fleiri konur til landsins en
karlar. Á árunum 2004-2007 fluttust
5.913 fleiri karlar en konur til lands-
ins. 2008-2009 flutti 4.241 karl um-
fram konur frá landinu. Árið 2009
fluttu 3.689 fleiri karlar úr landi en til
landsins en 1.146 fleiri konur fóru en
komu.
Lítil hreyfing innanlands
Flutningar innanlands náðu há-
marki árið 2007, en þá voru skráðar
58.186 flutningstilkynningar. Þeim
fækkaði um 8.652 árið 2008 og voru
komnar niður í 46.926 í fyrra, sem er
lægsta tíðni síðan 1988, miðað við
flutninga á hverja 1.000 íbúa.
Flestir fluttu frá höfuðborg-
arsvæðinu, eða 2.546 umfram að-
flutta. Þetta helgast fyrst og fremst
af miklum flutningum frá svæðinu til
útlanda, en 3.212 fluttu þaðan til út-
landa umfram aðflutta. Hins vegar
fékk höfuðborgarsvæðið 666 manns
umfram brottflutta í innanlands-
flutningum frá öðrum landsvæðum.
Á öllum svæðum landsins var
fjöldi brottfluttra hærri en fjöldi að-
fluttra. Minnstur var munurinn á
Norðurlandi vestra (-29) og á Vest-
fjörðum (-75). Munurinn var mestur
á Suðurlandi (-473), svo á Austur-
landi (-459), Vesturlandi (-424) og á
Suðurnesjum (-450). steinthor@mbl.is
Búferlaflutningarnir nú minna á
flutninga til Vesturheims á 19. öld
Aldrei fleiri
flutt frá Íslandi
en árið 2009
Búferlaflutningar milli landa 2009
Aðfluttir umfram Aðfluttir Brottfluttir
brottflutta
Alls -4.835 5.777 10.612
Pólland -1.583 1.235 2.818
Noregur -1.275 301 1.576
Svíþjóð -406 327 733
Danmörk -367 1.193 1.560
Þýskaland -192 237 429
Portúgal -179 58 237
Litháen -147 238 385
Tékkland -114 62 176
Slóvakía -87 43 130
Önnur lönd -485 2.083 2.568
SÍFELLT fleiri hlaupa sér til heilsuræktar eins og vel
sést á göngustígum, eða hlaupastígum, borgarinnar.
Þá hefur þátttaka í almenningshlaupum vaxið gríð-
arlega á undanförnum árum og sem dæmi má nefna að
346 hlauparar luku 10 km Powerade-hlaupi sl. fimmtu-
dag. Aukinn áhugi á hlaupum er ekki bundinn við Ísland
því svipuð þróun hefur orðið undanfarin ár annars staðar
á Vesturlöndum. Ísland hentar á margan hátt ágætlega
til hlaupa, nóg er af brekkum, feikinóg pláss og veðrið er
nánast aldrei of vont til að skella sér út. runarp@mbl.is
HENTUGIR HLAUPASTÍGAR
Morgunblaðið/Kristinn
Eftir Egil Ólafsson
egol@mbl.is
LANDSSAMBAND smábátasjómanna leggur til
að erlend lán smábátasjómanna verði færð aftur til
1. mars 2008 og að það sem eftir stendur af lán-
unum verði breytt í óverðtryggð lán sem beri ekki
vexti. Örn Pálsson. framkvæmdastjóri Lands-
sambands smábátasjómanna, segir að illa hafi
gengið að fá fram afstöðu banka og stjórnvalda við
þessari tillögu.
Örn sagði að smábátasjómenn skulduðu tugi
milljarða í erlendum lánum. Mest af því væri til
komið vegna kaupa á veiðiheimildum. Þeir hefðu á
undanförnum árum reynt að styrkja stöðu sína
með því að kaupa veiðiheimildir.
Örn sagði að bankarnir hefðu sett fram kröfur
um að smábátasjómenn færðu erlendu lánin yfir í
krónur. „Við höfum sett fram þá hugmynd að öll
erlendu lánin verði færð til 1. mars 2008 og mis-
munurinn á stöðu þeirra í dag og þá verði breytt í
lán til 15 ára í íslenskum krónum sem bæri enga
vexti og engar verðbætur. Afborganir af þessum
lánum hæfust þegar búið væri að greiða frum-
lánin.“
Örn sagðist hafa kynnt þetta fyrir stjórnvöldum
og bönkunum. Viðtökur hefðu verið ágætar, en
ekkert endanlegt svar hefði komið ennþá. Bank-
arnir hefðu upphaflega vísað tillögunni til stjórn-
valda sem aftur hefðu vísað á bankana. Lands-
sambandið þrýsti hins vegar fast á svör. „Allar
aðgerðir bankanna ganga út á að staða manna er
skoðuð með tilliti til skulda og eigna. Ef fyrirtækið
gengur þokkalega, en það skuldar kannski meira
en það á þá eru bankarnir til í að afskrifa. Fyrir-
tæki sem er í svipaðri stöðu en á meira en það
skuldar færi hins vegar ekki krónu afskrifaða. Við
erum mjög ósáttir við þetta. Þessi aðferð skekkir
samkeppnisstöðu milli einstakra útgerða og þess
vegna höfum við lagt til þessa almennu leið. Við
höfum megnustu andstyggð á þessari leið bank-
anna þar sem samið er við hvern og einn. Við vilj-
um hafa þetta uppi á borðinu þar sem tekið er á
vandanum með almennri aðgerð,“ sagði Örn.
Lán smábátasjómanna fóru flest í frystingu eftir
hrun. Örn sagði að eitthvað hefði borið á því að
bankarnir settu það sem skilyrði fyrir fyrirgreiðslu
að vextir á lánum yrðu hækkaðir. Þetta sé undar-
legt í ljósi þess að vextir í landinu séu almennt að
lækka.
Hafna skuldaleið bankanna
 Landssamband smábátaeigenda vill að bankarnir taki á skuldavanda smábáta-
sjómanna með almennri aðgerð og vill færa stöðu lána aftur til 1. mars 2008
Smábátar Margir smábátasjómenn eru með er-
lend lán og þurfa fyrirgreiðslu frá bönkum.
ENN fækkar ný-
skráningum öku-
tækja en í tölum
Umferðarstofu
kemur fram að
frá 1. janúar til 15.
febrúar í ár hafi
316 ökutæki verið
nýskráð en þau
voru 444 á sama
tímabili í fyrra. Fækkunin nemur
tæplega 29%. Ef þessar tölur eru
bornar saman við fyrstu 46 daga árs-
ins 2005, þegar nýskráningar náðu
hámarki, kemur í ljós að þá voru
skráð 2.937 ökutæki eða níu sinnum
fleiri en það sem af er árinu 2010. Nú
er fjöldi nýskráninga aðeins tæp 11%
þess sem skráð var í upphafi árs 2005.
Færri skipta um bíl
Sama á við um eigendaskipti öku-
tækja; það sem af er árinu hafa verið
skráð 6.861 eigendaskipti en í fyrra
voru þau 9.247. Þetta er 26% fækkun
eigendaskipta. Árið 2005 voru skráð
13.209 eigendaskipti á sama tímabili
eða nærri tvöfalt fleiri en núna.
Nýskrán-
ingum bíla
fækkar enn