Morgunblaðið - 24.02.2010, Síða 8

8 FréttirINNLENT
MORGUNBLAÐIÐ MIÐVIKUDAGUR 24. FEBRÚAR 2010
Eftir Hlyn Orra Stefánsson
hlynurorri@mbl.is
ÝMISLEGT ber að varast við nið-
urskurð í heilbrigðiskerfinu, og hef-
ur í því samhengi verið bent á að
hætt sé við atgervisflótta ef laun og
starfsskilyrði heilbrigðisstarfsfólks
eru skert um of.
Í erindi Birnu Jónsdóttur, for-
manns Læknafélags Íslands, á ráð-
stefnunni „Heilbrigðiskerfi á
krepputímum“, sem SÍBS efndi til í
Norræna húsinu í gær, kom fram að
frá 1. janúar 2008 hefði læknum hér
á landi fækkað um níutíu. Sagði hún
áhuga ungra lækna á að starfa er-
lendis hafa aukist.
„Kostnaðarvitund er
siðferðisvitund“
Ef vel er að málum staðið er þó
hægt að draga saman í heilbrigð-
iskerfinu án þess að það komi niður
á gæðum heilbrigðisþjónustunnar,
sagði Tinna Laufey Ásgeirsdóttir,
lektor í heilsuhagfræði, í fyrirlestri á
sömu ráðstefnu.
Tinna benti á að samkvæmt rann-
sókn OECD frá árinu 2008 gætum
við Íslendingar framleitt fleiri
„heilsueiningar“ með þeim fjár-
munum sem við í dag verðum til heil-
brigðismála. Lykilatriði í þeim efn-
um sagði Tinna vera að forgangs-
röðunin í heilbrigðiskerfinu yrði að
byggjast á kostnaðar- og nytjagrein-
ingu.
Vissulega gætu siðferðisleg rök
verið fyrir því að í einhverjum til-
fellum væri æskilegt að ráðstafa
fjármunum til verkefna þrátt fyrir
að hægt væri að nýta þá betur –
mælt t.d. í mannslífum sem er bjarg-
að – með öðrum verkefnum. Engu að
síður væri mikilvægt að þeir sem
mótuðu heilbrigðisstefnu reyndu
alla jafna að verja fjármunum til
verka þar sem hver viðbótar-
heilsueining væri ódýrust, sagði
Tinna, og klykkti út með orðunum
„kostnaðarvitund er siðferðisvit-
und“.
Hægt að spara með því að
lækka hæstu launin
Til máls tók einnig Álfheiður
Ingadóttir heilbrigðisráðherra.
Sagði hún forgangsröðun mikilvæga
til að niðurskurður í heilbrigðiskerf-
inu kæmi ekki niður á aðgengi að heil-
brigðisþjónustu. Heilbrigðisráðherra
benti jafnframt á að mikill munur
væri á upphæð launa innan heilbrigð-
iskerfisins og sagði að ná mætti fram
sparnaði með því að minnka það bil.
Meðal mögulegra neikvæðra af-
leiðinga þess að lækka laun lækna
væri eins og áður sagði atgerv-
isflótti. Í erindi sínu sagðist Birna
ekki vera í vafa um að vaxandi
læknaskortur yrði hér á landi á
næstu árum.
Eru frekar tilbúnir til
að setjast að erlendis
Áður fyrr var nánast óþekkt að
læknanemar vildu ekki snúa heim að
loknu sérfræðinámi í útlöndum,
benti Birna á. Nú væri öldin önnur
og ungir læknanemar gætu margir
hverjir vel hugsað sér að setjast að
erlendis, þar sem umhverfið væri að
ýmsu leyti meira heillandi.
Auk þess sagði Birna að sökum
læknaskorts bæði á Norðurlöndum
og í Evrópu væri mikið sóst eftir ís-
lenskum læknum, sem meðal annars
sæist á reglulegum atvinnuauglýs-
ingum í Læknablaðinu.
Læknum fækkað um níutíu
 Formaður Læknafélags Íslands telur að hér á landi verði vaxandi skortur á læknum á næstu árum
 Hægt er að nýta betur þá fjármuni sem varið er til heilbrigðismála segir lektor í heilsuhagfræði
Birna
Jónsdóttir
Tinna Laufey
Ásgeirsdóttir
SKERA ÞARF NIÐUR
» Í fyrra voru framlög tilheilbrigðiskerfisins skorin
niður um 9%, og er stefnt að
8% niðurskurði til viðbótar á
þessu ári.
» Frá því 1. janúar 2008 hef-ur læknum hér á landi
fækkað um 90, og eru þeir nú
1.067 talsins.
» 298 íbúar eru í dag umhvern lækni á Íslandi, sam-
anborið við 268 í byrjun 2008.
Eftir Unu Sighvatsdóttur
una@mbl.is
UMHVERFIS- og samgönguráð Reykjavíkur-
borgar frestaði í gær deiliskipulagstillögu um
grasæfingasvæði í Elliðaárdalnum. Gert er ráð
fyrir íþróttavelli fyrir íþróttafélagið Fylki á auðu
svæði austan við Árbæjarsundlaug, um 40 m frá
bökkum Elliðaár.
Minnihlutinn í umhverfis- og samgönguráði
gerði athugasemdir við þessa fyrirætlan og lýsti
yfir áhyggjum af því að gengið yrði of nærri lífríki
Elliðaánna. „Í aðalskipulagi borgarinnar kemur
fram að ekki skuli byggt nær ánum en 100 metr-
um. Fyrirhugað framkvæmdasvæði er allt innan
við 100 metra frá ánum og vegna landhalla er þörf
á talsverðum tilflutningi á jarðefnum inn og/eða út
af svæðinu,“ segir í bókun fulltrúa Samfylkingar
og Vinstri grænna.
Málið hefur verið til skoðunar síðan um mitt síð-
asta ár og var þá m.a. leitað eftir umsögn Veiði-
málastofnunar, sem varaði eindregið við því að
skipulaginu yrði breytt í samræmi við þáverandi
tillögu, með hliðsjón af lífríki vatnasviðs ánna í
heild sinni. Í framhaldinu lagði skipulags- og
byggingasvið til breytingar og mótvægisaðgerðir
til að draga úr áhrifum framkvæmda og rekstrar
svæðisins á lífríki ánna.
Grasbali til að sparka bolta ekki mannvirki
Gísli Marteinn Baldursson, formaður umhverf-
is- og samgönguráðs, segir að nýjasta álit Veiði-
málastofnunar sé mjög jákvætt, með hliðsjón af
boðuðum mótvægisaðgerðum. „Garðyrkjustjóri
leggst ekki gegn þessu og hefur ekki áhyggjur af
málinu og Umhverfisstofnun segir líka að hún
leggist ekki gegn þessu, þannig að öll þau fagálit
sem við höfum á borðinu eru bara jákvæð.“
Í bókun sinni hinn 9. febrúar ítreka fulltrúar
Samfylkingar og Vinstri grænna þó að heildstæð
stefnumótun þurfi að fara fram varðandi framtíð-
armöguleika svæðisins. Hingað til hafi 100 metra
mörkin ekki verið virt sem helgunarsvæði áa og
engin trygging sé fyrir því að mótvægisaðgerðum
verði fylgt eftir. Fulltrúar Samfylkingar og VG
vilji því fylgja eftir yfirlýstri stefnu Reykjavík-
urborgar um að ráðast ekki í framkvæmdir sem
ógnað geti lífríki Elliðaánna.
Gísli Marteinn segir að málinu hafi verið frestað
nú vegna þess að ákveðið hafi verið að skoða betur
önnur svæði sem komið hafi til tals fyrir hugs-
anlegan sparkvöll. Hann ítrekar að 100 metra við-
miðið eigi ekki við um þessa framkvæmd þar sem
aðeins sé um lítinn sparkvöll fyrir yngstu börnin
að ræða, sem ekki teljist mannvirki.
Elliðaánum ekki stefnt í hættu
„Það sem vakir fyrir okkur er að tryggja að
íþróttafélagið hafi góða æfingaaðstöðu inni í
hverfinu þannig að foreldrar geti verið öruggir um
börnin sín þegar þau fara á æfingar. Fólki finnst
líka skemmtilegt að hafa líf í Elliðaárdalnum.
En það er alveg rétt að það þarf að fara varlega
þegar farið er svona nálægt ánni og við munum
auðvitað ekki samþykkja neitt sem stefnir Elliða-
ánum eða útivistarsvæðinu í neina hættu.“
Morgunblaðið/Árni Sæberg
Útivistarperla Svæðið sem hugsanlega verður lagt undir völlinn er við Árbæjarlaug, um 40 metra frá bökkum Elliðaánna, þar sem er mikið íþróttasvæði.
Lítill íþróttavöllur á bökk-
um Elliðaánna til skoðunar
 Samfylking og VG óttast áhrif á lífríki ánna vegna framkvæmda svo nærri þeim
MP Reykjavík-
urskákmótið, hið
25. í röðinni,
hefst í dag og
lýkur hinn 3.
mars. Mótið fer
fram í Ráðhúsi
Reykjavíkur.
Um 110 skák-
menn taka þátt í
því og þar af eru
22 stórmeistarar. Um helmingur
þeirra kemur að utan, alls frá 22
löndum.
Nokkrir af sterkustu skákmönn-
um heims tefla á mótinu og má þar
nefna bosníska stórmeistarann Iv-
an Sokolov sem hefur þrívegis
sigrað á sterkum alþjóðlegum mót-
um hérlendis, þar á meðal á
Mjólkurskákmótum Hróksins árin
2003 og 2004, og stórmeistarann
Alexei Dreev, sem var fastamaður
í sterkasta skáklandsliði heims, því
rússneska, um langt árabil.
Einnig taka þátt í mótinu marg-
ar af sterkustu skákkonum heims
og má þar t.d. nefna hina banda-
rísku Irinu Krush sem er fasta-
maður í bandaríska skáklandslið-
inu, einu því sterkasta í heimi, og
þrjár indverskar skákdrottningar.
Ungir skákmenn setja svip
Ungir og efnilegir skákmenn
setja svip sinn á mótið og má þar
nefna Illya Nyzhnyk frá Úkraínu
sem er 14 ára og sterkasti skák-
maður heims í þeim aldursflokki.
Eftirtektarverðir keppendur
koma frá Perú. Það eru Cori-
systkinin, Jorge (14 ára) og Deyzi
(16 ára). Þau urðu bæði heims-
meistarar á HM unglinga sem fram
fór í haust hvort í sínum aldurs-
flokki. Jorge er yngsti stórmeist-
ari í heimi í dag.
Þá eru með nánast allir sterk-
ustu skákmenn landsins, eins og
t.d. Hannes Hlífar Stefánsson, tí-
faldur Íslandsmeistari og sig-
urvegari á Reykjavíkurskák-
mótinu síðustu tvö ár, og Henrik
Danielsen, núverandi Íslands-
meistari.
Skákskýringar verða á skákstað
á hverjum degi og verða í umsjón
eldri skákmeistara. Boðið verður
upp á beinar útsendingar á vefsíðu
mótsins, www.chess.is.
Meistarar
mætast í
Ráðhúsinu
22 stórmeistarar á
Reykjavíkurmótinu
Ivan Sokolov